Sali Berisha, Kreu i Partisë Demokratike ka thënë ditën e sotme se gjithçka mund të ndodhë gjatë procesit të hapur nga drejtësia, por ai nuk do të tërhiqet nga politika. Berisha në emsionin “Pa censurë” në RTSH vijoi duke thënë se ai ka dhënë prova konkrete që nuk tërhiqet.
Advertisements
“Kam dhënë prova që nuk bëj hap pas. Kam dëshmuar në mënyrën më të qartë se unë hapa pas për të shkelmuar të vërtetën nuk bëj kurrë.”-tha Berisha.
Advertisements
Dhe ai është i bindur në këtë rrugë të ndjekur, pavarësisht kostos shumë të madhe që po merr familja e tij.
“Kjo nuk është dëshmi e një kokëfortësie, është dëshmi e një përultësie para të vërtetës. Unë besoj se e vërteta duhet mbrojtur në çdo rrethanë dhe në çdo kohë, sepse, pas Zotit, ajo është më e madhe se çdo gjë tjetër.“- u përgjigj zoti Berisha, i cili u tregua edhe shumë i hapur se zakonisht, në raport me të ardhmen politike të fëmijëve të tij.
A ka lënë Sali Berisha një trashëgimi politike për Argita malltezin në PD.
“Argita mund të garojë për çdo gjë, por jo në supet e babait”- u shpreh ish kryeministri Berisha, duke iu përgjigjur edhe pyetjeve përse ka ndryshuar qendrim për përfshirjen në politikë të Argitës, vajzës së tij.
