Vetëvritet me armë zjarri 45 vjeçari në Tiranë, menaxher sigurie në një qendër tregtare

Një ngjarje e rëndë ka ndodhur në orët e vona të mbrëmjes së të martës në Tiranë, ky dyshohet se një 45 vjeçar është vetëvrarë me armë zjarri.

Sipas policisë mësohet se ngjarja ka ndodhur rreth orës 23:15, te qendra tregtare Teg, ku 45 vjeçari menaxher i sigurisë së kompanisë Acrem që menaxhon sigurinë e TEG, dyshohet se është vetëvrarë me armë zjarri.

Ndërkohë policia po punon për zbardhjen e plotë të ngjarjes.

“Më datë 01.08.2023, rreth orës 23:15, te qendra tregtare Teg, shtetasi M. L., 45 vjeç, (menaxheri i sigurisë së kompanisë Acrem që menaxhon sigurinë e TEG), dyshohet se është vetëvrarë me armë zjarri.

Grupi hetimor ndodhet në vendngjarje dhe po punon për sqarimin e rrethanave të ngjarjes.”, njofton policia.