Author: editor

Gazetari Blendi Fevziu ka folur sot për disa çështje të aktualitetit, ndër të cilat edhe dosjet e bujshme të politikanëve që po hetohen nga SPAK. I ftuar në një emision televiziv, Fevziu tha se këto kohë merr mesazhe të panumërta, për arrestime të mundshme, por në fakt këto janë kryesishst sajesa që “bëhen në hotel Rogner”.

“Dëgjoj çdo mëngjes që çohem, ka një mesazh që thotë këto tre ditë arrestohet Erion Veliaj, këto katër ditë arrestohet filani, etj. Kam të paktën nja 8 vetë që thonë çdo javë do të arrestohen”, tha ai.

Lidhur me punën e deritanishme të SPAK, Fevziu tha se ky institucion duhet të tregojë se po e godet vërtet pandëshkueshmërinë.

Pjesë nga fjala e gazetarit:

Një mik i imi thoshte ka një mekanizëm se si funksionon Shqipëria, dil në orën dhjetë në hotel Rogner, thuaj një gënjeshtër dhe kur të kthehesh në orën 14:00 do ta dëgjosh nga të gjithë si të vërtetë. Në orën 14:00 fillon e beson edhe ti që e ke thënë i pari, sepse aq të vërtetë ta bëjnë, aq detaje i veshin ngjarjes. Dëgjoj çdo mëngjes që çohem, ka një mesazh që thotë këto tre ditë arrestohet Erion Veliaj, këto katër ditë arrestohet filani, etj. Kam të paktën nja 8 vetë që thonë çdo javë do të arrestohen.

A mund të shkojnë drejt Erion Veliajt?

Ata po hetojnë me sa kam parë unë, pasurinë. Nuk di të ketë ndonjë akuzë për inceneratorët apo për 5D. Në hetimin pasuror do të presim të shohim çfarë kanë gjetur. Nëse kanë gjetur gjë do të shohim a shkon drejt arrestimit. Megjithatë, e kam thënë, jo për Veliajn, por në raste të tjera, që hetimet mund të bëhen dhe njerëzit të jenë në gjendje të lirë, me detyrim paraqitje ose pa patur nevojë për burg patjetër. Edhe Meta mund të hetohej në gjendje të lirë, apo edhe Berisha siç doli. Nëse ai del fajtor, sipas vendimit të gjykatës, po qe me burg prangoset.

Në Shqipëri ka një problem, njerëzit e quajnë të kryer ditën që ti arrestohesh, jo ditën që dënohesh. Po u arrestove je fajtor, edhe pse del i pafajshëm përshembull.

SPAK është shumë i fuqishëm. Çdo popull në botë, kur ka mungesë ndëshkueshmërie, këta njerëz që kanë bërë zullume në 30 vjet, natyrisht kanë krijuar ndjesi të keqe te njerëzit. Kur njerëzve u duket sikur po vendoset pak balanca, që është shumë pak, natyrisht do të jenë entuziast. Është në natyrën njerëzore që ta tregojnë me gisht personin që diskretitohet ose ka një problem. Ne shqiptarët kemi krijuar situata më të ashpra nga të gjithë, radikalizmi i komunizmit ishte më i madhi në Evropën Lindore, por mos harroni se kanë qenë edhe francezët dhe britanikët që kanë bërtitur “mbreti në gijotinë”. Janë argëtuar me kokat e prera të mbretërve të tyre.

Por nuk duhet parë entuziazmi i njerëzve në rrugë, po flasim për një situatë normale, ku zbatohet ligji dhe dënohet i pandëshkueshmi. SPAK duhet të qëndrojë brenda linjave ligjore të tij, të mos bëjë protagonizmin për hir të entuziazmit të publikut. Nga ana tjetër, duhet të ndëshkojë realisht ata që kanë qenë të pandëshkueshëm. Sidomos bandat kriminale, Sky ECC dhe Encrochat, kanë hapur një kuti pandore që kanë mundësi që të paktën të ndërhyjnë në disa nga grupet kryesore kriminale sepse beteja me krimin nuk është kaq e thjeshtë. Deus ex machina nuk është kurrë për të zgjidhur gjë, por për të mbyllur gjënë. Edhe fjala primare, është mbyllje artificiale. Zgjidhjet deus ex machina, i vë kapakun. Zgjidhja duhet të jetë e vërtetë.

Blendi Fevziu, i ftuar në një emision televiziv, ka folur për hetimet e SPAK ndaj gazetarit Artan Hoxha, duke qenë se një prej episodeve që përmenden në dosjen e Hoxhës, ka të bëjë pikërisht me emisionin Opinion, ku gazetari publikoi një fotografi të Kryeministrit Rama dhe Ardjan Çapjas.

SPAK dyshon se me këtë veprim dhe të tjera, Hoxha i ka shërbyer grupit kriminal të Suel Çelës si anëtar i kësaj organizate. Hoxha i mohon këto pretendime.

Blendi Fevziu tha se publikimi i fotografisë në vetëvete nuk përbën ndonjë shkelje dhe se këtë do ta bënte çdo gazetar, ndërkohë që ngriti pikëpyetje për disa elementë të dosjes, duke shtuar se nuk e ka të plotë informacionin që mund të zotërojë SPAK për këtë rast.

“E pashë dosjen që shkoi në gjykatë. Ka disa pikëpyetje. E para, nuk e di nëse në momentin kur ky komunikim mes Artan Hoxhës dhe Suel Çelës ka ndodhur, Suel Çela ka qenë person në kërkim apo person i lirë? Nëse ka qenë person i lirë ka një pikëpyetje, nëse ka qenë i kërkuar dhe gazetari ka kontaktuar dhe i ka shërbyer, natyrisht kjo është komplet diçka jo normale. Nëse është një person i lirë dhe gazetari e ka kontaktuar për informacion… Ndërkohë aty përmendet një fakt, që gjatë një emisioni, Artan Hoxha ka nxjerrë një foto të njërit prej Çapjave me Ramën, në momentin që Çapja ishte në kërkim apo kishte ndodhur diçka me të. Po këtë foto ne nuk do ta nxirrnim?

Fotoja ishte montazh apo ishte e vërtetë? Nuk do të thotë ndonjë gjë që Rama ka bërë foto me Çapjan. Por në momentin që është e vërtetë, çfarë problemi ka?

Nuk di çfarë ka dosja më thellë. Ishte ideja që ia dha ai (Suel Çela)? Po mua mund të ma çonte një qytetar kushdo, edhe ndonjë bandit, se unë nuk i kam numrat e telefonave njerëzve, më vijnë mesazhe pafund nga numra që nuk i njoh.

Unë kam publikuar foto dhe video. Pse do ti kërkoja pashaportën unë këtyre njerëzve?

Këtu flasim nëse bëhet fjalë për montazh, nëse kërkon të krijosh jnë alibi për një krim që je në dijeni. Pastaj, nuk e di cfarë ka dosja në brendasë, nuk dal garant. Por publikimi i kryeministrit në foto me një person, normale, çdo foto do e bëja.

Nese bëhet fjalë që ka qenë person në kërkim dhe Artan Hoxha e ka takuar duke fshehur, por edhe në ato raste gazetari ka pikëpyetje. Nëse e ka ndihmuar për një krim, apo të fshehë gjurmët, kjo pastaj është një gjë tjetër, është problem i ligjit, shkelje e ligjit”, tha Fevziu.

Kohë më parë loja e bujshme në TikTok, Pokemon Go u kthye në fenomen botëror e me pasoja. Kudo shiheshin të rinj të cilët në mënyrë të dyshimtë lëviznin rrugëve me telefona në dorë në përpjekje për të mbledhur Pokemonë. Pas saj loja e rrezikshme, e njohur si “Balena Blu”, çoi shumë fëmijë deri në vetëvrasje.

Këto ditë një tjetër kërcënim është shfaqur në TikTok duke vënë në rrezik jetën e fëmijëve. “Sfida e Supermenit” ose “Superhero”, ka shënuar trauma tek shumë nga përdoruesit e TikTok. Sfida qëndron tek hedhja përpara me një krah të zgjatur, si personazhi për fëmijë, Superman, për t’u kapur ose jo nga miqtë.

Nga “loja” e rrezikshme që është përhapur edhe në Shqipëri, mbi 10 të rinj janë raportuar të lënduar. Arbri është një 13-vjeçcar dhe tregon për “Stop” në Tv Klan se është viktimë e kësaj loje. Ai nuk ka telefon, por nën ndikimin e shokëve, ia nënshtrua lojës së rrezikshme dhe Arbri theu dorën e dëmtoi shtyllën kurrizore.

Paraditen e sotme, deputetja Monika Kryemadhi, është paraqitur në GJKKO, ku ka deklaruar me ironi se pas sekuestrimit të vilave, do të jetojë në çadër.

Vendimi në lidhje me çështjen do të merret nesër.

“5 min para se të futesha në gjyq 10 policë kanë zbarkuar në drenë e shtëpisë time. Ishte skenar interesant ndoshta për të krijuar presion psikologjik, mund të jetë edhe rastësi. U kam thënë që jam në gjyq dhe erdhën ditën tjetër, u vendos procesverbali, u firmos, erdhën përfaqësues të agjencisë së sekuestro. A është e ligjshme prona? Po i tha prokurori, por ne mendojmë se këta duhet të dalin nga shtëpia. Do të jetojmë me çadër, po ato që jetojnë me çadra nga tërmeti. Do marrim një kontejner, do të na japë dikush një tokë ku do të vendosim kontejnerin”, tha ajo.

Dashi

Saturni do të ketë ndikim aspak të pëlqyeshëm për të lindurit e kësaj shenje. Duhet të punoni me vendosmëri për të arritur objektivat tuaja. Besoni më shumë në vete dhe do të merrni rezultatet e dëshiruara.

Demi

Gjatë kësaj dite do të përballeni me një ngarkesë të madhe stresi. Gradualisht do të rikuperoni formën fizike dhe psikologjike, ashtu siç ju e keni dëshiruar.

Binjakët

Pas disa ditëve të vështira që keni kaluar sidomos në dashuri, situata priret që të përmirësohet në mënyrë të ndjeshme. Shumë shpejt edhe në punë do të merrni kënaqësitë e dëshiruara.

Gaforrja

Pavarësisht vështirësive me të cilat jeni përballur në jetën sentimentale, yjet do të kenë ndikim mjaft pozitiv. Do ti shihni gjërat me sy tjetër.

Luani

Gjatë kësaj të marte duhet të reflektoni më shumë për të rigjetur ndjenjat tuaja. Po ashtu do ju duhet të gjeni ekuilibrin e dëshiruar, të cilin e keni humbur prej kohësh.

Virgjëresha

Më në fund keni rigjetur qetësinë dhe gjatë ditëve në vijim do të merrni kënaqësi të mëdha. Kjo gjë vlen sidomos në sferën profesionale, ku përkushtimi i treguar do të shpërblehet.

Peshorja

Kjo ditë ju gjen tejet nervoz për shkak të ngarkesës dhe stresit të madh në punë. Kjo gjë do të reflektohet edhe në sferën sentimentale, ndaj bëni mirë që të mos e teproni.

Akrepi

Situata në dashuri do të vijë drejt përmirësimit. Historitë e lindura prej pak kohësh do të marrin konfirmimet e nevojshme, shkruan noa.al. Dita parashikohet të jetë tejet pozitive.

Shigjetari

Duhet të besoni më shumë në veten tuaj, sidomos në sferën profesionale. Pavarësisht aftësive tuaja nuk do ju njihen meritat dhe për këtë arsye duhet të tregoheni më bindës.

Bricjapi

Keni nevojë për një periudhë pushim, për të shqyrtuar më mirë projektet tuaja të së ardhmes. Në dashuri, situata do të mbetet e qëndrueshme, për gjithë ata që janë në një lidhje të qëndrueshme.

Ujori

Ndiheni disi të lodhur për shkak të angazhimeve të shumta, me të cilat jeni përballur gjatë këtyre ditëve. Përfitoni për të rikuperuar dhe për të rigjetur ekuilibrin, por gjithmonë duke u treguar të matur.

Peshqit

Po angazhoheni maksimalisht për të arritur objektivat e synuara, si në dashuri edhe në punë. Shumë shpejt do të korrni frytet e asaj që keni mbjellë dhe do të merrni kënaqësi.

Një 36-vjeçar shqiptar u ndalua të dielën në autostradën Brenner (A13) në Austri me 12 kilogramë kokainë.

Droga, e paketuar në 12 pako, u zbulua gjatë një kontrolli në makinën e shqiptarit, tha drejtori i policisë së shtetit Helmut Tomac të hënën në një konferencë për shtyp.

Nëse kjo sasi do të shitej në rrugë, kishte një vlerë prej 1.2 milionë euro. Kjo është sasia më e madhe e kokainës e konfiskuar nga autoritetet, ndërsa shqiptari ndodhet në paraburgim.

Automjeti i shtetasit me banim në Itali, i cili kërkonte të udhëtonte përmes Tirolit nga veriu në jug me targë gjermane, u kontrollua në mënyrë specifike në bazë të disa kritereve. 36-vjeçari u “ngatërrua në kontradikta” në lidhje me destinacionin dhe qëllimin e tij të udhëtimit, tha Harald Baumgartner, kreu i departamentit të emigracionit dhe policisë kufitare. Pas konsultimit me kolegët gjermanë, lindi dyshimi se mund të ishte një “udhëtim kontrabande”.

Shqiptari më pas u nis me makinë në stacionin e policisë Brenner dhe automjeti u “çmontua” fije për pe, shpjegoi Tomac. 36-vjeçari ka qenë “më tepër jo llafazan” deri më tani. Jemi ende në fillim të hetimeve. Deri më tani nuk dihet asgjë për ndonjë bashkëpunëtor apo rrjet më të madh, tha Tomac.

Moska synon të pushtojë tërësisht rajonet ukrainase e Donetsk, Luhansk, Kherson dhe Zaporizhizhia deri në vitin 2025. Paralajmërimi ka ardhur nga Ministri rus i Mbrojtjes Andrei Belousov gjatë një takimi në ministri, duke përsëritur angazhimin e Rusisë për të arritur ato që ai i përshkroi si “objektivat e shpallura nga Presidenti Vladimir Putin në qershor”.

“Në vitin 2025, Moska pret të arrijë fitoren në luftë”, shtoi Belousov, duke nënvizuar nevojën që Rusia të përgatitet për konflikte të mundshme me NATO-n në dekadën e ardhshme. Zyrtari i lartë rus ka bërë të ditur se “Përgatitja për luftë në vitet e ardhshme tregohet nga vendimet që u morën në samitin e Aleancës së Atlantikut të Veriut të mbajtur në korrik të këtij viti”.

“Kjo pasqyrohet edhe në dokumentet doktrinore të Shteteve të Bashkuara dhe vendeve të tjera të NATO-s. Në atë samit në korrik, Ukraina mori 43 miliardë dollarë financim dhe më shumë sisteme të mbrojtjes ajrore, marrëveshje të reja dypalëshe të sigurisë, si dhe një premtim se rruga e saj drejt anëtarësimit është “e pakthyeshme”.

Nga ana e tij, Presidenti rus Vladimir Putin ka bërë të ditur se më shumë se 100,000 trupa amerikane janë vendosur në Evropë, duke denoncuar rritjen e pranisë ushtarake aleate në kufijtë rusë. Për këtë arsye, njoftoi ai, Moska do të nisë “së shpejti” prodhimin masiv të raketave balistike hipersonike Oreshnik, të testuara më 21 nëntor në Ukrainë. “Nëse Shtetet e Bashkuara vendosin raketa me rreze të shkurtër dhe të mesme në çdo rajon të botës – kërcënoi ai – Rusia do të bëjë të njëjtën gjë”. Putin denoncoi gjithashtu dërgimin e mercenarëve dhe instruktorëve ushtarakë në Ukrainë, me të cilat, sipas tij, Uashingtoni po promovon hapur “një përshkallëzim të konfliktit”.

Sakaq, Ukraina ka bërë të ditur se posedon një armë lazer të aftë për të rrëzuar objektivat ajrore në një lartësi prej më shumë se 2 kilometra. Këtë fakt e ka bërë të ditur komandanti i forcave të dronëve të vendit. Zyrtari ushtarak, Vadym Sukharevskyi, nuk dha më shumë detaje në komentet e tij të para zyrtare për ekzistencën e armës.

Pas rënies në gjurmët e këngëtares së mirënjohur shqiptare, Parashqevi Simaku, e cila prej vitesh nuk dihej se ku ishte dhe çfarë bënte, ka reaguar vëllai i saj Ben Simaku, duke thënë se gjetja e saj, kishte qenë amaneti i nënës së tyre.

Në një intervistë për Top Channel ai është shprehur se kishin vite që e kërkonin dhe e ëma, e cila prej dy vitesh ishte ndarë nga jeta, e kërkonte gjithë kohën.

“Kjo është lumturia më e madhe e jetës sime. Edhe sikur të vdes nuk i kam më pishman gjë kësaj jete; se të paktën u realizua ajo dëshira e nënës sime. Mamaja në janar mbush dy vite që ka ndërruar jetë. Si çdo nënë; si ajo që po kërkon fëmijën e vetë atje, ashtu edhe nëna ime. Si nënë, si prind… gjithmonë për fëmijën!”, u shpreh ai.

Gjithashtu Ben Simaku ka treguar se, që në momentin e parë që ka parë videon e saj të qarkullonte në rrjet, e kishte njohur.

“Po si nuk e njihja motrën time, kush është ai që nuk do e njihte. Unë kam jetuar vetë dy vite me të kur sa lindi fëmijën. Në një shtëpi bashkë me të, bashkë me të shoqin”, rrëfeu z. Simaku, teksa tregon se në atë kohë këngëtarja nuk ka patur probleme.

Kujtojmë se Parashqevi Simaku, pas publikimit të videos së saj ku merrte ndihma nga qytetarët amerikanë, është strehuar në një hotel nga biznesmeni Elton Ilirjani.

Vëllai i saj u shpreh se donte të falënderonte Ilirjanin për ndihmën që i ka dhënë motrës së tij, ndërsa shtoi se ka kontaktuar me të.

“Atë dua ta falenderoj jashtë mase nga zemra atë person. Me Parashqevinë fola me kamera. Më duket sikur linda përsëri me telefonatën…Dukej e lodhur, duhet lënë koha e saj. Ne duam vetëm nga ana morale, psikologjike, por nga ana financiare nuk është asnjë problemi. Si i thonë ‘leku shkon e vjen por njeriu mbi të gjitha’, po të jetë njeriu e bën prapë lekun”.

I pyetur nëse presin që Parashqevi Simaku të kthehet pranë familjes, ai tha: “Kush është ai që nuk e pret? Ka shtëpinë e vet në Durrës, ka pjesën e vet, gjakun e vetë. Unë madje kam pasur edhe firmën si më i madhi për të firmosur në mungesë të saj”.

Kujtojmë se Parashqevi Simaku, këngëtarja e famshme nga Kavaja që elektrizoi Shqipërinë gjatë viteve ’80, është një emër që mbetet i paharruar për artdashësit.

Por, pas komunizmit ajo emigroi jashtë vendit dhe jetoi larg syrit të publikut.

Izraeli sulmoi disa baza ushtarake në rajonin bregdetar sirian të Tartus aty ku ruheshin raketa tokë-tokë dhe municione të tjera, të cilat e kthyen shpërthimin në një tërmet.

Shpërthimi ishte aq i fuqishëm sa shkaktoi një lëvizje në shkallën Rihter.

Avionët luftarakë izraelitë qëlluan mbi objektiva të ndryshëm, duke përfshirë bazat e mbrojtjes ajrore dhe kampet e raketave, tha Observatori Sirian për të Drejtat e Njeriut.

Këto ishin sulmet më të rënda në Tartus që nga fillimi i sulmeve izraelite në 2012

Në Tartus ishte gjithashtu një bazë detare ruse në Tartus, e cila u ndërtua në vitin 1971 gjatë kohës sovjetike. Ishte qasja e vetme e Rusisë në Mesdhe dhe shërbeu si qendër për dërgimin e armëve dhe furnizimeve gjatë luftës civile siriane.
Që nga përmbysja e tiranit sirian Bashar al-Assad, Izraeli ka bombarduar disa objektiva ushtarake dhe depo armësh në Siri për të parandaluar që ato të bien në duart e rebelëve islamikë.

Këto përfshijnë fabrikat kimike të Assad-it dhe rrugët e furnizimit me armë të Iranit për organizatën terroriste Hezbollah.

Izraeli gjithashtu u zhvendos në një zonë tampon me Sirinë në lartësitë e pushtuara të Golanit.