Vedat Muriqi është bërë protagonisti i një prej ngjarjeve më të rralla në epokën e VAR-it, pasi një gjest i tij që ka sjellë kartonin e kuq për sulmuesin kosovar, në fund i ka siguruar fitoren ekipit të Majorkës me rezultatin 3-2 në transfertë ndaj Las Palmas.
Advertisements
Muriqi kishte përjetuar një natë negative pasi kishte shkaktuar edhe penallti me një prekje topi me dorë dhe po përpiqej në të gjitha mënyrat të shlyente gabimin.
Advertisements
Por në minutën e fundit të duelit, në shifrat 2-2, pas një aksioni ku askush nuk protestonte për asgjë, gjyqtari bëri shenjë se do shihte pamjet në monitorin e VAR-it.
Në atë aksion sulmues të Majorkës, Mata i Las Palmas i kishte festuar në fytyrë Muriqit që nuk kishte shënuar dhe ky i fundit, i ishte përgjigjur duke i treguar gishtin e mesit. Gjyqtari pa pamjet dhe u kthye në fushë duke dekretuar kartonin e verdhë për Mata dhe të kuqin për Muriqin, pasi vlerësohet si sjellje antisportive e rëndë.
Advertisements
Por njëkohësisht, meqë Mata ishte ai që kishte nisur përplasjen antisportive mes lojtarëve, dha një goditje dënimi dypasimëshe në zonën e Las Palmas, pak hapa larg portës. Mohika e ekzekutoi në mënyrë perfekte duke shënuar golin e fitores 3-2.
