Zbardhen detaje nga vrasja e shqiptarit në Itali dy ditë më parë. Dritan Hakaj, 45 vjeç u vra me armë zjarri nga fqinji i tij në Itali, Walter Budri, 78 vjeç.
Advertisements
78-vjeçari dyshonte se shqiptari kishte lidhje me bashkëshorten e tij.
Advertisements
Sipas fqinjëve, nuk ishte hera e parë që ata debatonin dhe në disa raste ka ndërhyrë edhe policia.
“Unë dhe gruaja ime u zgjuam sepse dëgjuam zhurmë. Në fillim menduam se ishin fishekzjarre të hedhura nga fëmijët, por më pas kuptova se dikush po qëllonte me armë nëpër shkallë. U tremba”, thotë fqinji i të moshuarit.
Advertisements
Sipas mediave italiane shqiptari kishte precedent të mëparshëm për drogë, krime pronësie dhe prostitucioni.
45-vjeçari, në fakt, prej muajsh frekuentonte shtëpinë e Budrit, pavarësisht se pensionisti e kishte nxjerrë disa herë jashtë. Sipas asaj që është rikonstruktuar nga karabinierët, rreth orës tre të mëngjesit të së shtunës shqiptari hyri i dehur në shtëpi dhe sulmoi gruan në sy të djalit të saj njëmbëdhjetëvjeçar nga një lidhje e mëparshme.
I moshuari, autor i ngjarjes, dëgjoi britmat dhe ndërhyri për të mbrojtur gruan. Në një moment 78-vjeçari rrëmbeu armën të cilën e kishte të paligjshme dhe e kërcënoi Hakajn duke i kërkuar të largohej. Ai qëlloi dy herë në ajër dhe shqiptari u largua me vrap nga shkallët.
Por 78-vjeçari e ndoqi dhe e qëlloi një herë në gjoks. Hakaj humbi jetën në vendin e ngjarjes. 78-vjeçari u arrestua dhe ndodhet në burgun e San Vittore në pritje të seancës dëgjimore të tij.
