editor

Stresi dhe mbingarkesa profesionale janë faktorët kryesorë që po shtojnë rrezikun e sëmundjeve mendore.

Në Ditën Botërore të Shëndetit Mendor më 10 Tetor, OBSH ka zgjedhur që kjo ditë t’i dedikohet gërshetimit mes punës, shoqërisë dhe mirëqenies psikologjike.

Me 60% të popullsisë botërore në kushte pune, 15% e tyre është e prekur nga një shqetësim mendor dhe sipas OBSH duhet një reagim i menjëhershëm dhe ndërgjegjësim më i lartë.

Pasi me ritmet e viteve të fundit, ky spektër po kalon atë të personave që vuajnë nga patologjitë kardiake, dhe që sipas statistikave të mëparshme OBSH kishte vlerësuar që ky tejkalim të verifikohej në 2030.

Problematikat kryesore lidhen me vende pune gjithnjë e më shumë stresuese, armiqësore, paragjykime, diskriminim, ngacmime, me mungesë sigurie, forma të reja varfërie, tensionet sociale, brishtësia e familjes si institucion dhe e gjeneratës së të rinjve.

Të gjithë këta faktorë me statistika kanë ulur 10 vjet pritshmërinë e jetës në nivel global, duke u vënë theksi edhe njëherë me shume sesa i rëndësishëm është shëndeti psikologjik.

Për këtë arsye, është thelbësore të jepet përparësi shëndetit mendor në të gjitha nivelet e politikëbërjes dhe në planifikimin e shërbimeve shëndetësore.

Rritja e ndërgjegjësimit dhe ofrimi i mbështetjes për ata që përballen me këto sfida janë hapa të rëndësishëm për të përmirësuar mirëqenien e individëve dhe të shoqërisë në përgjithësi.

Është hapur sot Xhamia e Namazgjasë, më e madhja në Tiranë dhe në të gjithë rajonin, në një ceremoni me pjesëmarrjen e kryeministrit Edi Rama dhe presidentit turk Rexhep Taip Erdogan

Në fjalën e tij, kryeministri Edi Rama falënderoi Turqinë për këtë investim dhe vlerësoi marrëdhëniet e mira Turqi-Shqipëri.

“Ja ku erdhi dita e çeljes së këtij tempulli të adhurimit të krijuesit të botëve, kaq i shumëpritur nga një komunitet për shumë kohë, për shumë arsye. Profeti ka thënë për ne: Unë jam lutja e Ibrahimit, sihariqi i saj, dhe ëndrra e nënës sime”, tha Edi Rama.

Nga ana tjetër, Erdogan vlerësoi bashkëpunimin mes dy vendeve ndër vite dhe gjatë fatkeqësive të tërmetit, duke thënë se është një shembull për mbarë botën.

Erdogan nuk e la këtë mundësi pa sulmuar rivalët e tij gylenistë, duke thënë se “nuk u duhet lënë fushëbeteja e zbrazët” për ata që e përdorin besimin për përfitime personale.

I ashpër gjatë fjalës së tij, Erdogan ishte edhe me Izraelin, dhe sulmet e saj në rajon ndaj palestinezëve dhe Libanit.

“Personalisht jam shumë me fat sot që ndodhem në këtë ambient shumë të shenjt, dhe i lutem Allahut që xhamia e Namazgjasë, më e madhja në Ballkan të sjellë dobi për të gjithë shqiptarët dhe myslimanët në Ballkan. Dëshiroj të shpreh konsideratën, mirënjohjen time, veçanërisht për mikun tim zotin Edi Rama. Siç e shikoni, arkitektura osmane e cila dominon në Ballkan serviret shumë bukur në këtë xhami. Në nuk duhet të shkëputemi kurrë nga feja islame, feja e paqes, dhe nuk duhet t’ua lëmë vendin bosh të gjthë atyre që shohin interesa personale. Kjo është detyra e çdo myslimani që ka vetëdije dhe ndërgjegje të pastër.

Janë vrarë mijëra palestinezë, kanë rënë shehidë, Izraeli ka bombarduar xhamia, kisha, pazare dhe tashmë sulmi barbar i izraelit është zhvendosur në Liban. Qeveria e Izraelit dhe Netanyahut kanë treguar se nuk kanë ndërmend të vendosin paqen në rajon. Së fundmi e tregoi edhe me sulmin ndaj Libanit”, deklaroi Erdogan.

Kryeministri Edi Rama, gjatë fjalës së tij në inaugurimin e Xhamisë së Namazgjasë, tha se kujdestari i Xhamisë do jetë kryemyftiu i Tiranës, Bilal Teqja.

“Qoftë e mbarë edhe këmba e kryemyftiut të Tiranës Bilal Teqja, i cili nga sot do të jetë krye kujdestari i këtij tempulli dhe u priftë e mbara të gjithë besimtarëve të Tiranës dhe të gjithë Shqipërisë”, tha Rama.

Kreu i qeverisë falënderoi presidentin e Turqisë, Rexhep Tayyip Erdogan, duke cilësuar si mik të çmuar për shqiptarët.

Dy shqiptarë kanë rënë në prangat e policisë spanjolle. Mësohet se shqiptarët po transportonin mbi 300 bimë marihuanë.

Shqiptarët e moshësh 36 dhe 39 vjeç, u arrestuan në Teruel dhe gjatë një kontrolli policor, u evidentua se njëri prej tyre, shoferi, mbante dokumentacion të rremë personal dhe i ishte ndaluar hyrja në zonën Shengen.

Po ashtu në makinë kishin mbi 300 bimë marihuanë.

Pas ndalimit, automjeti dhe pasagjerët janë hetuar. Në bazë të fakteve, këta dy persona u arrestuan si autorë të dyshuar të veprës penale kundër shëndetit publik dhe një tjetër i falsifikimit të dokumenteve, si dhe u sekuestruan bimët e marihuanës.

Krimi kundër shëndetit publik mund të çojë në dënim me burg nga një deri në tre vjet.

Nga ana e tij, krimi i falsifikimit të dokumenteve mund të dënohet me burgim nga gjashtë muaj deri në tre vjet dhe me gjobë.

Një burrë u kap duke rritur 195 bimë kanabis me një vlerë të mundshme rruge prej 204,750 £ në një banesë.

Redon Selamaj, 28 vjeç, u arrestua pasi policia bastisi pronën në Newport’s Summerhill Avenue në një operacion që u finalizua më 19 gusht.

Oficerët gjetën një “organizim të sofistikuar” ku banesa ishte shndërruar në një fermë kanabisi. Gjykata e Cardiff Crown dëgjoi se Selamaj ishte një shtetas shqiptar, jeta e të cilit ishte në rrezik nga duart e “njerëzve shumë të rrezikshëm” nga vendlindja e tij.

“I pandehuri i tha policisë, se ‘ata më kanë kërcënuar se do të më vrasin babanë tim. Më thanë se kishte kamera që shikonin pronën në çdo kohë”, u raportua në gjykatë.

Selamaj, pa vendbanim fiks, u deklarua fajtor për prodhimin e drogës së klasit B. Ai nuk kishte asnjë dënim të mëparshëm. Ai u dënua me 30 muaj burgim, duke përfituar ulje me 10 muaj, pais pranoi akuzën. Ai do të mund të lirohet pasi të ketë kryer jo më pak se gjysmën e dënimit.

Gjykata urdhëroi konfiskimin dhe asgjësimin e bimëve të kanabisit.

Redon Selamaj

Një sherr mes disa nxënësve të shkollës profesionale “Beqir Çela” është regjistruar paraditen e kësaj të enjte në Shkozet, Durrës.

Nga pamjet e publikuara nga “JOQ” shihet se si disa djem kanë rrahur barbarisht bashkëmoshtatarin e tyre.

Ngjarja e rëndë ka ndodhur rreth orës 10:30 jashtë oborrit të shkollës.

Siç shihet dhe në pamje disa të rinj godasin të miturin me grushta dhe shkelma, ndërsa disa të tjerë përpiqen që t’i ndalojnë.

Lidhur me këtë ngjarje deri më tani nuk ka asnjë reagim nga autoritetet.

View this post on Instagram

A post shared by JOQ Albania (@joqalbania)

Një 35-vjeçar shqiptar në Itali është arrestuar pasi është kapur me rreth një kilogram kokainë në furgonin me të cilin shkonte nga banesa, ku i ishte caktuar masa e arrestit në shtëpi, drejt vendit të punës.

Pasi u ndalua nga policia, 35-vjeçarit iu gjetën përveç sasisë së drogës edhe 2 mijë euro në mjetin me të cilin udhëtonte.

Sipas hetuesve, droga mund të kishte arritur deri në vlerën e 100 mijë eurove nëse shitej me pakicë.

Xhamia e Namazgjasë në Tiranë përurohet pasditen e sotme në një ceremoni të veçantë ndërsa shumë besimtarë presin nisjen e ceremonisë që prej disa orësh.

E cilësuar si një stoli, kjo xhami është financim i qeverisë turke ndërsa ka një kapacitet për 5000 persona.

Në ceremoninë e përurimit të Xhamisë së Namazgjasë do të jetë i pranishëm sot edhe Presidenti i Republikës së Turqisë, Recep Tayyip Erdogan dhe kryeministri Edi Rama.

Pranë xhamisë së Namazgjasë ndodhen besimtarë të shumtë myslimanë, qytetarë si dhe turistë të huaj. Me aparatet fotografikë apo edhe telefona ata fiksojnë xhaminë, e rrethuar nga flamujt shqiptarë dhe ata turq.

Me ndërtimin e xhamisë Tiranës dhe veçanërisht komunitetit mysliman i është shtuar një aset i shenjtë.

Kryeministri Edi Rama tha sot se “Xhamia e Namazgjasë do të hyjë në koleksionin e xhamive më të bukura të ndërtuara në kohët moderne”.

Xhamia e Namazgjasë ka një sipërfaqe rreth 10,000 m2, duke përfshirë katër minare me një gjatësi prej 50 metrash dhe një kupolë qendrore të stilit klasik turk, e cila arrin një gjatësi prej 30 metrash. Kati i parë i xhamisë do të ketë një qendër kulture, sallë konferencash, bibliotekë, sallë ekspozitash, restorante, dhoma pune dhe dhjetë klasa për studimin e fesë islame dhe Kuranit.

Kjo xhami nuk do të jetë thjeshtë një vendfalje, por një kompleks shumëfunksional, që do t’u shërbejë edhe qytetarëve të tjerë, sikurse edhe turistëve.

Për ditën e Premte vendi ynë do të ndikohet nga kushte atmosferike të paqëndrueshme për shkak të kalimit të shpejtë të një fronti të ftohtë atmosferik shoqëruar me masa ajrore të lagështa.

Në këtë mënyrë moti nga orët e para të 24 orësh-it e deri në orët e mesditës do të jetë me vranësira mesatare deri të dendura të cilat në zonën e veriperëndimit dhe pjesërisht qendër do të shoqërohen me reshje shiu të herëpashershme me intensitet mesatar dhe hera-herës deri dhe të lartë.

Në pjesë tjetër të territorit reshjet me intensitet të ulët deri mesatar në formën e shtrëngatave. Pas orëve të mesditës moti parashikohet me kthjellime e alternime vranësirash me këto të fundit të cilat do të shoqërohen me reshje shiu të dobëta dhe lokale. Në momentin e reshjeve të shiut mjegullinë dhe shikim i reduktuar.

Era parashikohet me drejtim juglindje – veriperëndim dhe shpejtësi mesatare 7 m/s, ndërsa përgjatë vijës bregdetare dhe zonat luginore ajo pritet të fitoj shpejtësi deri në 14 m/s duke u shoqëruar me valëzim në dete të forcës 2-4 ballë.

Temperaturat parashikohen:

në zonat malore 12 deri 24°C

në zonat e ulëta 14 deri 27°C

në zonat bregdetare 19 deri 27°C