Një ngjarje e rëndë ka ndodhur në Meksikë, ku kandidatja për kryetar bashkie për Celaya, Bertha Gisela Gaytán, u qëllua gjatë fushatës në komunitetin e San Miguel Octopan, tha zyra e prokurorit të shtetit Guanajuato, duke e përshkruar vdekjen e saj si një atentat.
Advertisements
Tre persona të tjerë u plagosën gjithashtu në sulm, duke përfshirë një kandidat për këshillin e qytetit të Celaya, Adrián Guerrero.
Advertisements
Sekretariati i Sigurisë Publike Federale të Meksikës, tha të martën se Guerrero aktualisht konsiderohej i zhdukur, duke korrigjuar deklaratën e mëparshme se ai kishte vdekur pas lëndimeve të marra në të njëjtin sulm.
Autoritetet thanë se hetuesit dhe ekspertët e mjekësisë ligjore, ishin në vendngjarje duke mbledhur informacione për të gjurmuar vrasësit.
Vdekja e Gaytán, është e fundit në një varg vrasjesh që kanë ndodhur në prag të zgjedhjeve të përgjithshme në Meksikë, të cilat pritet të mbahen më 2 qershor.
Gaytán kishte bërë fushatë për Morena-n, partinë e presidentit meksikan Andrés Manuel López Obrador.
Lopez Obrador të martën dënoi sulmin, duke thënë: “Këto ngjarje janë shumë për të ardhur keq, sepse ata janë njerëz që po luftojnë për të mbrojtur demokracinë, të cilët janë në rrugë, duke treguar fytyrat e tyre, duke luftuar për të tjerët dhe dhemb shumë që kjo ndodh në vendin tonë”.
Morena tha se ndjente keqardhje të thellë për “vrasjen frikacake të koleges tonë”.
“I dërgojmë ngushëllimet tona dhe gjithë solidaritetin familjes, miqve dhe të dashurve të saj. Ne kërkojmë që zyra e prokurorit të Guanajuato dhe autoritetet përkatëse të hetojnë, të arrestojnë përgjegjësit dhe të sjellin drejtësi”.
Dhuna politike zakonisht rritet rreth sezonit zgjedhor në Meksikë, dhe ky vit po formohet si më i dhunshmi në mandatin gjashtëvjeçar të Obradorit, sipas analistëve të konsultuar nga CNN.
Sipas shoqatës për marrëdhëniet publike “Integralia”, nga shtatori deri në mars, të paktën 12 kandidatë u vranë dhe qindra raportuan akte dhune ndaj tyre.
