editor

Shkak i paraqitjes në urgjencë të banorëve të fshatrave të Dibrës ka qenë uji i pijshëm.

Rezultati ka ardhur pas analizave të kryera, por prefekti sqaron se infektimi nuk ka ardhur nga burimi kryesor.

Nga pacientët e paraqitur në spital u evidentuan disa fshatra të prekur.

Vetëm në ditën e parë u paraqitën për ndihmë 100 persona, por edhe në ditën e tretë kishte të paktën 10 kërkesa për ndihmë

Ky është një rast i përsëritur i helmimeve në Dibër.

Ndërsa prefekti shton se ka nisur pastrimi i depove të ujit dhe këtë të mërkurë do të jetë i pijshëm

Prokuroria ka urdhëruar Policinë e Kosovës, që ta arrestojë të dyshuarën për mashtrim me subvencione në Pejë. Zëdhënësi i Prokurorisë në Pejë, Shkodran Nikqi, ka konfirmuar për Gazetën Insajderi se Ardiana Begolli është arrestuar.

“Me urdhër të prokurorit, policia e Kosovës ka arrestuar të dyshuarën për veprën penale mashtrimi. Prokurori i shtetit e ka ndaluar për 48 orë”, ka thënë Nikçi për Insajderin.

Si ra Ardiana Begolli në kurth?

Ardiana Begolli, dyshohet se ka arritur të marrë mijëra euro nga fermërët. E fshehur pas petkut të humanitares, Begolli krijoi një skemë mashtrimi duke u premtuar fermërëve traktorë dhe makineri bujqësore, të cilat sipas saj do të vinin falas nga vendi mik Danimarka, ndërsa fermerët do të paguanin, vetëm kostot e transportit.

Një shumë që shkonte në 250 euro për një mjet, ndërsa shtoheshin vazhdimisht nëse fermeri do të kërkonte makineri të tjera bujqësore.

Të gjendur përballë një oferte të “parrezistueshme”, fermerët ranë dakord që të jepnin paratë. Kështu, fermeri i parë që kontaktoi me Ardianën, duhej të krijonte një grup me pesë persona, të cilët duhet të kryenin pagesën.

Pagesa shkonte në xhepin e Ardiana Begollit, e cila ia kishte dalë që të krijonte një profil prej humanitareje duke përdorur një shoqatë në emër të saj, por që ligjerisht nuk njihej nga institucionet e Kosovës.

Pasi mori paratë nga fermerët, ajo nisi ti mbante me shpresa, se makineritë bujqësore do të vinin, ndërsa i shtynte drejt porosive për mjete të tjera bujqësore, për të rritur më shumë fitimet e saj dhe për të “zhytur” edhe më keq fermerët e gjorë, të cilët vonë “nuhatën” se këtu vinte era mashtrim dhe jo një mashtrim dosido, por me një skenar të përgatitur deri në detaje nga Begolli, e cila deri sa u përball me ne mendoi se do ia hidhte paç. Por ndonjëherë… gjërat nuk shkojnë sipas planit.

Kështu pas denoncimeve të ardhura në Redaksinë e “Piranjave”, iu futëm punës, për zbuluar se çfarë fshihet pas kësaj shoqate, gjoja bamirsie, pasi… djalli fshihet në detaje.

Kështu, u futëm në rol. Si një fermer i interesuar për pajisje bujqësore, kontaktuam me Begollin dhe i lamë një takim. Këtu, nga dëshira e madhe për të përfituar sa më tepër para, Ardiana ishte e gatshme të na takonte dhe të bënte pazarin e radhës, i cili në fund nuk doli ai që ajo priste.

Pasi firmosëm për të dhënë paratë në një bllok, pa vulë dhe asnjë detaj formal, tema doli tek paratë, të cilat Ardiana Begolli nuk dëshironte ti merrte në ambient të hapur në lokalin ku ishim ikur për të mbyllur ujdinë. Dhe ne nuk ia prishëm, lekët shkuam t`i merrnim tek makina, ku në fakt isha dhe surpriza e rezervuar për te. Në vend të parave, nisi përballja me të vërtetën.

E zënë ngusht përballë fakteve, Begolli vijonte të këmbëngulte se nuk është një mashtruese dhe se fermerët do t`i merrnit mjetet bujqësore, por kur i kërkuam një dokument të vetëm që vërtetonte bashkëpunimin e saj me fondacionin në Damimarkë, që sipas saj, do të sillte traktorët dhe makineritë bujqësore, ajo nuk kishte asgjë për të thënë dhe nxitoi të shkonte në makinë.

Por të largohesh nuk do të thotë se shpëton nga përballja me të vërtetën dhe me drejtësinë. Prandaj, tashmë çështja është në dorën e drejtësisë së Kosovës, e cila ka nisur hetimet.

Kujtim Gjuzi thotë se meshkujt shqiptarë janë më potentët në botë, pas deklaratës së Eni Çobanit, sipas së cilës, meskujt shqiptarë janë impotentë.

“Meshkujt shqiptarë janë më potentët në botë. Duke nisur nga unë që kam 4 fëmijë. Ka dhe nga ata meshkujt e Dardanisë që kanë nga 15 fëmijë.

Të gjithë jetën aktive seksuale e cila nis te të 20-tat. Dhe për 30 vite ata nëse kanë këtë lloj familje i bie që kanë qenë potencial. Femrat janë planeti i errësirës, errësira është infinit. Por marrëdhnier seksuale nuk mund të jenë të pafundme, për të ngopur të pangopurën“, tha ai në Vizion Plus.

“Meshkujt shqiptar janë kompion edhe në boks. Nëse e don një femër tamam janë numër 1. Në Greqi më kanë thënë që jeni të paparë“, përfundoi Gjuzi.

Mësohet emri i gruas që u mbyt nga burri shqiptar në Itali.

Sipas mediave vendase burri 30-vjeçar ka mbytur në sy të dy fëmijëve, 4 dhe 6 vjeç, bashkëshorten, po nga Shqipëria.

Ajo është Eleonora Toci 24 vjeçe dhe burri Lulëzim Toçi 30 vjeç.

lulëzimi e mbyti gruan në krevatin dopio në sy të fëmijëve të tyre të mitur pas një konfikti mes çiftit.

Autori raportohet se merrej me bujqësi, ndërsa 24-vjeçarja nuk punonte.

Ka qenë motra e viktimës që ka njoftuar policinë, pasi 30-vjeçari shkoi në shtëpinë e saj pas krimit duke i kërkuar ta shoqëronte në spital. Por, ajo nuk e besoi dhe thirri dy fëmijët e mitur të çiftit, të moshës 4 dhe 6-vjeç, të cilët i thanë tezes së tyre se babai i tyre vrau mamanë.

“Babi vrau mamin,” i thanë fëmijët tezes. Kur policia mbërriti në vendngjarje, 30-vjeçari ishte duke u endur pranë shtëpisë, në Via Caravaggio dhe më pas është arrestuar.

“Ai ishte në një gjendje konfuze”, raportoi policia.

Reshjet e dendura të shiut kanë krijuar probleme në disa segmente rrugore të qytetit Shkodër. Gazetari Simon Shkreli raporton se reshjet e dendura të shiut vijojnë ndërkohë që ka prezencë të madhe uji nëpër rrugë, gjë që ka vështirësuar qarkullimin e automjeteve.

“Vazhdojnë të jenë reshje të dendura shiu dhe për pasojë ka probleme dhe prezencë të madhe uji në disa segmente rrugore. Ndodhem në qendër të qytetit, një nga pikat nevralgjike të qytetit sa i përket menaxhimit të situatës. Punonjësit ndodhen në terren. Ka probleme edhe në qarkullim dhe për këmbësorët duke qenë se uji ka kaluar edhe në trotuar.“, raportoi gazetari.

Përplasje në Komisionin Hetimor Parlamentar për Sterilizimin pasi garda nuk lejoi deputetët e opozitës të futen brenda.

Kryetarja e Komisionit, Albana Vokshi ka arritur të futet në sallë dhe i ka fikur mikrofonin Plarent Ndrecës, që kishte nisur mbledhjen pa deputetët e opozitës.

“Kush je ti që…” i drejtohet deputetja demokrate dhe më pas i fik mikrofonin.

Debat te “Sterilizimi”:
Vokshi: Unë aty ti të nisësh mbledhjen? Jam unë kryetarja këtu
Ndreca: Nuk je pronarja, ulu bëj kryetaren mos bëj si e fortë.

Vokshi: Je injorant juridik! Je i pari që do e hash nga kolegët e tu