Ka kaluar një javë që kur 34-vjeçari shqiptar Klaudio Myrtaj u vra me plumb në kokë në një punishte artizanale në Itali dhe ende nuk ka asnjë përgjegjës për ngjarjen.
Advertisements
Kreu i prokurorisë së gjykatës së Cuneos, i cili po heton çështjen, u është përgjigjur pyetjeve të gazetarëve nëse ka ndonjë vrasës.
Advertisements
“Kur futesh në një mjedis me shumë gjëra, duhen disa të shkosh disa për të gjetur atë që të nevojitet. Na duhej të kontrollonim gjithçka. Ne po punojmë, do ta përmbledhim së shpejti. Nuk do të zgjasë shumë, por dhënia e indikacioneve mund të dëmtojë hetimin. Nuk mund të jap informacione sepse hetimi është në zhvillim e sipër. Mund të them që nuk është krim i organizuar. Duhet të bëjmë hetime te cilat nuk e di sa do zgjasin. Mendoj se brenda një muaji do ta mbyllim çështjen” tha prokurori.
Klaudio Myrtaj ndërroi jetë në spital, por ajo që që ka ndodhur ditën e krimit në atë dhomë të vogël të përdorur si zdrukthëtari, në oborrin ngjitur me Bashkinë, në via Umberto I, pak pas orës 16:00 më 4 nëntor, është ende nën hetim. Në lidhje me ngjarjen janë kryer tre inspektime.
E para menjëherë më pas, në një dhomë plot me vegla, të çrregullta sa shpesh janë punishtet e zejeve. Një inspektim i dytë të hënën, duke kërkuar armën që nuk u gjet. Ditën e mërkurë është kryer një kontroll i tretë, në prani të qiramarrësit në pension të punishtes.
Klaudio kishte disa ditë që shkonte atje për të dhënë një dorë. Ai punoi me kushërinjtë e tij në një kompani ndërtimi në Caraglio, por javën e fundit nuk kishte shkuar.
