Kryeministri Edi Rama si rrallë herë foli vetëm 10 minuta në Kuvend për rezolutën anti-korrupsion dhe u largua nga salla. Tha me bindje se komisioni i posaçëm për monitorimin e institucioneve do të ngrihet do apo nuk do opozita, së cilës i dha disa këshilla.
Advertisements
“Ashtu sikur nuk u ndal reforma në drejtësi, ashtu edhe nisma e re nuk do të ndalet, prandaj votojeni draftin, ose në të kundërt nesër mos e bojkotoni ngritjen e komisionit parlamentar.
Advertisements
Sa herë u kam thënë në këtë sallë, mos e bëni këtë, mos bëni atë, këtë bëjeni, shikoni bëni këtë, ka dalë sikur ju kam thënë, jo sikur keni bërë apo nuk keni bërë ju. Dhe e dini pse?
Për një arsye shumë të thjeshtë, jo se unë jam më i zoti apo zgjuar sesa ju, por sepse ju nuk keni dashur ta mësoni se vendimmarrjen me shikimin deri tek hunda jote, rrugën ta bëjmë pafundësisht të gjatë. Prandaj ju jeni aty dhe ne këtu. Shëndet dhe me mend në kokë, keni akoma shumë për të parë” tha ai.
