Egli Tako ka folur pas përfundimit të spektaklit të “Big Brother Vip Albania 4”. Pasi dritat ishin fikur dhe trofeu shkoi në duart e partnerit të saj, Gjestit, Egli ka ndarë me publikun dhe disa “sekrete” të vogla lidhur me atë çfarë ajo pëlqen te këngëtari.
Advertisements
Sipas ish-banores së “BBV-së”, humori ka qenë “çelësi” me të cilin Gjesti ka arritur të “hapë” zemrën e saj.
Advertisements
“Fakti që më bën për të qeshur, di të jetë dimensional,” tha ajo, ndërkohë që më tej theksoi se para se fituesin e këtij edicioni ta shihte për diçka më tepër, fillimisht e ka parë krah vetes si një shok të mirë i cili e kupton për gjithçka.
“Kam parë një shok te Gjesti, para se të shihja diçka tjetër”, tha ajo, ndërkohë që e pyetur më tej se si do shkojë marrëdhënia mes tyre, tani që “Big Brother Vip” mbaroi, Egli tha se preferon që ta lërë gjithçka të rrjedhë natyrshëm.
“Do e lë gjënë të rrjedhë, ashtu siç është e shkruar të rrjedhë”, theksoi ajo.