Këngëtarja shqiptare me famë botërore, Bebe Rexha, e cila ka disa ditë që ndodhet në Shqipëri, ka udhëtuar drejt vendlindjes në Dibër.
Advertisements
Teksa shkruan se është rikthyer në vendlindje pas 12 vitesh, ajo ka ndarë me miliona ndjekësit e saj në “Instagram” disa fotografi e video nga Dibra. Ndër të tjera, ka vizituar edhe varrin e gjyshit të saj.
Advertisements
“Pas 12 vitesh, u ktheva në vendlindjen e babait, në Dibër, Maqedoni. Rilidhja me rrënjët dhe familjen ishte thellësisht emocionuese.
Vizita te varri i gjyshit ishte veçanërisht domethënëse, pasi nuk mund të merrja pjesë në funeralin e tij. Familja do të thotë gjithçka për mua dhe kjo vizitë më kujtoi rëndësinë e lidhjeve tona”,- ka shkruar Bebe krahas postimit me foto dhe video nga Dibra.
