Pas valës së nxehtë, sot vendi ynë është përfshirë nga moti i keq. Erë e fortë dhe reshje shiu në të gjitha qytetet, por situate më e rënduar paraqitet në Vlorë e Durrës. Mësohet se vetëm në pak minuta shi rrugët e Durrësit janë përmbytur, ndërsa është krijuar kaos dhe trafik, për shkak se po largohen edhe pushuesit.
Advertisements
Ndërkohë, edhe qyteti bregdetar i Vlorës është përfshirë në një stuhi shiu, ku pushuesit nuk kanë mundur të bëjnë plazh. Edhe ata që kanë preferuar të shkojnë herët, janë kthyer në shtëpitë e tyre.
Advertisements
Si pasojë ka pasur edhe trafik të rënduar. Shiu vjen pas temperaturave ekstrem të valës afrikane që përjetoi vendi ynë. Gjithsesi moti i keq nuk do të zgjasë shumë pasi fillimi i javës tjetër pritet të jetë me mot të mirë.