Anija e Forcave Detare të Shteteve të Bashkuara të Amerikës, Trenton, ka zbarkuar këtë javë në portin e Durrësit. Ambasada amerikane në Tiranë thekson se kjo vizitë nxjerr në pah fuqinë e partneritetit mes SHBA-ve dhe Shqipërisë në fushën e mbrojtjes.
“Mirë se vjen në Shqipëri, USNS Trenton! ????????⚓️ Anija e Forcave Detare të Shteteve të Bashkuara Trenton (T-EPF 5) mbërriti në Durrës këtë javë për një vizitë të planifikuar në port. Vizita në portin e Durrësit nxjerr në pah fuqinë e partneritetit mes Shteteve të Bashkuara dhe Shqipërisë në fushën e mbrojtjes, teksa dy vendet tona punojnë së bashku për një Europë të qëndrueshme, të sigurt dhe të begatë. Detarët dhe marinarët civilë në bordin e Trenton presin me kënaqësi të përjetojnë kulturën e Shqipërisë, pamjet historike dhe mikpritjen e ngrohtë të aleatit tonë në NATO.”, shkruan në faqen e saj zyrtare ambasada amerikane.
Advertisements
Nuk është hera e parë që kjo anije ankorohet në portin e Durrësit. Afersisht dy vite më parë, në tetor 2021. Porti i Durrësit e ka bërë publik anijen e ankoruar në atë kohë, duke thënë se do të ndihmonte në operacione detare speciale por edhe për ndihma humanitare apo ato të fatkeqësive të ndryshme.
Kjo anije e flotës amerikane e ka marrë emrin për nder të qytetit Trenton në Nju xhersi. Eshtë ndërtuar në vitin 2015 dhe ka marrë pjesë në disa operacione, mes të cilave edhe ato të shpëtimit të emigrantëve në shtete të ndryshme.
Advertisements
Vizita në port ofron një mundësi për të forcuar partneritetin SHBA-Shqipëri në mënyrë që dy vendet të punojnë së bashku për një Evropë të qëndrueshme, të sigurt dhe të pasur. Ajo gjithashtu i jep anëtarëve të detarëve dhe marinarëve civilë të USNS Trenton një shanc për të përjetuar kulturën unike, pikat historike dhe mikpritjen e një aleati të NATO-s.
Shqipëria u bë anëtare e NATO-s në vitin 2009 dhe në vitet e pasuara forcoi partneritetin e tyre përmes pjesëmarrjes në ushtrime të përbashkëta në Detin e Adriatikut. Ata e pritën për herë të fundit një anije detare në korrik 2023, kur USS Ramage (DDG 61) mbërriti për një vizitë të planifikuar në port.
Advertisements
