Teksa në Shqipëri, Itali apo më gjerë zien debati, Bashkimi Evropian “ka shpallur ilegal” paktin e arritur mes kryeministrit shqiptar Edi Rama dhe kryeministres italiane, Giorgia Meloni për emigrantët. Kjo marrëveshje, e cila ka si fokus menaxhimin e emigracionit, është kritikuar ashpër nga Brukseli, i cili kërkon që modeli aktual i bashkëpunimit të mos përsëritet.
Advertisements
Mediat italiane gjithashtu kanë ngritur shqetësime për shpenzimet e larta, duke akuzuar kryeministren Meloni për investime prej 800 milion eurosh për të rritur prestigjin ndërkombëtar, ndërkohë që situata në kampet e refugjatëve në Lezhë po përkeqësohet. Dje 16 refugjatë u dërguan në Shëngjin, por dy prej tyre u detyruan të kthehen në Itali, pasi rezultuan si minorenë. Kjo situatë nxjerr në pah sfidat e shumta me të cilat përballen emigrantët dhe qeveritë, duke përfshirë nevojën për një qasje më të qëndrueshme dhe humane në menaxhimin e krizës së refugjatëve. Më poshtë po bëjmë një përmbledhje të gjithë situatës.
Advertisements
Reagon BE
Mëngjesin e djeshëm, ndërsa gjashtëmbëdhjetë emigrantët egjiptianë dhe nga Bangladeshi zbarkuan në portin e Shëngjinit , flamujt italianë dhe europianë valonin në muret e hotspot-it, në kundërshtim me Komisionin e BE-së , i cili nëntorin e kaluar, me druajtje, saktësoi në një vlerësim fillestar se Marrëveshja Itali-Shqipëri “nuk shkel ligjin e BE-së, por është jashtë saj”.
Fjalët e Komisioneres së atëhershme për Punët e Brendshme Ylva Johansson . Zgjedhjet europiane me avancimin e së djathtës në një pjesë të madhe të Bashkimit kanë ndryshuar ekuilibrin dhe kryeministrja italiane Giorgia Meloni nuk gabon kur thotë se Protokolli me Shqipërinë “reflekton në mënyrë të përkryer frymën europiane” . Fryma që Presidentja e Komisionit Ursula von der Leyen e interpretoi edhe në letrën e sapo dërguar liderëve të BE-së për të rifilluar veprimet për riatdhesimin e emigrantëve të parregullt. “Ne gjithashtu duhet të vazhdojmë të eksplorojmë rrugët e mundshme përpara në lidhje me idenë e zhvillimit të qendrave të kthimit jashtë BE-së, veçanërisht në funksion të një propozimi të ri legjislativ për kthimet.
Me fillimin e operacioneve të parashikuara nga protokolli Itali-Shqipëri do të mund të nxjerrim edhe mësime praktike”. Se ky nuk është miratimi i pretenduar dje në Parlament nga Meloni, e sqaroi në funksion të Këshillit të BE-së, zëdhënësja e Komisionit, e cila iu përgjigj shtypit për temën e emigrantëve, çështjen më djegëse dhe përçarëse të samitit që nis sot. ” Le të jemi të kujdesshëm me fjalët tona ,” filloi zëdhënësja Anitta Hipper .
“Aktualisht nuk është e mundur të kemi këtë opsion. Ne duhet të rregullojmë riatdhesimin në vendet e treta, të cilat nuk janë ato të origjinës. Një mundësi që po shohim”, shpjegoi ai pa dhënë asnjë vlerësim për qendrat e hapura nga Italia në Shqipëri. Me fjalë të tjera, marrëveshja shqiptare shihet si një eksperiment, nga i cili mund të nxirren reflektime të dobishme për zbatimin e legjislacionit për riatdhesimet, të cilin Von der Leyen gjithashtu planifikon ta zbatojë me qendra në vende të treta .
Një plan që ende duhet të zbatohet, duke filluar nga baza legjislative, dhe nuk mund të përsëritet në mënyrat e rënë dakord midis Romës dhe Tiranës. Për shkak se është një marrëveshje ekskluzive në bazë të marrëdhënieve mes dy vendeve, siç përsëriti edhe kryeministri shqiptar Edi Rama dhe sepse Italia vepron në një lloj kufiri ekstraterritorial ku zbatohet juridiksioni i saj, jo ai i vendit të tretë, Shqipëria. Me fjalë të tjera, qeveria bën atje pikërisht atë që do të bënte në Itali dhe ligji evropian, megjithëse nuk mendon për aplikim përtej territorit të shteteve anëtare, është po aq i detyrueshëm për secilin prej tyre . Një lëmsh që askush, deri më tani, nuk ka dashur ta zgjidhë, më së paku Komisioni”, shkruan media italiane “ilfattoquotidiano.it”.
Reagojnë mediat italiane
Ndërkohë “Një blof i madh” e kanë cilësuar mediat italiane dërgimin e refugjatëve të parë nga Lampedusa në Shengjin. La Republica, duke u ndalur te kostot e mëdha shkruan se një anije e Marinës italiane, me një personel prej 60 marinarësh, e me kapacitet prej 200 personash do të lundrojë për 12 mijë milje, sipas planit Rama-Meloni. Më tej prestigjozja italiane, thekson se më këto kosto të fryra që do të përballohen nga taksapaguesit italianë, i gjithë plani pritet të shkojë mbi 800 milionë euro, për përpunimin e vetëm 36 mijë refugjatëve.
Mediat italiane e cilësojnë bllof operacionin e parë për dërgimin e refugjatëve afrikanë në kampet e Gjadrit, duke u ndalur te kostot e larta. La republica e cilëson bllof i kushtueshëm dhe jofunksional, duke u ndalur tek fakti që drejt Shenëgjini janë nisur 16 refugjatë me një anije të marinës italiane që ka një ekuipzh prej 60 marinarësh dhe një kapacitet për 200 persona, e cila douhet të përshkojë 1200 milje për dorëzimin e tyre. Nëse zbatohet, ky projekt, i promovuar nga qeveria e kryeministres Giorgia Meloni në Itali dhe e mbështetur nga kryeministri shqiptar Edi Rama, do t’i kushtojë taksapaguesve italianë mbi 800 milionë euro. Plani synon të procesojë 3,000 refugjatë në muaj, me një total prej 36,000 azilkërkuesish në vit, duke përdorur Shqipërinë si qendër për procesimin e tyre.
Situatë në Shëngjin
Ndërkaq 16 emigrantët e parë të mbërritur në portin e Shëngjinit mëngjesin e djeshëm, i janë nënshtruar procedurave të regjistrimit nga autoritetet italiane, të cilat operojnë në kampet e hapura në Shqipëri. Nga proceduarat ka rezultuar se vetëm 14 prej tyre duhet të dërgohen në Gjadër, pasi 2 refugjatë rezultuan të ishin minoren, dhe për këtë arsye duhet të kthehen në Itali për të nisur atje procedurat e azilit.
Kjo për shkak se në marrëveshjen e bërë mes Shqipërisë dhe Italisë, është specifikuar se në Shqipëri do të trajtohen vetëm meshkujt e rritur nga vendet e sigurta, të gjitha kategoritë e tjera vulnerabël do të trajtohen në Itali. Kujtojmë se rreth orës 10:00, me grupe nga katër, migrantët zbritën nga anija të shoqëruar nga forcat të policisë italiane. Ata përshkruan me këmbë, distancën e shkurtër prej disa dhjetëra metra nga hyrja e qendrës së ngritur nga autoritetet italiane në brendësi të portit të Shëngjinit. Këtu ata iu nënshtruan menjëherë kontrolleve mjekësore, ndërsa u janë ofruar dhe veshje e ushqim. Më pas nisi procedura e identifikimit.
Reagojnë aktivistët
Nga ana tjetër, ardhja e 16 emigrantëve të parë afganë në kampin e Shëngjinit, është pritur me protestë nga një grup aktivistësh zhvilluan këtë të mërkurë një aksion simbolik kundër këtij vendimi. Një prej aktivistëve u shpreh që ky aksion, i cili vjen si vazhdë e disa protestave kundër këtij vendimi, shpreh kundërshtimin kundër mënyrës së si emigrantët po trajtohen. Ai kritikoi marrëveshjen mes kryeministrit Edi Rama dhe kryeministres italiane Giorgia Meloni, duke theksuar se ajo ka forcuar pozitat e tyre në Perëndim, pa ofruar zgjidhje reale për çështjen e emigrantëve. “Ne mendojmë që ky kamp është një skenë krimi që i bëhet demokracisë.
Është një skenë krimi që ju bëhet emigrantëve që vijnë këtu, shqiptarëve dhe italianëve. Ky model nuk mund të jetë modeli që zgjidh çështjen e emigrantëve. Jemi të vetëdijshëm që është çështje e rëndësishme, por jo që të marrë përmasa zgjedhor dhe spektakolarizime të disa njerëzve. Kjo lloj marrëveshje nuk ka bërë asgjë veçse ka forcuar pozitën e Ramës në perëndim dhe të Melonit para elektoratit të vetë. Ky është një model që nuk mund të ndiqet sepse është fundi i demokracisë perëndimore për të cilën është luftuar dhe besuar prej vitesh. Ky është një aksion simbolik”, deklaroi dje aktivisti nga kampi në Shëngjin.
