Dy aksidente me vdekje janë regjistruar këtë të dielë në vendin tonë. Drejtuesit e dy motorëve janë përplasur për vdekje nga drejtuesit e dy automjeteve.
Aksidenti i parë ka ndodhur në fshatin Topojë të Fierit, ku një automjet tip Mercedes-Benz ka përplasur për vdekje drejtuesin e motorit, Vladimir Sema, rreth 60 vjeç.
Advertisements
Sipas banorëve, automjeti ishte futur në parakalim dhe i bllokoi krahun viktimës, duke e hedhur atë në një kanal pranë rrugës. Drejtuesi A. M., është shoqëruar në polici.
Ndërkohë, aksidenti tjetër ka ndodhur në aksin Koplik – Bajze në Shkodër. Si pasojë e përplasjes, drejtuesi i motorit, 66-vjeçari Rasim Shabaj ka humbur jetën.
Advertisements
