Pasi publikoi listën e Shpresave për ndeshjen e shtyrë ndaj Malit të Zi, trajneri Alban Bushi ka treguar edhe një detaj interesant sesi bindi Medon Berishën për t’iu bashkuar Shqipërisë në kohën kur ai luante me Shpresat e Kosovës.
Advertisements
Bushi është shprehur se i ka premtuar Medon Berishës shiritin e kapitenit te Shpresat e Shqipërisë.
Advertisements
“Berisha është për herë të parë, kemi pasur bindje që do të shkonte shumë herët në ekipin A, por shkoi më herët se sa pritej. Për ne ka qenë lojtar deçiziv dhe ftesa është mëse e merituar. Kur e kam kontaktuar për herë të parë i premtova shiritin e kapitenit dhe e meritoi, ishte një lider dhe i uroj shumë urime për Europianin”, tha Bushi.
Medon Berisha është surpriza e madhe në listën e trajnerit Sylvinho për Euro 2024. Ai nuk ishte grumbulluar asnjëherë nga kombëtarja e madhe, por tashmë do ta bëjë këtë gjë në Europian.
Berisha ishte kapiteni i Shpresave të Shqipërisë, ndërsa me skuadrën e Lecces në Serie A, ai është aktivizuar titullar në dy ndeshjet e fundit.
Advertisements