“Je i rënduar psikologjikisht, s’ke faj: u bënë shumë dardhë e shumë mollë pas shpine!”/ Bardhi reagon pas akuzave të Ramës: Ndaje mendjen kam shpifur për ty apo vëlla Olsin!

Kreu i Grupit Parlamentar të Partisë Demokratike, Gazment Bardhi, i është përgjigjur reagimit të kryeministrin Rama në rrjetet sociale, i cili ka treguar se çfarë ndodhi në gjyqin për shpifje me demokratin.

Gazment Bardhi: Koordinatori të paska ngrënë “dardha e mollë” pas shpine! Pyete edhe një herë “koordinatorin juridik” se ose s’ke kuptuar ç’të ka thënë, ose të ka gënjyer!

Gjasat janë që s’ke kuptuar gjë, sepse jo vetëm s’merr vesh nga ligji, por këtë periudhë je pak i rënduar psikologjikisht.

S’ke faj: u bënë shumë dardhë e shumë mollë pas shpine! Deri tek “molla e dardha” e radhës merre qetë, dhe ndaje mendjen kam shpifur për ty apo vlla Olsin!