editor

Një ngjarja e rëndë ka ndodhur në fshatin Sllatinë të Tetovës, ku në një shtëpi familjare janë gjetur pa shenja jete në rrethana të panjohura, nëna 38 vjeçare së bashku me vajzën e saj 4 vjeçare, teksa kryefamiljari së bashku me djalin janë në Spitalin e Tetovës në gjendjë të rënduar.

Trupat e pajetë të nënës dhe vajzës janë pranuar për obduksion.

Në vendngjarje ka dalë policia dhe prokurori publik.

Sipas informacioneve të fundit të siguruara nga burime të policisë, nuk bëhet fjalë për helmim por për dhunë, edhe pse deri më tani nuk ka një informacion zyrtar nga MPB. /tvklan.mk

Në këtë ditë, më 7 tetor të vitit të kaluar, disa grupe militante të udhëhequra nga Hamasi sulmuan zonat kufitare të Izraelit në Rripin e Gazës.

Sulmi shkaktoi një përgjigje të ashpër nga Izraeli dhe konflikti u përhap në pjesë të Libanit, Jemenit, Iranit dhe Irakut. Sipas të dhënave palestineze, deri më tani janë vrarë më shumë se 40 mijë civilë.

Për politikologun, Argjend Zejnaj, i ftuar në një intervistë televizive, është gjithnjë e më e sigurt se ky konflikt mund të shndërrohet në një konflikt rajonal me pasoja katastrofike.

“Ju pata thënë që kur ka ndodh sulmi ndaj Izraelit, që Izraeli nuk do ta linte me kaq, sepse konsiderohet se e thotë gjithmonë fjalën e fundit në raporti me Iranin, dhe kështu po shkojnë gjerat,.

Sot pas një viti, ajo që duhet theksuar se ata që të vetmit që po e pësojnë janë populli palestinez, për shkak se kemi parasysh raportet e OKB dhe të organizatave të tjera se janë rreth 50 civilë të vrarë, ka edhe pjesëmarrës të Hamas-it, pro ajo që duhet thënë se kjo luftë nëse nuk përfundon shpejt do te kemi një katastrofë të madhe në pjesën e Lindjes se Mesme.”

Për politologun Zejnan, me fitoren e mundshme të Trump për zgjedhjet presidenciale amerikane, mund te ndalet lufta e këtyre përmasave të mëdha.

“Nëse nuk vjen Trump në Shtëpinë e Bardhë, ne do te kemi edhe një eskalim akoma më të madh të një konflikti Izraelit dhe Iranit, konkretisht, duke i përjashtuar këto grupe si Hezbollahl, Hamas, dhe grupet e tjera të armatosura palestineze.

Do të kemi një përballje gati direkte ndërmjet Izralet dhe Iranit, duke i përdorur territoret palestineze , të Libanit dhe të Jemenit, dhe gjithsesi kjo nuk do të mbetet në këto kontura.

Nëse vjen Trump në Shtëpinë e Bardhë, ai e ka premtuar publikisht që do të angazhohet ti ndal këto konflikte, duke pas edhe ato që po ndodh në Lindjen e Mesme dhe atë në Ukrainë,

Trump nuk e mbështet Izraelin në këto përmasa në këtë konflikt i cili mund të na dërgoje në një lufte edhe bërthamore mes Izraletit dhe Iranit, nëse vazhdon të ashpërsohet situata çfarë është sot.”

Prokuroria e Tiranës kërkon 2 vite burg për ish Sekretarin e Ministrisë së Financave Arlind Gjokutaj, i arrestuar në muajin janar të vitit 2023.

Gazetari i News24, Igli Çelmeta, raporton se pas hetimeve për abuzimin me kompensimin financiar të një objekti të kompensuar më parë, organi i akuzës ka kërkuar dy vite burgim për ish sekretarin e ministrisë së financave

Ky i fundit u hetua fillimisht me masën e sigurisë “arrest në burg” më pas Apeli e liroi, ndërsa prokurori Ndini Tavani kërkon që për veprën penale shpërdorim detyre sipas nenit 248 të kodit penal Gjokutaj të dënohet.

Vendimi do të shpallet në datë 17 tetor.

Dëmi 1.2 milionë euro shtetit

Aelind Gjokutaj, Fatmir Hoxhaj dhe Alban Ruli, dyshohet se i kanë shkaktuar shtetit një dëm prej 1.2 milionë eurosh.

Fatmir Hoxhaj mbante postin e drejtorit juridik në Ministrinë e Financave, ndërsa Alban Ruli ishte përmbarues. Ata dyshohet se janë përfshirë në një skemë abuzimi që dyshohet se i ka shkaktuar shtetit një dëm prej 1.2 mln eurosh.

Ata akuzohen se kanë firmosur dokumentet që kjo shumë t’i kalonte Ilir Thanës, në cilësinë e një ish pronari ndërkohë që ai nuk e kishte një status të tillë.

Ilir Thana kishte marrë fillimisht një shumë prej 400 mijë eurosh ndërkohë që pjesa tjetër pritej t’i transferohej në muajt në vazhdim.

Një aksident ka ndodhur në hyrje të Rreshenit, pranë një pike karburanti.

Mësohet se dy automjete janë përplasur me njëra-tjetrën, ndërsa një nga makinat më pas ka devijuar nga korsia e rrugës dhe është përplasur me mjetin tjetër.

Një nga drejtuesit nga mbetur i plagosur lehtë.

Policia ndodhet në vendngjarje dhe po punon për zbardhjen e shkaqeve të aksidentit.

Ditën e Mërkurë vendi ynë pritet të jetë në ndikim të masave ajrore të paqëndrueshme. Moti parashikohet të jetë me alternime vranësirash dhe intervale kthjellimesh.

Reshjet e shiut pritet të jenë prezente që në orët e para të 24-orëshit në veriperëndim e gradualisht do të shtrihen edhe në pjesën tjetër të vendit.

Reshjet pritet të jenë me intensitet të ulët deri mesatar, lokalisht në veriperëndim reshje shiu me intensitet deri të lartë.

Hera-herës shtrëngata shoqëruar me shkarkesa elektrike. Në orët e pasdites gardualisht reshjet e shiut humbasin intensitet dhe territor duke u lokalizuar në veriperëndim dhe zonat malore të vendit por me intensitet të ulët.

Era parashikohet të jetë nga kuadrati i jugut me shpejtësi deri në 8m/sek, e cila hera-herës pritet të fitoi shpejtësi deri në 15m/sek. Valëzimi në dete pritet të jetë i forcës 2-4 ballë.

Temperaturat parashikohen:

në zonat malore 10 deri 21°C

në zonat e ulëta 12 deri 29°C

në zonat bregdetare 15 deri 27°C

Një emigrant shqiptar i cili shkoi në Britaninë e Madhe me një gomone është burgosur pasi u gjet duke u kujdesur për një fermë kanabisi me vlerë 63,000 paund.

41-vjeçari Arbi Koldashi, u kap duke kultivuar fermën në South Kirkby, Wakefield, West Yorkshire, siç tha ai, për të mbledhur paratë për të shlyer një borxh prej 10,000 paund ndaj kontrabandistëve që ndihmuan ta çonin atë në Britani.

Policia bastisi shtëpinë dhe gjeti Koldashin duke u kujdesur për më shumë se 140 bimë, u tha Gjykata e Kurorës së Leeds.

Koldashi hapi derën dhe ishte vetëm brenda shtëpisë. Oficerët gjetën katër dhoma që përmbanin një grup dritash dhe transformatorësh.

Brenda kishte 60 bimë të rritura dhe 85 fidanë dhe energjia elektrike ishte anashkaluar për të parandaluar zbulimin e sasisë së energjisë që përdorej për rritjen e bimëve.

Ai tha se po punonte për të shlyer borxhin që u kishte trafikantëve që e sollën përtej detit me një gomone dy vjet më parë.

Koldashi, i cili nuk ka asnjë dënim të mëparshëm, u dënua me 20 muaj burg pasi pranoi akuzën e prodhimit të kanabisit dhe do të depërtohet pas shlyerjes së dënimit.

Gazetari Artan Hoxha tronditi me deklaratën e tij në një emision televiziv ka folur në lidhje me përgjimet e aplikacioneve SkyEcc dhe EncroChat.

Ai u ndal te Ervis Maryinaj, fati i të cili ende nuk dihet, ku tha se mund të përdorte 10 SkyEcc, ndërsa për kreun e grupit parlamentar të PD-së, Gazment Bardhi tha se ky i fundit përdori aplikacionin SkyEcc në nëntor të vitit 2023.

“Aplikacionet si Sky Ecc dhe EncroChat i kanë dhënë një ndihmesë të jashtëzakonshme SPAK., mbi 80 përqind të punës e ka të lehtësuar. Jo të gjitha të dhënat janë vënë në dispozicion të SPAK, por janë të mjaftueshme për të dëshmuar se çfarë ka ndodhur. Kanë qenë dy platforma komunikimi që supozoheshin të ishin super të sigurta. Në vetvete platforma nuk është kriminale, por çfarë diskutohet aty po.

Mediat angleze nga viti 2016 filloi të sulmojë kriminalitetin shqiptar. Drejtuesit e lartë u zhvendosën nga Britania drejt Belgjikës.

Nga aq sa kam njohur Vis Martinaj jo vetëm që përdoret Sky, ai mund të përdorte dhe 10. Sky, abonimi bëhej në Tiranë dhe ishte 150 euro në muaj. Mund të ketë pasur dhe më shumë Sky. Me Sky kanë komunikuar politikanë, njerëz të drejtësisë, biznesmenë, njerëz të thjeshtë, verat për çfarë përdorej. Ai që e ka përdorur ka dashur një formë të sigurt komunikimi. Jo çdo kush e ka përdorur për arsye kriminale. Këto të dhëna të siguruara nga autoritete franceze, kanë një yll poshtë dhe thuhet që do përdoret për trafikun e drogës. Të dhënat i kanë shkuar SPAK. Sky ishte një telefon që s’kishte nevojë për numër, instalohej programi dhe bëje abonimin çdo 3, 6 muaj apo edhe 1 vit. EncroChat ishte më i madh në telefon, ngjason si iPhone 15.

Bardhi e vendosi në vitin 2023. Ajo bisedë nuk është se nuk ekziston, por është bërë në nëntor ose dhjetor të 2020. Ka ndaluar si platformë. Ajo bisedë mund të jetë në dosje, por zhvendosja e tre vite që bëri… dhe duke e zhvendosur me dashur apo pa dashur ai duke tentuar ta përdorë në aktivitet politik krijon këtë situatë. Nuk ka pasur Sky në atë periudhë.”, u shpreh Hoxha.

Një rast urgjent për ndihmë mbërriti në redaksinë e emisionit “Me zemër të hapur”, ku i riu nga Vlora Dhimo Dhimaj, humbi kontaktet me familjen mëngjesin e datës 2 tetor dhe që prej 5 ditësh nuk dihet asgjë për fatin e tij.

Kushëriri i tij i parë ka ngritur alarmin për zhdukjen e 31-vjeçarit, teksa shprehet se Dhimo punonte kamerier te një lokal i njohur në Vlorë.

Pas trasmetimit të emisionit disa informacione mbërriten në redaksi.

Motra: “Ne çdo informacion na ndihmon. Na kanë dërguar një video, por nuk besoj se është një video e kohëve të fundit. Ne duam informacione të sakta. Dhimo është në video, por nuk besoj se është e kohëve të fundit. Unë e mësova zhdukjen e vëllait, kur më telefonoi pronari i tij. U shqetësuam dhe menduam ndoshta nuk ka bateri në celular, por kaluan ditë dhe asnjë informacion nuk kishte nga ana e tij. Herën e fundit kam folur me të dhe më ka kthyer përgjigje shkurt, duke thënë ‘jam mirë’.

Nuk më bënte të dyshoja, sepse mendoja kthen përgjigje shkurt se edhe lodhej nga puna, pasi punonte si kamerier.

Në gusht e kam takuar dhe ishte shumë mirë. Nuk kam kuptuar asgjë nga takimet me të. Shkova në shtëpi në Vlorë dhe çdo send i tij ishte aty, këpucët dhe çanta. Që pas datës 2 tetor komshinjtë thonë se nuk e kanë parë. Është hera e parë që largohet kështu. Jam shumë e shqetësuar, jam në stres. Nëse ka ikur vetë, të kthehet dhe se çdo problem do ta zgjidhim. Kam gjetur mandate që flasin për borxhe. Ne ia kemi marrë rrjetet sociale dhe nuk kemi gjetur asnjë kontakt të dyshimtë. Ne kemi jetuar veçmas, por kemi shkuar gjithmonë mirë”.

Djali i tezes, Ergysi: “Shumë njerëz edhe janë tallur me rastin. Unë do doja që qytetarët e Vlorës të na ndihmonin më shumë”.

Leku po ruan pozita të forta në kursin e këmbimit valutor edhe në pjesën e parë të muajit tetor.

Sipas kursit zyrtar të këmbimit të Bankës së Shqipërisë, euro u këmbye të martën me 98.78 lekë, shumë afër nivelit minimal historik prej 98.77 lekësh që ishte regjistruar në datën 30 shtator.

Forcimi ndaj euros po e mban lekun në pozita të favorshme edhe në raport me shumicën e valutave të tjera. Pasi kaloi kufirin e 90 lekëve ditën e hënë, dollari amerikan ra përsëri të martën, në nivelin e 89.88 lekëve. Monedha amerikane ndodhet pranë niveleve më të ulëta në 15 vitet e fundit.

Sipas agjentëve të këmbimit, tregu vazhdon të karakterizohet nga një ofertë e qëndrueshme e monedhës europiane. Përfundimi i sezonit veror nuk ka sjellë një korrigjim në rritje të kursit të këmbimit. Pjesërisht, mungesa e një korrektimi në rritje mund të shpjegohet edhe me ndërhyrjet e Bankës së Shqipërisë, që prej muajit maj e deri në fillim të gushtit e mbajti artificialisht kursin e këmbimit sipër nivelit të 100 lekëve.

Vetëm në gjysmën e parë të këtij viti, Banka e Shqipërisë ka blerë gati 272 milionë euro në tregun valutor, nga të cilat 134.2 milionë euro në ankandet e planifikuara për nevojat e rezervës valutore, ndërsa edhe më shumë, 137.6 milionë euro, janë blerë me operacione të drejtpërdrejta, me qëllim për të shmangur forcimin e mëtejshëm të lekut në kursin e këmbimit valutor.

Në mungesë të këtyre ndërhyrjeve me shumë mundësi kursi i euros do të kishte prekur nivele më të ulëta gjatë periudhës në fjalë. Pas tërheqjes së Bankës së Shqipërisë, në fillim të muajit gusht, kursi ka qëndruar në vijimësi poshtë kufirit të 100 lekëve. Nga ana tjetër, kjo tregon se rënia e kursit të euros është një dukuri më pak e lidhur me flukset valutore të pushimeve verore. Vizitat e turistëve të huaj dhe flukset valutore të lidhura me turizmin tashmë janë më të shpërndara gjatë vitit.

Por, oferta e valutës tashmë nuk është e lidhur vetëm me turizmin, por edhe me investimet e huaja, veçanërisht në pasuri të paluajtshme. Për gjysmën e parë të vitit 2024, investimet e huaja direkte në pasuri të paluajtshme arritën vlerën e 181 milionë eurove, në rritje me 43% krahasuar me 6-mujorin 2023.

Vlera e përgjithshme e investimeve të huaja direkte për periudhën arriti në 749 milionë euro, niveli më i lartë historik i regjistruar ndonjëherë për këtë periudhë të vitit. Vlera e investimeve të huaja direkte paraqitet në rritje me 8% krahasuar me të njëjtën periudhë të një viti më parë.

Edhe oferta e shtrënguar e lekut po vazhdon të ndikojë paralelisht në forcimin e monedhës vendase, sidomos për shkak të shtrëngimit të ndjeshëm të politikës fiskale në dy vitet e fundit. Për 8-mujorin 2024, suficiti buxhetor arriti një rekord të ri historik për periudhën, në vlerën e 58 miliardë lekëve. Suficiti është rritur me 22% krahasuar me të njëjtën periudhë të një viti më parë.

Leku i fortë vazhdon të favorizojë uljen e kostos së importit të mallrave dhe shërbimeve në ekonominë shqiptare. Kjo përkthehet në presione më të ulëta inflacioniste nga jashtë dhe fitime më të mëdha për importuesit e mallrave, ndërkohë që bën edhe më lira udhëtimet turistike të shqiptarëve jashtë vendit.

Leku i fortë ka sjellë efekte të kundërta në kahun e eksporteve dhe në përgjithësi në ecurinë e sektorëve prodhues të ekonomisë shqiptare. Prodhimi i brendshëm në degët e industrisë është në rënie prej pesë pesëmujorësh radhazi, ndërsa për 8-mujorin 2024 eksportet ishin në rënie vjetore me 15%./Monitor

Një grua shtatzënë e ka kryer dje procesin e lindjes në automjet. Ajo ishte nisur drejt maternitetit, por për shkak të trafikut të krijuar nga protesta e PD, ka lindur në makinë, ndërsa mjeti devijoi rrugën për në spitalin e Traumës.

Eliona Demaliaj drejtoresha e maternitetit ‘Mbretëresha Geraldinë’ tregon gjendjen shëndetësore të nënës dhe vajzës së porsalindur. Ajo thotë se vajza dhe nëna janë në gjendje të mirë shëndetësore, ndërsa flet edhe rrezikun e lindjeve në kushte jospitalore.

“Për fat të mirë, gjendja shëndetësore e nënës dhe të porsalindurit është e mirë, është stabël. Po merr mjekimet e nevojshme, por janë në gjendje të mirë.

Lindja duhet të kryhet në kushtet spitalore, rreziku është i madh i lindjes në kushte jospitalore, duke pasur parasysh rrezikun te fëmija të mos marrjes frymë apo hemorragjia tek nënat”, tha Demaliaj. Po ashtu drejtoresha e maternitetit Mbretëresha Gerladinë thotë se kishin dërguar ekipin me mjekë tek Trauma dhe nënës iu dha ndihma në kohë rekord.

Asistenca e mjekëve, si mjekëve te Trauma ashtu edhe e mjekëve të maternitetit Geraldinë, ishte në kohë rekord. Nënës dhe fëmijës ju dha ndihma në kohë rekord nga të dyja ekipet. Në dërguam ekipet te spitali i Traumës, sistemi i shëndetësor i dha ndihmën e duhur në momentin e duhur dhe për fat të mirë gjendja e nënës dhe fëmijës është stabël.