I dënuar me 7 vjet burg në Greqi, kapet nga policia greke në Kakavijë 39-vjeçari shqiptar

Policia greke ka ndaluar në pikën e kalimit kufitar të Kakavijës një shqiptar të shpallur në kërkim.

Kreshnik Brakaj 39 vjeç, nga Novosela e Vlorës është ndaluar mesditën e djeshme.

Sipas policisë greke ai rezulton i dënuar me 7 vjet burg dhe 3000 euro gjobë nga Gjykata e Apelit të Greqisë Qëndrore-Perëndimore dhënë në 4 qershor 2015 për “shkelje të ligjit mbi narkotikët.

Shqiptari është ndaluar gjatë verifikimit të pasaportës së tij, ndërkohë që dokumentacioni pritet t’i kalojë Prokurorisë së Janinës.