“Bashkia nuk ka qetësi që nga arrestimi i Veliajt”, Teliti: Po zhduken dosje për të mos rënë në duart e drejtësisë

Dorian Teliti, anëtar i Këshillit Bashkiak PD, cilësoi se Bashkia e Tiranës nuk po gjen qetësi që nga arrestimi i kryetarit të saj Erion Veliajt, ku një ditë digjen dosje e ditën tjetër tentohet ti largojnë për të zhdukur dosjet e për të mos i rën në dorë organeve shtetërorë, mediave apo prokurorisë.

I ftuar në një intervistë në një studio televizive, Teliti u shpreh se në 11 Maj, do jetë populli ai që do ti dënojë me votën e tij këtë qeveri me në krye kryetarin e komanduar, kryeministrin i cili ka marrë në dorëzim edhe Bashkinë e Tiranës tashmë.
Ai gjithashtu u shpreh se, situata në vend është skandaloze dhe se qytetarët shqiptarë kanë nevojë për një politikë e cila është e përgjegjshme dhe jo një politikë trilluese e cila përdoret për interesat ditor të politikanëve.

Cilat autoritete do të reagonin?

Ata janë autoritetet e pushtetit jo të shtetit. Ne i bëm thirrje shtetit të reagonte por shteti nuk ekziston.

Para disa ditësh nga ajo godinë doli Veliaj, dje nga ajo doli tym, sot dalin dosjet, nesër uroj shumë që ajo godinë të dali dhe ai kryetari i komanduar dhe të mos kthehet më kryeministri i cili dhe për këto dy muaj të kryej detyrën e tij në krye të qeverisë. Deri më 11 Maj kur populli do ta dënojë me votë.

Dje në Bashkinë e Tiranës digjeshin dosje, cila ishte arsyeja për të djegur letra në mënyrë të fshehtë brenda organit zyrtarë të Bashkisë së Tiranës, përvec se ato letra mos të binin në duart e njerëzve të organeve shtetërore jo të pushtetit, të prokurorisë, medias, të këshilltarëve bashkiake, të cilët ne me dhjetra shkresa kemi kryer për marje informacioni dhe kurr nuk e morëm nga organet e Bashkisë së Tiranës.

Në vend të marrim informacionin, shkresat zyrtare, digjeshin në ogjaqet e fshehta brenda bashkisë.

Jemi në një situatë skandaloze. Mall pa zot, kjo është Bashkia e Tiranës. Sic nuk e dimë ne kush është sot kryetarë Bashkie se Veliaj thotë që unë jam kryetarë. Kryeministri që e futi në qeli dhe e qoj në Durrës thotë jam unë kryetari por sa për firmë dhe vulë po vendosim Anduela Ristanin.

Jemi në një situatë dramatike…

Qytetarët shqiptarë kanë nevojë për një politikë e cila është e përgjegjshme dhe jo një politikë trilluese e cila përdoret për interesat ditor të politikanëve.