Author: editor

Deputeti Agron Shehaj, kryetari i Partisë Mundësia, komentoi në emisionin Log në News 24 faktin që kryetari i Bashkisë së Tiranës Erion Veliaj u paraqit në SPAK.

Shehaj tha se Veliaj duhet të japë dorëheqjen. Sipas tij, Veliaj duhet të zhvishet nga pushteti që ka dhe të dalë para drejtësisë si qytetar i thjeshtë. Për Shehajn, nëse do ishim në Perëndim, kështu do të veprohej.

Agron Shehaj: Në Perëndim, nëse një kryetar bashkie thirret nga drejtësia, duhet të japësh dorëheqjen, që të paraqitesh para drejtësisë si qytetar i thjeshtë. Veliaj duhet të jepte dorëheqjen. Erion Veliaj nuk është viktimë, viktimë janë qytetarët e thjeshtë. Sot kemi incenerator që nuk është ndërtuar, drejtorët e tij janë në burg, janë transferuar para nga buxheti i shtetit tek familjarët e kryetarit të Bashkisë Tiranë.

Shqipëria është ndër vendet më të varfra dhe të korruptuara në Europë e kjo ka ndodhur për shkak të politikanëve. Këtë vend po e vjedhin politikanët. Nuk i heq të drejtën Veliajt që të mbrohet para drejtësisë, por jemi vend i vjedhur.

Aktorja Olivia Hussey, e cila fitoi famë ndërkombëtare kur ishte adoleshente për rolin e saj në filmin e famshëm Romeo and Juliet të 1968, ka ndërruar jetë në moshën 73-vjeçare

Aktorja me origjinë argjentinase, e cila u rrit në Londër, u nda nga jeta të premten e rrethuar nga të dashurit e saj, thuhet në një deklaratë të postuar në Instagramin e saj.

Hussey fitoi çmimin Golden Globe për aktoren e re më të mirë për rolin e saj si Juliet, por dekada më vonë paditi Paramount Pictures për abuzim seksual, pasi ishte vetëm 15 vjeçe kur realizoi skenën nudo të filmit.

Roli tjetër i saj i njohur ishte si Maria, nëna e Jezusit, në miniserialin televiziv “Jezusi i Nazaretit” të vitit 1977.

Hussey ka lindur në Buenos Aires, Argjentinë, në vitin 1951, përpara se të transferohej në Londër në moshën 7 vjeçare dhe të studionte në shkollën Akademia Italia Conti.

Ajo ishte 15 vjeç kur regjisori i Romeo and Zhuliet, Franco Zeffirelli e zbuloi në skenë, duke luajtur përballë Vanessa Redgrave në shfaqjen The Prime of Miss Joan Brodie.

Zeffirelli po kërkonte dikë që ishte mjaft e re për të qenë një Zhuljeta bindëse në atë që ai synonte të ishte versioni përfundimtar kinematografik i shfaqjes së Shekspirit.

Ajo aktroi së bashku me 16-vjeçarin britanik Leonard Whiting, i cili kishte rolin e Romeo në film.

Filmi u nominua për Oscar për filmin dhe regjinë më të mirë. Hussey humbi nominim për Oscar në një vit të fortë në të cilin Barbra Streisand fitoi çmimin kryesor për Funny Girl.

Por në Golden Globes të atij viti Hussey fitoi çmimin për yllin e ri më të mirë.

Dekada më vonë, ajo dhe Whiting paditën Paramount Pictures duke pretenduar se Zeffirelli, i cili vdiq në vitin 2019, i kishte inkurajuar ata të filmonin skena nudo, pavarësisht garancive të mëparshme se nuk do të duhej.

Dyshja kërkuan dëmshpërblim prej më shumë se 500 milionë dollarësh, bazuar në vuajtjet që ata thanë se kishin përjetuar dhe të ardhurat e sjella nga filmi që nga publikimi i tij.

Por vitin e kaluar një gjykatës e hodhi poshtë çështjen, duke dekaruar se skena nuk ishte “sa duhet seksuale”.

Por ajo pati një ribashkim të fundit me ish-Romeon e saj, pasi aktorja dhe Whiting u shfaqën së bashku në filmin britanik të vitit 2015 Social Suicide, i cili u bazua në Romeo dhe Zhuliet, megjithëse i vendosur në epokën e mediave sociale.

Qëndrueshmëria e kushteve atmosferike do të vijojë të jetë dhe për fundjavën, me masa ajrore të ftohta.

Sipas SHMU, moti pritet të jetë i kthjellët e vranësira të pakta e mesatare kryesisht ditën e shtunë në relievet malore, ndërsa ditën e dielë mot i kthjellët e vranësira të pakta kalimtare.

Era pritet të fryje nga kuadrati i veriut me shpejtësi mesatare 2-8m/sek, ndërsa përgjatë vijës bregdetare e lugina 10-12m/sek.

Një ngjarje e rëndë ka ndodhur në rrugën “Shote Galica” në Tiranë këtë të premte.

Policia njofton se 36-vjeçari me inicialet B.A është gjetur nga të afërmit i vetëvarur në banesë. Për pasojë ai ka humbur jetën.

Njoftimi i Policisë

Tiranë/Informacion paraprak

Më datë 27.12.2024, në rrugën “Shote Galica”, është vetëvarur në banesë shtetasi B.A, 36 vjeç, dhe si pasojë ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Gazetari Elkier Bushkolaj, i ftuar në një emision televizizv foli lidhur me hetimet e Erion Veliaj në SPAK.

Bushkolaj tha se më shumë sesa qëndrimi i Veliaj në SPAK më bëri përshtypje regimi i fortë që patën avokatët e tij.

“Më shumë sesa qëndrimi i Veliaj në SPAK, më bëri përshtypje reagimi i avokatëve të Veliaj. Ishte një reagim shumë i fortë. Nuk pritej sepse, Veliaj jo më larg se dje tha, se unë jam një politikan që nuk oranizoj protesta në derën e SPAK-ut. Sot përdori një fjalë metoda sigurimi, nëse i rikthehemi kësaj fjale të tjerë që e kanë përdour këtë fjalë është lideri i opozitës z.Sali Berisha, kreu i partisë së lirisë z.Ilir Meta. Për hir të së vërtetës, për këdo që e ka lexuar këtë sistem dhe e njeh e ka parasysh çfarë do të thotë metodë sigurimi. E kam parë pak në aspektin gazetaresk këtë çështjen e metodës së sigurimit, përsa i përket përhapjes së informacionit dhe bindjes së opinionit publik, që Erion Veliaj pritet të jetë objektivi i rradhës i SPAK. Në ditën që ajo do ndodh, kam përshtypje që sdo t’i bëjë më askujt kur të shohin Veliajn me pranga në duar përpara derës së SPAK. Mua më duket sikur SPAK po i jep kohën e mjaftueshme eprorit të Erion Veliaj ose maxhorancës që kostot nga kjo t’i ketë minimale,” – tha Bushkolaj.

Një i ri shqiptar që kishte hyrë ilegalisht në Britaninë e Madhe është arrestuar dhe dënuar me burg pasi akuzohet për kultivim kanabisi.

Enriko Allkushi, 23 vjeç, u gjet i fshehur në papafingon e një ish-parukerie në Bucknall New Road, Hanley.

Brenda papafingos policia gjeti 50 bimë kanabisi dhe pajisje për rritjen e drogës.

Allkushi tha se ai ishte dërguar atje nga dy shqiptarë që kishte njohur në Londër.

Duke e burgosur të pandehurin për 14 muaj, gjyqtari Graeme Smith tha: “Kjo është një situatë që ne e shohim shumë rregullisht në këtë gjykatë. Droga shkatërron jetën. Si në shumë raste, ju ndodheni në këtë vend në mënyrë të paligjshme, prandaj nuk keni mjete të ligjshme për të fituar të ardhura, kështu që keni shfrytëzuar një mundësi të ofruar për të marrë të ardhura të cilat e dinit se ishin kundër ligjit.”

Gjykatësi urdhëroi konfiskimin e bimëve dhe pajisjeve të kanabisit.

Një 44-vjeçar shqiptar ka humbur jetën si pasojë e një aksidenti të rëndë të ndodhur në Itali.

Sipas mediave vendase, policia e gjeti shqiptarin e identifikuar si Eduart Shaka jashtë makinës së tij, disa metra më tutje pas përplasjes kokë më kokë me një makinë që vinte nga ana e kundërt.

Nga hetimet paraprake rezultoi se 44-vjeçari shqiptar, banues në Nervesa della Battaglia, nuk kishte vendosur rripin e sigurimit.

Drejtuesi i Golfit që u përplas me Fiat Punto-n e shqiptarit është nën hetim.

Bëhet fjalë për një 53-vjeçar nga Carbonera. Golfi i drejtuar nga 53-vjeçari, ndodhej në korsinë e kundërt për arsye ende të paqarta, dhe u përplas kokë më kokë me Fiat Punton e Shakës.

Ndërsa përplasja ishte fatale për shqiptarin, 53-vjeçari mori dëmtime të lehta dhe u transportua në spitalin e Trevisos.

I lindur në Durrës, Eduart Shaka, i cili jetonte me vajzën e tij, u transferua në Itali në vitin 2010.