Një zjarr ka përfshirë një zonë me shkurre pranë nënstacionit elektrik në Rrilë të Lezhës, duke vënë në rrezik edhe banesat për shkak të erës së fortë.
Advertisements
Falë ndërhyrjes së shpejtë të zjarrfikësve, flakët janë vënë nën kontroll, duke parandaluar përhapjen e mëtejshme të zjarrit dhe shmangur dëme të mëdha.
Advertisements
Zjarri u shfaq në rrethana ende të paqarta, ndërsa ngjarja vjen vetëm një natë pas një tjetër vatre zjarri në një stallë në fshatin Barbullush, ku u dogjën shumë bagëti të imta.
Dy raste të njëpasnjëshme të zjarreve në zona të ndryshme kanë ngritur shqetësime për shkaqet dhe rrezikun që mund të paraqesin për banorët dhe pronat e tyre.
Për këtë rast kanë nisur hetimet për të zbuluar nëse bëhet fjalë për zjarrvënie të qëllimshme apo shkaqe natyrore.