Avioni i nisur nga Tirana për në Hamburg devijon nga itinerari, arsyet mbeten të paqarta

Një avion i nisur pasditen e sotme nga Tirana me destinacion Hamburgun në Gjermani, devijoi nga itinerari, për arsye të paqarta, raporton noa.al.

Fluturimi W4 5107 që operohet nga Wizz Air Malta, u nis nga aeroporti i Tiranës jo në orën 17.20 sipas planifikimit, por në 19.07.

Në orën 20.15 ai duhet të mbërrinte në Hamburg, por kjo nuk ndodhi. Fight Radar raporton se avioni devijoi nga rruga që kishte nisur dhe ateroi në Vjenë.

Aeroporti i Tiranës evidenton se fluturimi nuk ka përfunduar, kurse ai i Hamburgut që gjithashtu monitoroi noa.al, sugjeron se avioni do të mbërrijë në orën 23 duke nënkuptuar se një fluturim i dytë i pret pasagjerët e nisur nga Tirana.

Në një informacion zyrtar nga Wizz Air njoftohet se avioni ka devijuar fluturimin.