Zbuloni çfarë parashikojnë yjet për ju ditën e sotme
Advertisements
DASHI
Planetët do i keni në krah gjatë kësaj dite dhe në përgjithësi gjithçka do ju ecë më së miri. Reflektimi para veprimit gjithashtu do jetë diçka e zgjuar. Klima në jetën tuaj në çift do ngrohet mjaft. Pranë partnerit do ndiheni më të dashuruar se kurrë më parë. Ju beqarët do preferoni të qëndroni vetëm edhe për disa kohë dhe do prisni që gjithçka të ndodhe atëherë kur të jetë programuar. Në punë mund të ketë edhe momente disi stresuese megjithatë me durim dhe mbështetje nga kolegët keni për t’ia dalë mbanë. Me financat mundohuni të tregoheni sa më të arsyeshëm që të mundeni. Vetëm kështu nuk do keni tronditje.
Advertisements
DEMI
Organizimi do jetë sfida juaj më e vështirë gjatë kësaj dite. Do mundoheni gjithë kohës të vendosni rregull në idetë tuaja dhe në çështjet më të rëndësishme. Jeta juaj në çift do jetë plotësisht e qetë dhe pa asnjë lloj shqetësimi sot. Do jeni bashkëpunues dhe të logjikshëm në çdo çast. Beqarët do kenë plot mundësi për aventura, por do i refuzojnë dhe do preferojnë të presin për historitë serioze. Në punë do jetë ditë paksa delikate, megjithatë me më shumë përpjekje mund të arrini t’a stabilizoni situatën. Në planin financiar do keni goxha probleme dhe mund të gjendeni në situata të vështira. Për fat miqtë dhe familjarët nuk do ju lënë në baltë.
BINJAKËT
Sot do keni vërtet shumë nevojë për qetësi. Qëndroni më shumë me personat e dashur dhe thjesht flisni me ta dhe përqafojini. Ngrohtësinë e tyre nuk mund t’ua falë askush tjetër. Venusi do e privilegjoje jetën tuaj në çift gjatë kësaj dite dhe në çdo moment do përjetoni vetëm emocione pozitive. Ata që kanë kohë që po mendojnë për një fëmijë më në fund do marrin lajmin e gëzuar. Beqarët do jenë shumë të kujdesshëm për pamjen e jashtme dhe do marrin plot ftesa. Në punë do i merrni gjërat shtruar dhe nuk do nxitoheni të hidhni hapa për gjëra që nuk jeni shumë të bindur. Të ardhurat do kenë disa përmirësime të vogla, megjithatë jo aq sa për të kryer investime ekstravagante.
Gaforrja – Horoskopi – Gazeta Shqip
GAFORRJA
Asgjë nuk do jetë e thjeshtë për ju gjatë kësaj dite madje në shumë raste do gjendeni përballë zgjedhjesh goxha të vështira. Zemra juaj nuk do ndihet shume mirë sot. Partneri do ju bëjë disa kritika që nuk do ju pëlqejnë dhe do trishtoheni. Më vonë keni për t’a kuptuar se gjithçka është bërë për të mirën tuaj. Beqarët do presin ende pak kohë para se të hedhin hapa, pasi tani për tani nuk ndihen gati. Në punë do jetë ditë paksa e lodhshme. Pranojeni mbështetjen që do iu japin disa kolegë sepse do e keni me të vërtetë të nevojshme. Financat nuk do jenë aspak të mira kështu që as mos mendoni të kryeni njëherë për njëherë shpenzime të mëdha.
LUANI
Falë Diellit sot do keni një jetë shumë të lumtur. Do ndiheni aq mirë saqë ndonjëherë nuk do e besoni dot se jeni në realitet. Falë ndikimit te Hënës sot nuk do keni asnjë lloj problemi ne jetën tuaj në çift. Nga ana tjetër dita nuk ka për të qenë aspak rutinë pasi të dy palët do mendoni të bëni diçka ndryshe. Beqarët do kenë shumë ngarkesë në punë dhe duke u marrë me të nuk do e kenë mendjen aspak te jeta sentimentale. Në punë përveç ideve të mira nuk do ju mungojë as fati. Përfitoni sa më shumë sepse rrallë mund të vijnë ditë të tilla. Çështjet financiare do favorizohen tej mase. Do ndiheni mirë kur situata të përmirësohet.
VIRGJËRESHA
Situata në të cilën do ndodheni gjatë kësaj dite do kërkojë realizëm. Mos u ndikoni nga emocionet sepse do gaboni. Mos ushtroni asnjë lloj presioni te jeta juaj në çift gjatë kësaj dite sepse mund të keni probleme dhe debate më pas. Secili ka të drejtën të veproje sipas mënyrës se vet dhe me detyrim nuk mund të bëhet asgjë. Beqarët do kenë më shumë se kurrë nevojë të ndihen të dëshiruar dhe të marrin komplimente. Yjet do ua plotësojnë dëshirat. Në punë vërtet do jeni goxha të ngarkuar, por kjo nuk do ju trembë aspak. Përkundrazi kjo situatë do ju shtyjë të bëni akoma më shumë përpjekje. Në planin financiar do reflektoni disa herë para se të hidhni hapa dhe nuk do keni probleme.
PESHORJA
Jeta juaj në çift do jetë shumë intensive sot. Hëna dhe Plutoni do ju bëjnë edhe më të ndjeshëm dhe do mendoni gjithë kohës si ta bëni çdo moment sa më të veçantë. Nëse keni një lidhje gjeni disa orë kohë, qëndroni pranë partnerit në vende të qeta dhe flisni për të kaluarën. Në këtë mënyrë do njiheni edhe më mirë dhe do afroheni më tepër. Nëse jeni beqarë do përjetoni ndjesi shumë të forta pas një takimi të ndodhur si me magji. Miqtë kanë gisht në çdo gjë. Çështjet profesionale do ndjekin rrjedhën e duhur dhe nuk do përbëjnë më asnjë lloj problemi. Gjendja financiare do përmirësohet në mënyrë të jashtëzakonshme.
AKREPI
Ka rrezik që rutina ta pushtojë jetën tuaj gjatë kësaj dite dhe ajo do rëndojë pafundësisht te ju. Shpesh do ndiheni edhe pa rrugëdalje. Çdo gjë do ecë mirë sot në jetën tuaj në çift. Edhe në rast debatesh të vogla do dini si të dilni gjithmonë nga situata dhe do ruani qetësinë. Beqarët do kenë një ditë të mbushur me mundësi për aventura të jashtëzakonshme, por do jetë në dorën e tyre sesa do duan të përfitojnë. Në punë duhet të bëni pak kujdes sepse vetëm ashtu do e ndërtoni rrugën e duhur nga e cila mund të arrini shumë lart. Buxheti nuk do jetë në gjendjen më të mirë të mundshme kështu që kujdes me çdo lloj shpenzimi.
SHIGJETARI
Dielli, Saturni dhe Urani do ndikojnë më së shumti gjatë kësaj dite dhe do përmirësojnë veçanërisht financat dhe jetën profesionale. Nëse jeni në një lidhje mund t’iu dalë edhe ndonjë problem i vogël, por pa pasoja shumë të mëdha. Mundohuni të kaloni sa më shumë kohë me partnerin dhe të dashuroheni pa dorashka me të. Ju beqarët do dëgjoni vetëm zemrën dhe do bëni çdo gjë që ajo do ju thotë. Do ndiheni mjaft mirë. Në punë do jetë ditë plot të reja dhe lajme të mira. Çdo gjë do ecë ashtu si e keni ëndërruar gjithmonë. Në planin financiar, pas disa vështirësive çdo gjë ka për të ndryshuar.
BRICJAPI
Gjatë kësaj dite, nën ndikimin e Marsit do ktheni disa faqe të librit të jetës dhe do hapni disa të tjera. Do mendoni përherë përpara me optimizëm. Nëse keni një lidhje, gjithçka do shkojë më mirë sesa e prisnit. Do komunikoni më tepër me partnerin dhe do kaloni edhe momente pasionante. Mos e lini asnjë sekondë t’iu ikë dëm. Nëse jeni vetëm do keni ndryshime dhe surpriza. Duket se takimi i shumëpritur do të ndodhe sot. Në punë ka mundësi të ndërprisni çdo marrëdhënie me një koleg të vjetër dhe kjo gjë do ua vështirësojë pak gjërat në projektin që keni nisur. Marsi do iu mbrojë në planin financiar dhe ju mund të përfitoni të bëni edhe ndonjë shpenzim më shumë.
UJORI
Hëna sot do ndikojë pozitivisht në jetën tuaj dhe sidomos në atë sentimentalen. Do jeni edhe më socialë dhe më të ndjeshëm. Marrëdhënia me partnerin do jetë harmonike dhe do iu duket sikur jeni mbi re. Mund të flisni edhe për projekte afatgjata. Ju beqarët do keni një ditë të mbushur me emocione. Pritet që të filloni një lidhje të qëndrueshme dhe serioze më parë nga sa kishit menduar. Në punë do jeni edhe më të kujdesshëm dhe më të organizuar. Gjërat do iu ecin më së miri sot. Në sektorin financiar do keni probleme goxha të mëdha. Me pak fjalë do korrni atë që keni mbjellë. Tregohuni më të matur me shpenzimet sepse pasojat do i ndieni gjatë.
PESHQIT
Përmirësimi i marrëdhënies me ata që doni më shumë do jetë prioriteti juaj sot. Yjet në fakt do i keni mbështetje dhe nuk do ju ndodhin aspak probleme. Për ju që keni një lidhje do jetë një ditë shumë e rëndësishme. Mërkuri do iu krijojë një situate harmonike dhe gjithë kohës do përjetoni më shumë emocione. Do keni edhe një surprizë që do ju bëjë të ëndërroni më tepër. Ju beqarët mund të keni një takim shumë të veçantë i cili do iu lërë shumë mbresa. Përfitoni nga kjo mundësi që po iu jepet. Në punë do iu jepet mundësia të rregulloni çdo gjë. Marrëdhënia me kolegët do jetë më e mirë dhe do mbështesni njëri-tjetrin. Financat nuk do kenë probleme të mëdha falë maturisë suaj.
