Këto janë momentet kur 54-vjeçari Lulzim Berisha zbret nga avioni në Rinas. Berisha u ekstradua nga Spanja, ku ishte arrestuar më 14 dhjetor të vitit 2023.
Advertisements
Nën masa të larta sigurie ai u dërgua drejt “Burgut 313” në Tiranë.
Advertisements
Berisha ishte shpallur në kërkim ndërkombëtar pasi ishte me masë arresti me burg në mungesë, të dhënë nga GJKKO në vitin 2020, ndërsa u arrestua falë bashkëpunimit të FAST Albania dhe FAST Spanjës në operacionin e koduar ‘Sant Joan’.
Berisha akuzohet për vrasje kundër 2 ose më shumë personave të kryera në formën e grupit të strukturuar kriminal.
Njoftimi i Interpol Tiranës
Ekstradohet nga Spanja, një shtetas me rrezikshmëri shoqërore të lartë, i akuzuar për disa ngjarje kriminale kundër jetës.
Operacioni për kapjen e tij në Spanjë, i koduar “Sant Joan”, u finalizua më 14 dhjetor 2023, si rezultat i bashkëpunimit të ngushtë ndërmjet FAST Albanias dhe FAST Spanjës.
Në vijim të këtij bashkëpunimi, Interpol Tirana dhe Interpol Madridi finalizuan procedurën për ekstradimin nga Spanja në Shqipëri, të shtetasit shqiptar, të shpallur në kërkim ndërkombëtar, L. B., 54 vjeç.
Në vitin 2020, atij i është caktuar nga Gjykata e Posaçme e Shkallës së Parë për Korrupsionin dhe Krimin e Organizuar, masa e sigurisë “Arrest në burg”, për veprat penale “Vrasja me paramendim”, “Vrasja në rrethana cilësuese”, kundër 2 ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”, të kryera në formën e grupit të strukturuar kriminal.
Në bashkëpunim me shtetas të tjerë, 54-vjeçari dyshohet se:
-në vitin 2004, ka plagosur me armë zjarri, shtetasit V. L. dhe Xh. N.;
-në vitin 2005, në afërsi të fshatit Koxhaj, ka vrarë me armë zjarri, shtetasin K. S. dhe ka plagosur shtetasin O. T.;
-në vitin 2005, ka vrarë shtetasit V. L. dhe A. A., me lëndë shpërthyese të vendosur në kabinën e një ashensori.
