Ernest Muçi ka qenë me të vërtetë i pafat në ditët e fundit, teksa është dëmtuar në ndeshjen e parë si titullar pas shumë kohësh në radhët e Kombëtares shqiptare të futbollit.
Advertisements
Sulmuesi e nisi nga minuta e parë sfidën ndaj Ukrainës, por u zëvendësua pak minuta pasi filloi pjesa e dytë e takimit, për shkak të problemeve muskulore.
Advertisements
Një dëmtim që është konfirmuar se do ta lërë për të paktën dy javë larg fushave të lojës për klubin e Beshiktash, ku ai ishte kthyer në një nga lojtarët më në formë.
Nëpërmjet një komunikate zyrtare, klubi bëri të ditur se testet që i ishin bërë lojtarit për problemet në kofshën e majtë, kishin pikasur tërheqje dhe hemoragji të brendshme. Kështu, ai kishte nisur menjëherë fazën e terapisë me stafin mjekësor për rikuperimin.
Advertisements
Sipas mediave turke, ky lloj dëmtimi do të lërë Muçin të paktën dy javë jashtë, duke humbur ndeshjet e kampionatit ndaj Goztepe dhe Hatajspor, ashtu si edhe sfidën e Ligës së Europës ndaj Makabi Tel Aviv. Në klub shpresojnë që të arrijnë të rikuperojnë Muçin për derbin e ethshëm ndaj Fenerbahçes që luhet më datë 7 dhjetor./PANORAMASPORT.AL
