Ka ndërruar jetë 63-vjeçari Pal Trashaj, i cili një ditë më parë piu fotoksinë para godinës së SPAK. Gledis Trashaj, djali i Pal Trashajt tha në një deklaratë për mediat se babai i tij nuk kishte gjetur drejtësi për vite me radhë lidhur me një çështje pronësie.
Ai tregoi se personi i fundit që ai ka kontaktuar në telefon pasi ka kryer aktin final ka qenë bashkëshortja e tij, të cilës i ka komunikuar se kishte konsumuar fostoksinë.
Advertisements
“Nuk ka qenë koshient, kur kam ardhur unë, ka qenë vonë, të tjerët e kanë takuar dhe kanë folur. Xhaxhai e ka pyetur çfarë bëre, dhe thoshte vazhdimisht ja ndodhi, padrejtësia, padrejtësia. Di që ka qenë në kontakt të vazhdueshëm me SPAK por nuk kam shumë informacion.
Babi është munduar të na shmangë me problemet. Ka pasur një problem me një banke dhe ai ka vajtur te SPAK. Ka qenë një rast i tmerrshëm, përmbarimi, me vendim gjykate për ta ekzekutuar, në 2016 ka arritur të na bllokojë edhe minimumin jetik.
Advertisements
Konfiskimi ka qenë i pronës, i makinës, banesa ndodhet në Pllanë të Lezhës. Për momentin ai po kërkonte drejtësi të padrejtësitë në vazhdimësi. Ka folur me mamin në telefon, i ka thënë se kam bërë këtë gjë, se nuk ka drejtësi. Besoj te SPAK që duhet të verifikojë vendimet e gjykatave”, tha ai.
