“Thikën e mbaj për t’u mbrojtur nga një tregtar shqiptar i drogës”- Publikohen pamjet kur një 32-vjeçar sulmon stafin e një spitali! I riu: Vodha mijëra paund dhe… (Video)

Një 32-vjeçar në Britani është dënuar me 5 vite burg, pasi në tetor të vitit të kaluar sulmoi me thikë stafin e një spitali në Brighton.

Mediat britanike kanë publikuar edhe pamjet kur Joshua Byrne sulmoi një roje sigurie duke bërtitur “Unë do të të godas me thikë në fytyrë”.

Po ashtu, ai mori me forcë një celular nga një pacient dhe për pak nuk e goditi me thikë një infermiere.

Gjatë seancës Byrne pranoi se kishte tentuar të shkaktonte lëndime të rënda trupore me qëllim, duke kërcënuar një person.

Më vonë, ai i tha policisë se mbante një thikë sepse kishte vjedhur mijëra paund nga një tregtar droge shqiptar dhe ndjeu nevojën për të mbajtur thikën për vetëmbrojtje.