editor

Detaje të reja janë zbardhur në lidhje me ngjarjen e rëndë në Tetovë ku humbën jetën e nënë e bijë.

Siç raportohet Ministria e Punëve të Brendshme së bashku me Prokurorinë Themelore Publike Tetovë janë duke ndërmarrë masa për zbardhjen e ngjarjes në fshatin Sllatinë të Tetovës.

Gjithashtu dyshohet se nënë e bijë janë helmuar, ndërsa do të merren mostra të gjakut dhe urinës edhe nga anëtarët e tjerë të familjes, babai dhe djali për të mësuar nëse edhe ata janë helmuar.

Viktimat janë gjetur nga gjyshja, e cila ka shkuar në cilësinë e mjekes pasi ka marrë një thirrje telefonike për ndihmë në urgjencën e Tetovës.

Këto detaje janë bërë të ditura në raportin e policisë së Tetovës. Megjithatë ende nuk dihen rrethanat e ngjarjes.

Të gjeturat fillestare nga autopsia e urdhëruar flasin për helmim si shkak të mundshëm të vdekjes së personave, andaj nga të ndjeret janë marrë mostra për analiza shtesë toksikologjike për të përcaktuar shkakun e helmimit.

Tek të vdekurit nuk u konstatuan gjurmë të tjera dhune.

Gjithashtu, me urdhër të prokurorit publik do të merren mostra të gjakut dhe urinës edhe nga anëtarët e tjerë të familjes babai dhe një fëmijë tjetër, për të kontrolluar praninë e mundshme të toksinave edhe në to”, theksohet në njoftimin e MPB-së.

Presidenti amerikan Joe Biden ka folur në Uashington për uraganin që po afrohet në Florida.

Ai u bën thirrje të gjithëve në rrugën e uraganit Milton që “të ndjekin të gjitha udhëzimet e sigurisë” dhe thotë se “është një çështje jete dhe vdekjeje“.

Udhëheqësi amerikan thotë se ekipi i tij ka bërë “çdo gjë që mundet” për t’u përgatitur për këtë stuhi javën e fundit.

“Dua të jem i qartë për diçka. Gjatë javëve të fundit ka pasur promovim të papërgjegjshëm të dezinformatave dhe gënjeshtrave të hapura që shqetësojnë njerëzit. Po minon punën e shpëtimit dhe rikuperimit që po ndërmerret dhe do të vazhdojë të merret. Nuk ka vend që kjo të ndodhë.

Ish-presidenti Trump ka udhëhequr sulmin e gënjeshtrave. Janë bërë pohime për konfiskimin e pronave, kjo nuk është e vërtetë. Ata thonë se njerëzit e prekur nga stuhitë do të marrin 750 dollarë në para dhe jo më shumë, kjo nuk është e vërtetë.

Ata po thonë se paratë e nevojshme për këtë krizë po u drejtohen emigrantëve, çfarë gjëje qesharake të thuhet”, tha presidenti amerikan.

Biden thotë se “askush nuk duhet ta bëjë popullin amerikan të pyesë nëse qeveria e tyre do të jetë atje”.

Një ngjarje e rëndë është raportuar në Leskovik.

Një 40-vjeçari ka dhënë fund jetës. Sipas informacioneve 40-vjeçari është gjetur i varur.

Ka qenë telefonata e një banori të zonës që ka lajmëruar policinë e Kolonjës.

Autoritetet kanë nisur hetimet për zbardhjen e plotë të ngjarjes, ndërsa pritet edhe dëshmia e familjarëve.

Ish gardisti Paro Laci në një intervistë për një emision televiziv flet për një skenar të mirëfilltë të thurrur sipas tij nga Sali Berisha për vrasjen e Ilir Metës.

Madje tregon se kush do e merrte përsipër vrasjen dhe se Sali Berisha ishte përgatitur të hapte dhe një shishe shampanjë

Sali Berisha ka shkuar të flinte në Sofi hotel, që të ishte larg ngjarjes ku të hapte shishen e shampanjës për vrasjen e Ilir Metës.

Sepse Ilir Meta do të vritej me urdhër të Sali Berishës atë ditë,por sic duket ngaqë ishte kryeministër i Shqipërisë, kishte informacion.

Konsullja,. Zana, i ka cuar informacion Shqipërisë se janë përgatitur një grup. E gazetat shkruan atëherë se Brukseli i dytë do të bëhej në Londër” thotë Paro Laçi.

Nëse ne do të mundoheshim ta realizonim Ilir Meta do të vritej në Bruksel,e dinë të gjithë bashkëatdhetarët tanë. Vrasjen do e mbante Sali Lusha për arsyen se Ilir Meta ka dhënë urdhër për vrasjen e vëllait të tij, që sot është Heroi i Demokracisë. I vrarë më 28 nëntor, ditën e flamurit. Ky ka qenë plani I mirëkurdisur I Sali Berishës. Të flasë vetë ambasadori Artur Kuke si kemi bllokuar. Ka ndodhur vetëm një rast në Bruksel që delegacionet ndalohen nga persona të mirëorganizuar nga Sali Berisha. E di Sali Berisha shumë mirë si na organizoi. Na solli makina të fuqishme tip I fundit. Nga kush I pruri, si erdhën. Sali Berisha të cohet e të flasë për hotelet që kam paguar” thotë Paro Laci .

Agjencia Kombëtare e Mbrojtjes Civile dhe Ministria e Mbrojtjes i kanë drejtuar një apel qytetarëve në Qarqet Lezhë e Shkodër që të tregojnë kujdes të shtuar dhe të bashkëpunojnë me institucionet, ndërsa gjatë tre ditëve të ardhshme priten reshje dhe shtrëngata.

Agjencia Kombëtare e Mbrojtjes Civile dhe Ministria e Mbrojtjes janë në monitorim të vazhdueshëm të situatës dhe në komunikim të ngushtë me pushtetin vendor dhe strukturat qendrore të sistemit të mbrojtjes civile për të rritur gatishmërinë sipas nevojës.

Në një njoftim zyrtar thuhet se Forcat e Armatosura janë në gatishmëri me mjete dhe pajisje të nevojshme për të ndërhyrë në rast emergjence.

“Një thirrje u drejtohet qytetarëve të qarqeve Lezhë dhe Shkodër që të tregojnë kujdes të shtuar dhe të bashkëpunojnë me institucionet për çdo situatë të mundshme”, thuhet në njoftim.

Është publikuar fotoja e 28-vjeçarit Denis Loka, i cili u vra me thikë nga kushërinjtë e tij Enis dhe Aleksandros Loka, në në lagjen Kipseli të Athinës mbrëmjen e së hënës.

Ngjarja e rëndë është fiksuar nga kamerat e sigurisë të bizneseve aty pranë dhe tregojnë vëllezërit, 17 dhe 19 vjeç të cilët fillimisht përleshen fizikisht me të afërmin e tyre Denis Loka, përpara se t’i marrin jetën.

Ngjarja ka ndodhur rreth orës 22:50 dhe ishin efektivët e Policisë Rrugore, të cilët po lëviznin pranë kryqëzimit të rrugëve Chania dhe Patisia, që panë të shtrirë përtokë 28-vjeçarin.

Sakaq dy vëllezërit pretendojnë se janë abuzuar seksualisht nga 28-vjeçari i ndjerë, kur ishin fëmijë dhe jetonin në Shqipëri. Kur u takuan ata debatuan për atë që pretendojnë se ka ndodhur në të kaluarën. Viktima ka tentuar t’i qetësojë, por ka ndodhur një sherr, i cili ka sjellë plagosjen fatale të 28-vjeçarit.

Një orë pasi kryen krimin ata janë vetëdorëzuar në komisariatin e Kipselit dhe ka qenë 17-vjeçari ai që ka marrë përsipër vrasjen.

Bashkia e Shkodrës u përfshi sot nga reshje intensive shiu, por sipas të dhënave zyrtare nuk raportohen dëme të mëdha në banesa apo biznese.

Gazetari i News24 Senad Nikshiqi raporton se grupet e punës u angazhuan në terren për menaxhimin e situatës. Konkretisht në terren u angazhuan:

▶️ 43 punonjës të Ndërmarrjes së Shërbimeve dhe Punëve Publike

▶️ 40 punonjës të Ujësjellës-Kanalizimeve

▶️ 14 efektivë të Policisë Bashkiake

▶️ 12 efektiv të Forcave Zjarrfikëse

▶️ 18 efektiv të Policisë së Shtetit

Sipas parashikimeve, Shkodra do të jetë edhe nesër në prezencë reshjesh ndërkohë që të gjitha strukturat tona janë në terren për çdo problematikë.

Situata aktualisht është e qetë dhe po monitorohet nga punonjësit dhe specialistët e emergjencave civile të Bashkisë Shkodër.

Personi që shikoni në foto është 30 vjeçari Lulzim Toci, ky i fundit mbyti gruan e tij Eleonor Toci teksa ishin në shtrat.

Sipas asaj që është konstatuar nga policia italiane, kanë qenë dy fëmijët e moshës 4 dhe 6 vjeç, të cilët i kanë treguar tezes në një “videocall” trupin e nënës së tyre.

“Babi vrau nënën”, këto ishin të vetmet fjalë që thoshin të vegjlit në telefon.

Lulzim Toci menjëherë pas vrasjes ka shkuar në shtëpinë e kunatës dhe i ka kërkuar që ta shoqërojë në spital.

Megjithatë, kunata e 30 vjerit dyshoi dhe thirri vajzën. Mirëpo, një nga fëmijët i është përgjigjur telefonit dhe në një video-telefonatë ka treguar trupin e pajetë të 24-vjeçares.

Vrasja ka ndodhur pas një debati, arsyet e të cilit ende nuk janë përcaktuar.

30 vjeçari dyshohet se ka sulmuar gruan dhe e ka mbytur me duar, ndërsa fëmijët e saj ishin në shtëpi.

Miliona njerëz janë urdhëruar të largohen nga shtëpitë e tyre në Florida ndërsa uragani Milton po afrohet.

Ku dhe kur do të godasë uragani?

Parashikuesit e NBC kanë përditësuar oraret për mbërritjen e uraganit, duke thënë se ai tani do të godasë bregun perëndimor të Floridës më herët.

Parashikohet që uragani të bjerë në tokë nga ora 22:00-02:00 nesër (04:00-08:00 me orën e Shqipërisë) midis Gjirit Tampa dhe Venecias, me Sarasotën më afër rënies në tokë.

Ai do të mbetet një uragan ndërsa lëviz nëpër të gjithë gadishullin dhe stuhia do të jetë jashtë bregut lindor në 10-12 orë pas rënies në tokë.

Milton është në statusin e kategorisë 4 duke iu afruar Floridas pasi kaloi pjesën më të madhe të ditës së djeshme si një stuhi e kategorisë 5.

Dhe kur të arrijë në Bregun e Gjirit të Floridës, mund të gjenerojë një stuhi kërcënuese për jetën deri në 15 metra në një rajon që është veçanërisht i prirur nga përmbytjet.

Rreziku i tornados është gjithashtu në rritje, me një rrezik të konsiderueshëm për tornado të forta nëpër Florida qendrore deri në mbrëmjen e sotme.

Tashmë ka pasur një ndikim në gadishullin Jukatan të Meksikës, i cili është goditur nga dallgë të mëdha dhe ujëra të përmbytjeve deri në gjunjë.

Ai po kërcënon zonën e Gjirit Tampa, një qendër kryesore popullsie që është shtëpia e më shumë se 3.3 milionë njerëzve dhe ka arritur të shmangë një goditje të drejtpërdrejtë nga një uragan i madh për më shumë se 100 vjet.

Miliona njerëz janë urdhëruar të evakuohen dhe në zonën e Gjirit Tampa, qarqet po përdorin mjete të shumta komunikimi për t’i nxitur njerëzit të largohen nga zonat e cenueshme.

Parashikuesit e Qendrës Kombëtare të Uraganeve kanë paralajmëruar se Milton “pritet të mbetet një uragan i madh jashtëzakonisht i rrezikshëm” kur të arrijë në brigjet e Floridës.

Dhe guvernatori i Floridës Ron DeSantis ka thënë se uragani mbetet “i madh dhe i fortë”.

Ai tha gjithashtu se autoritetet kishin vendosur më shumë se 11,000 këmbë sisteme të mbrojtjes nga përmbytjet dhe i kishin ngritur ato rreth infrastrukturës kritike si spitalet, objektet e trajtimit të ujërave të zeza dhe infrastrukturën elektrike.

Në përgatitje për uraganin, Aeroporti Ndërkombëtar i Orlandos ka ndaluar fluturimet komerciale.

Ish presidenti i klubit Partizani dhe ish gardisit Paro Laçi, bëri deklaratën e fortë në në një emision televiziv teksa tha që Berisha ka pasur plan të vrasë Ilir Metën dhe Neritan Cekën.

Më tej duke folur për drejtësinë, ai tha se është në dispozicion të saj, por edhe nëse drejtësia nuk vepron ai do ndjek të gjithë hallkat e saj deri në Bruksel.

‘Nëse drejtësia nuk më kërkon, nëse është e blerë, Berisha e di çfarë jam i aftë të bëjë dhe Berisha do përballet me aktin e fundit. Është një gjykatë në Bruksel.

Jemi mbledhur një herë në Bruksel. Ne e kemi mbajtur dhe kemi bërë shumë për të. Do mblidhemi as sa e përmban ligji do marri një staf të fortë juridik dhe do i bëjmë një denoncim Berishës.

Edhe nëse nuk e zgjidh drejtësia në Shqipëri. Sa të jem gjallë do i drejtohem gjithë hallkave të drejtësisë.

Do denoncojmë gjithë këto gjëra që gjithë i dimë, aq sa dimë do përgatisim një denoncim. Në momentin që do marri rrugën nuk ka më ryshfet dhe pare që e blen.’