“Shumë gra e kalojnë këtë në Kishë dhe vuajnë në heshtje si unë”
Advertisements
“Unë besoj se prodhimi i përmbajtjes sensuale nuk më pakëson mua si bijë të Zotit apo si person”. Kështu është shprehur një ish-modele e cila kishte nisur punë në Kishë dhe vendosi që t’a linte atë që të rikthehej te puna e saj e mëparshme.
Advertisements
Është fjala për Ana Akiva, e cila predikonte në Kishën Fuxico Gospel në Brazil, por tani poston foto e video në faqen për të rritur, “OnlyFans”. Për CEN, ajo ka thënë se në një moment tjetër nuk e përjashton mundësinë që të rikthehet në Kishë.
“Fillova të shoh se Kisha është një mjedis i korruptuar, është edhe më keq se bota e jashtme, sepse atje ndryshe predikojnë dhe ndryshe bëjnë. Jo të gjithë, por një pjesë e madhe e tyre janë të korruptuar”, ka thënë 36-vjeçarja.
Një arsye tjetër që e bëri të ndryshonte drejtim ishte bashkëshorti i saj klerik.
“Kur u martova, ai më ndaloi të punoja jashtë shtëpisë dhe të kisha miq. Ai jetoi për familjen dhe Kishën e tij. Është e vështirë të jesh e lumtur pranë dikujt që të kontrollon jetën dhe që nuk të ngre kurrë, që të quan plehra, që të pështyn në fytyrë. Shumë gra e kalojnë këtë në Kishë dhe vuajnë në heshtje si unë”, ka treguar Ana.
