Tensione dhe debate të shumta po ndodhin në komisionin hetimor për koncensionet në shëndetësi ku demokratët dhe socialistët po përballen mes tyre lidhur me dëshminë e ish-ministrit të Shëndetësisë, Ilir Beqaj.
Advertisements
Socialistët kërkojnë që Beqaj të dëshmojë në Komision sipas kushteve të tij, duke iu referuar në këtë mënyrë kërkesave për të përdorur një power-point, ose disa fotografi që janë pamjet e spitaleve para 2013-ës.
Advertisements
“Thërrisni zotin Beqaj të vijojmë me dëshminë. Është kërkesë proceduriale brenda rendit të ditës. U bënë 30 orë tashmë. Nëse keni kërkesë proceduriale hidheni në votim. Parlamenti i Shqipërisë funksionon me votë. Kërkesa ime është të bësh detyrën.
Kërkesa e fundit, thërrisni zotin Beqaj, të flasë”, iu drejtuar Plarent Ndreca, nënkryetari i Komisionit, shërbimeve të Kuvendit.
Advertisements
Në anën tjetër, deputetja demokrate Albana Vokshi shprehet “të mos guxojë garda të lejojë njeri të futet në sallën e Komisionit”.
Një tjetër moment tensioni është ai i deputetit socialist Petro Koçi që duke iu drejtuar Petrit Vasilit i thotë “mos guxo të më flasësh mua”, ndërsa Vasili ia kthen “as të kam folur ty”.
