Dalin detaje të reja mbi rastin e dyshuar të dhunës seksuale, që përfshin Kylian Mbappé. Prokuroria suedeze ka konfirmuar hapjen e një hetimi për përdhunim në lidhje me ngjarjet e ndodhura në qendër të Stokholmit më 10 tetor, por pa specifikuar nëse kjo ka të bëjë me sulmuesin e Real Madridit, siç parashikohej nga mediat vendase ditët e fundit.
Advertisements
Më tej, sipas gazetës “Expressen”, policia ka sekuestruar disa veshje lidhur me rastin: një palë pantallona të zeza, një top dhe disa pantallona të shkurtra. Mbappé e kishte quajtur tashmë lajmin e përdhunimit si “fake news” në rrjetet e tij sociale, duke sugjeruar se akuza të tilla kishin për qëllim diskreditimin e tij, ndërsa kërkon në gjykatë pagesat e prapambetura prej 55 milionë eurosh të PSG-së.
Advertisements
RINDËRTIMI I FAKTEVE
Të enjten në mbrëmje, në Stokholm, Mbappé ishte me një grup shoqëruesish në restorantin “Chez Jolie”, nga i cili më pas u zhvendos në një klub nate të quajtur “V”, ku takoi njerëz të tjerë, sipas “Aftonbladet”.
Përdhunimi, sipas gazetës suedeze, është kryer atë mbrëmje “në qendër të Stokholmit”, sipas një ankese që “Aftonbladet” pretendon se e ka konsultuar: “Policia e mori denoncimin të shtunën, pasi e përdhunuara iu nënshtrua kujdesit mjekësor”.
Imazhet e publikuara nga “Aftonbladet” treguan policinë e vendosur jashtë hotelit ku Mbappé dhe shoqëruesit e tij fjetën gjatë qëndrimit të tyre në Stokholm.
“Sot, një thashethem i ri shpifës fillon të përhapet në internet, duke filluar nga gazeta suedeze ‘Aftonbladet’, – njoftoi avokati i lojtarit francez në një deklaratë. – Këto janë akuza totalisht të rreme dhe të papërgjegjshme, përhapja e tyre është e papranueshme.
Për t’i dhënë fund kësaj metodike shkatërrimi të imazhit të Kylian Mbappé do të ndërmerren të gjitha veprimet e nevojshme ligjore. Kështu do të rivendoset e vërteta dhe ndiqet penalisht kushdo, person apo media qoftë, i përfshirë në ngacmimet morale dhe shpifjet që Kylian Mbappé pëson vazhdimisht”.
