I dyshuari Enea Suleimani lëvizte me një makinë ku u gjet kokainë. Policia: Nuk u bind të ndalte, eci mbrapsht me makinë duke rrezikuar jetën e punonjësve të policisë. U qëllua duke ikur. Në makinë dhe 2 të tjerë
Advertisements
Tiranë, 21 Mars 2024 / noa.al- Një person është plagosur sonte me armë zjarri pasi u qëllua nga policia gjatë një aksioni antidrogë. Sipas policisë, i dyshuari Ene Suleimani, po transportonte një kilogram kokainë dhe nuk iu bind policisë për të ndaluar.
Advertisements
Ngjarja ndodhi mbrëmjen e sotme më datë 21.03.2024, në rrugën “Mihal Duri”, Tiranë, raporton noa.al.
Gjatë një operacioni policor të strukturës për Hetimin e Narkotikëve të Tiranës, forcat policore kanë qenë duke kryer veprime operacionale në kuadër të procedimit penal nr. 496 te vitit 2024, veprime të autorizuara nga organi i Prokurorisë Rrethit Gjyqësor Tiranë.
Gjatë momentit që stuktura operacionale ka tentuar të ndalojë automjetin tip “Volkswagen Tiguan” me ngjyrë të bardhë me targë AB 780 MP, drejtuesi i automjetit nuk i është bindur urdhrave të policisë për të ndaluar dhe ka ecur mbrapsht duke rrezikuar jetën e punonjësve të policisë dhe duke përplasur me qëllim shmangien automjetin e sherbimit të policisë.
Advertisements
Gjatë tentativës për t’u larguar një nga punonjësit e policisë ka qëlluar me armë në drejtim të automjetit dhe për pasojë është plagosur shtetasi E. S., i cili është dërguar menjëherë në spitalin e traumës nga punonjesit e policisë dhe ndodhet nën kujdesin e mjekëve, jashtë rrezikut për jetën.
Në automjet janë konstatuar dhe dy persona të tjerë të cilët janë shoqëruar në ambientet e DVP Tiranë.
Në automjet është konstatuar një pako me peshë rreth 1 kg brenda së cilës dyshohet se lende narkotike kokainë.
Janë njoftuar strukturat e AMP-se të cilat do të kryejnë veprimet hetimore nën drejtimin e Prokurorisë së Juridiksionit të Përgjithshëm Tiranë për sqarimin e rrethanave të ngjarjes.
AMP, pas kryerjes së veprimeve të para në vendngjarje dhe sqarimit të të gjitha rrethanave do të bëjë njoftim të plotë mbi këtë ngjarje.