editor

Rreth 50 persona raportohet se janë lënduar në një aksident mes dy autobusëve në qytetin gjerman të Regensburg.

Një zëdhënës i policisë tha se 13 persona janë lënduar rëndë.

Aksidenti ndodhi në urën Nibelungen mbi lumin Danub dhe autoritetet janë ende duke hetuar shkakun e rrëzimit, tha zëdhënësi.

Përafërsisht 30 personel policie, 110 zjarrfikës, 170 punonjës të shpëtimit dhe një helikopter shpëtimi u dërguan, shtoi ai.

Sipas informacioneve, dy autobusët po udhëtonin njëri pas tjetrit rreth orës 17:15 kur ndodhi përplasja.

Shoferi i njërit prej autobusëve është në mesin e të lënduarve në gjendje të rëndë.

Gazetari Eni Ferhati ishte këtë të martë i ftuar në një emision televiziv për të folur rreth protestës së ditës së djeshme të mbajtur nga opozita.

Ferhati i cili e ndoqi protestën nga terreni tha se policia kishte marrë informacione se do tentohej të digjej bashkia, ndaj edhe masat më të shumta të mara nga policia ishin pikërisht në atë zonë, ndërkohë që në Selinë e Partisë Socialiste, masat e marra ishin minimale.

Sipas Ferhatit policia ka patur fat ditën e djeshme pasi ka arritur të kap në kohë, tre çanta me Molotov të pashpërthyer.

“Policia ka patur edhe një fat shumë të madh. Kur protestuesit u zhvendosën drejt bashkisë së Tiranës, gjatë konfrotimit fizik mes policisë dhe protestuesve, janë gjetur, pas ii ranë në tokë, dy çanta me 17 molotov të palasura. Ato u sekuestruan menjëherë nga policia. Frika më e madhe dhe forcat më të mëdha të policisë ishin te bashkia e Tiranës, se kishte informacione edhe nga shërbimi informative, që turma do synonte të digjte bashkinë e Tiranës. Nuk kishte asnjë informacion për djegien e Selisë së Partisë Socialiste. Te selia kishte masa minimale të policisë, sepse nuk mendohej se do kishte protestë atje. Përveç dy çantave me 17 bomba molotov është gjetur edhe një çantë tjetër me 8 molotov të paplasur, diku mes zonës së Ministrisë së Brendshme dhe Parlamentit”

Ferhati u ndal gjithashtu te gabimet që ka bërë policia në këtë protestë.

“Vura re dy gabime të policisë. Gabimi i parë ishte kur policia nuk mori masa për të shmangur një ballafaqim të protestuesve me qytetarët, këtu i referohem momentit ku turma pasi u vendos te kryeministria marshoi në drejtim të unazës dhe u fut te rruga që të çon drejt partisë socialiste apo kryqëzimit të Myslym Shyrit dhe Gjykatës së Lartë. Ai ishte një moment ku kishte frikë edhe nga policia edhe nga protestuesit, pasi mund të kishte konflikt mes qytetarëve që mbetën në trafik dhe protestuesve. Ky është një gabim i policisë, që unë dyshoj se ka qenë i qëllimshëm, sepse informacioni ishte që protesta do ishte e lëvizshme. Momenti i dytë është përdorimi i pakriter, i paarsyeshëm i palogjikshëm i gazit lotsjellës. Aty nuk pati asnjë veprim të dhunshëm, sapo iu afruan protestuesit u lëshua disa herë gaz lotsjellës. Aty kishte qarkullim automjetesh. Një Fëmijë pati problem serioze nga ky gaz”,-tha gazetari.

Rreth një vit e gjysmë ka zgjatur për Loina Priftin emërimi në krye të kompanisë shtetërore të prodhimit të pasaportave biometrike dhe kartave të identitetit.

Lapsi.al mëson se “super drejtoresha” me pagë 15 mijë euro në muaj është shkarkuar nga detyra prej ministrit të Brendshëm, Ervin Hoxha. Bashkë me të janë larguar edhe vartës të saj, të cilët dyshohen për abuzim në menaxhimin e kompanisë shtetërore.

Pak javë më parë Ministria e Brendshme kishte dërguar një grup auditimi në “IdentiTek” dhe siç mëson Lapsi.al nga burime të sigurta, janë konstatuar një sërë shkeljesh në menaxhimin e fondeve dhe praktikave ligjore të ruajtjes së të dhënave sensitive. Për këtë të fundit madje janë njoftuar edhe institucione të tjera në vend.

Loina Prifti ishte deri para një viti një e re anonime në Gjermani, ku siç u tha punonte në fushën e Inteligjencës Artificiale. Ajo u soll prej andej nga ish-ministri i Brendshëm, Bledi Çuçi dhe u katapultua pa zhurmë në krye të kompanisë shtetërore që pasoi koncensionin e “Aleat” për prodhimin e pasaportave dhe kartave të identitetit.

Madje për të nuk pati as edhe një ceremoni prezantimi asokohe kur nisi transferimi i kompanisë nga koncensionari te shteti shqiptar. Dhe siç ndodh rëndomë me katapultime të tilla prej Rilindjes, makutëria i shtyn shpesh drejtuesit në abuzim me detyrën.

Pak muaj pas emërimit, Loina Prifti nisi një spastrim të gjerë në kompaninë që drejtonte, duke larguar shumë profesionistë që punonin aty prej 15 vitesh. E po kështu krijoi një klimë të lartë mosbesimi e presioni ndaj punonjësve e furnitorëve. Burimi i Lapsi.al tregon se në disa raste, Loina Prifti ka lejuar futjen e personave të paautorizuar në ambiente rreptësisht të ndaluara të kompanisë duke shkelur ligjin.

E po kështu njerëzit e rinj që ajo solli në kompani ishin përmes konkurseve fiktive dhe emërimeve nepotike kryesisht të lidhur me klane të ndryshme në Durrës, qytet prej nga vinte Prifti. Drejtoresha e IT, Sara Zalla është ndërkohë nusja e kushëririt të parë të Loina Priftit.

Eda Harizaj, drejtoresha e Burimeve Njerëzore është gjithashtu një lidhje e afërt e saj. Vetë Harizaj ka punësuar në një pozicion të rëndësishëm në “IdentiTek” një kushëri të parë. Si këto ka plot emërime të tjera nepotike në postet kyçe të kompanisë sikundër është edhe Drejtori i Operacioneve.

Veç kësaj Loina Prifti shpërbleu veten me një rrogë prej 15 mijë euro në muaj, si dhe është denoncuar shpesh për tendera të dyshimtë, mes tyre edhe ai me vlerë 1 milion euro për shërbimin e internetit.

Megjithatë raporti i plotë i grupit të auditimit të Ministrisë së Brendshme pritet të hedhë më shumë dritë mbi abuzimet e Loina Priftit dhe vartësve të saj në kompaninë “IdentiTek”. Me rëndësi themelore është të mësohet nëse ka cënim të të dhënave sensitive e biometrike që ruan kjo kompani apo jo? Kujtojmë që muaj më parë plasi edhe skandali i ndërhyrjes në të dhënat e sistemit TIMS, skandal që po hetohet nga Prokuroria e Tiranës.

Nuk dihet gjithashtu nëse për këtë rast ka apo jo një hetim nga institucionet e drejtësisë në vend. Çudi s’do të ishte që abuzimet të fashiten apo mbyllen vetëm me shkarkimin e saj, ashtu siç kemi parë shpesh me zyrtarë të tjerë të qeverisë “Rama”. /Lapsi.al

Raporti vjetor i antidrogës italiane për vitin 2024, që i referohet të dhënave të vitit 2023, konstaton një rol në rritje të organizatave kriminale shqiptare që veprojnë në Itali.

Sipas raportit, që u publikua të martën nga Drejtoria e Antidrogës italiane, “trafikantët shqiptarë të drogës po ngjiten me shpejtësi në radhët e organizatave më agresive dhe më të fuqishme të trafikut të drogës në Itali”.

Sipas raportit, “kjo dëshmohet nga numri i lartë i rasteve të raportuara në Itali nga polica për autoritetet gjyqësore në vitin 2023 në fushën e drogës: 171 organizata shqiptare që synojnë trafikun e drogës dhe 1,432 shqiptarë për krimin e shpërndarjes së drogës, të cilët përbëjnë 16.44% të gjithë të huajve të raportuar për këto vepra”.

Sipas raportit shtetasit shqiptarë renditen në vitin 2023 pas marokenëve në raportimet e policisë italiane pranë organeve të drejtësisë për veprat penale të drogës, me 1604 raste, nga 1574 që ishin raportuar në vitin 2022.

Pjesa më e madhe e shqiptarëve të raportuar, sipas policisë italiane, kanë aktivite në fushën e kokainës, ku janë raportuar 1263 persona nga 1211 në vitin 2022.

Raporti thotë se organizatat shqiptare kanë aftësi për të lëvizur sasi të mëdha të kokainës dhe heroinës.

“Për kokainën”, thotë raporti, “ata kujdesen për çdo fazë të zinxhirit të furnizimit dhe shpërndarjes: blerjen në vendet e prodhimit, grumbullimin e lëndës narkotike në portet holandeze dhe belge, transportin në destinacion me mjete të modifikuara posaçërisht, deri në fazën e mëpasshme të shpërndarjes së drogës në territorin Italian”.

“Për organizatat kriminale nga e gjithë bota të përfshira në trafikun e drogës, Kolumbia është një vend i rëndësisë strategjike”, thotë raporti.

“Aktualisht kartelet meksikane, ato braziliane dhe mafia shqiptare duket se janë partnerët kryesorë të rrjeteve kolumbiane. Krimi i organizuar italian historikisht më i lidhur me trafikun nga Kolumbia është ‘Ndrangheta’. Organizata tjetër ‘Camorra’, edhe pse nuk është e pranishme në formë të përhershme, duket se përfiton nga furnitorët kolumbianë”, thotë raporti i antidrogës italiane.

Raporti i Drejtorisë italiane të Antidrogës thotë se afërsia gjeografike midis Italisë dhe Shqipërisë ka lehtësuar lidhjet e drejtpërdrejta midis grupeve kriminale puliane dhe shqiptare, veçanërisht në furnizimin, ruajtjen dhe tregtimin e marijuanës.

Sipas raportit, organizatat shqiptare veprojnë në territorin italian në grupe të vogla, në disa raste multietnike, të cilat merren kryesisht me tregtimin e drogës, ose ato veprojnë në mënyra që pasqyrojnë strukturat e tipit mafioz, duke shfrytëzuar metodat frikësuese.

Raporti i antidrogës italiane thotë se organizatat shqiptare duke pasur dhe zhvilluar marrëdhënie të drejtpërdrejta për furnizim nga rajonet prodhuese, janë gjithnjë e më shumë në lidhje me mafien kalabreze, të Kampanisë dhe Sicilisë apo me grupe të tjera kriminale.

Sipas raportit, grupet shqiptare shfrytëzojnë të ashtuquajtirën “Rrugën Ballkanike”, të transportit të heroinës afgane nga Turqia në Itali dhe shtetete të tjera evropiane./ VOA

Detaje të reja janë zbardhur nga ngjarja makabre e ndodhur në Tetovë, ku nënë e bijë u gjetën të vdekura në banesën e tyre, teksa babi me djalin në gjendje të rëndë.

Mësohet se autori i vrasjes së gruas dhe vajzës së mitur, vetëm 4 vjeç, është kryefamiljari, i cili po ashtu plagosi djalin e tyre 9 vjeç. Pasi ka qëlluar me armë zjarri familjarët e tij, ai ka gjuajtur dhe veten me qëllim që të kryente vetëvrasje. Megjithatë, ai dhe djali janë ende gjallë, edhe pse në gjendje të rëndë.

Personi i parë që ka shkuar në vendngjarje dhe ka gjetur trupat e gjakosur, ka qenë nëna e gruas, e cila ishte shqetësuar pasi e bija nuk i kishte hapur telefonin. e tmerruar,ajo ka lajmëruar policinë, e cila ka mundur të zbulojë se çfarë kishte ndodhur.

Nuk dihen ende detaje mbi shkaqet që e çuan kryefamiljarin deri në këtë veprim të rëndë, por pritet që gjendja e tij të përmirësohet dhe të merret në pyetje nga policia.

Njoftimi i policisë së RMV:

Sot (8 -tetor) rreth orës 14:00 në SPB Tetovë T.J. nga Tearca në cilësinë e mjekut ka raportuar se është thirrur për intervenim në fshatin Sllatinë nga M.Z. nga Sllatina e Tetovës, e cila në shtëpinë e tyre familjare ka gjetur pa shenja jete vajzën e saj K.Sh (36) dhe mbesën e saj të mitur, ku është konstatuar vdekja.

Menjëherë pas raportimit është vepruar dhe është siguruar vendi ku ekipi nga SPB Tetovë në bashkëpunim me prokurorin publik kanë kryer inspektimin dhe me urdhër të prokurorit trupat e pa jetë të ndjerëve janë dorëzuar për obduksion, ndërsa bashkëshorti i saj R.Sh. (50) së bashku me djalin e tij të mitur, do të transferohen për ndihmë mjekësore në Spitalin klinik të Tetovës, e më pas personi R.Sh. do të ndalohet në Komisariat për veprime të mëtejshme.

Suzana Bajrami, një banore e Peqinit tregon në emisionin “Stop” në Tv Klan se në datën 24 qershor 2024 është dhunuar nga komshiu i saj në momentin që po shkonte të hidhte mbeturinat tek koshi. Ajo thotë se Elis Dushku e ka gjuajtur në fytyrë e stomak pa arsye.

Edhe herë të tjera ai ka dashur ta përzërë nga lagjja se nuk janë e njëjta racë. Zonja thotë se ka përfunduar në urgjencën e Peqinit e më pas në spitalin e Elbasanit dhe ka frikë të dalë nga shtëpia. Vetë autori i ngjarjes mohon akuzat ndërsa fqinjët shprehen se është kundërshtare e tij.

Elis Dushku: Problemi ka qenë…Nuk ka qenë e dhunshme shumë. Më ka ofenduar, më ka vrarë me gurë. Kaq!

Gazetarja: Të ka gjuajtur zonja?

Elis Dushku: Po, më ka sjellë kështu, me gurë.

Gazetarja: Po pse?

Elis Dushku: Arsyeja, ka pasur urrejtje.

Gazetarja: Keni pasur konflikte më parë ju?

Elis Dushku: Jo! Vetëm kaq ka qenë arsyeja.

Gazetarja: Dhe ju e keni gjuajtur?

Elis Dushku: Për të gjuajtur, jo.

Gazetarja: Nuk e keni gjuajtur ju zonjën?

Elis Dushku: Me goditje, jo. S’i kam dhënë goditje.

Gazetarja: Zonja pretendon se ka qenë duke shkuar për të hedhur mbeturinat dhe ju e keni gjuajtur në fytyrë dhe në trup, në datën 24 qershor.

Elis Dushku: Jo, nuk është e vërtetë.

Gazetarja: Po ju jeni shoqëruar në komisariat, apo jo?

Elis Dushku: Jam shoqëruar, se ka bërë ankimimin kjo, kundërshtarja, që…

Gazetarja: Kundërshtarja?

Elis Dushku: Po!

Gazetarja: Po pse e quani kundërshtare?

Elis Dushku: Për arsyen, se më ka kundërshtuar.

Gazetarja: Po pse të ka ofenduar? Pse të ka kundërshtuar?

Elis Dushku: Sa herë, që kaloja rrugës, që dilja nga shtëpia, më ofendonte sa herë më shikonte.

Gazetarja: Çfarë të thotë?

Elis Dushku: Më ofendonte, duke më mbajtur me gurë edhe më shikonte me urrejtje.

Gazetarja: Çfarë ofendimesh?

Elis Dushku: Ofendime. Fjalë të pista, të këqija.

Gazetarja: Ju, nuk e keni ofenduar asnjëherë?

Elis Dushku: Kjo ka qenë arsyeja, që më ka rënë në qafë më përpara.

Gazetarja: Ju ku keni qenë në datën 24 qershor?

Elis Dushku: Këtu kam qenë, duke kryer punët e mia në shtëpi.

Në urgjencën e Peqinit tregojnë se Suzana ka shkuar me syrin e nxirë, dëmtime në kokë e villte gjak, ndaj e kanë nisur për në Elbasan.

Infermierja: Ajo ka pasur shenja në kokë, nxirje syri, dëmtim të kafkës, ankohej për dhimbje.

Gazetarja: Gjak kishte?

Infermierja: Gjak po, kishte dhe gjak. I kemi vënë serumin, i kemi bërë një qetësues dhe e kemi nisur për në Elbasan. Me këto shenja e kemi nisur në Elbasan. Dëmtim të kafkës, syrit, syri ishte i nxirë, i mbyllur komplet me gjak, nofulla ishte e ënjtur, ankohej për dhimbje dhe villte dhe gjak.

Nëpërmjet kamerës së fshehtë “Stop” mësoi se Elis Dushku është me prapambetje mendore, diagnoza skizofreni.

Qytetari: Si kalove? Interesohem për një pacient! Për Elis Dushkun!

Doktori: E di, që është me epilepsi dhe skizofreni, në mos gaboj. Ja të verifikoj diçka!

Qytetari: Ok!

Doktori: Ta jap kështu verbale, meqë… Është me problem psikike-epileptike. Si e ka Elis..?

Qytetari: Dushku!

Doktori: Ky është ai, që rrahu atë…

Qytetari: Suzanën!

Doktori: Informacion elektronik nuk ka. Te diagnozat kronike del me … është i paaftë mendor. Merr mjekim për çrregullime skizofrenike.

Qytetari: Nuk duhet të ishte brenda kështu në një spital psikiatrik ky?

Doktori: Ky me këtë lloj diagnoze, në momentin, që kapin kriza.., he ky, mesa kam informacion unë, se s’është pacienti im, ka mbi 2-3 javë, që ka qenë me kriza. Në momentin, që bëhen agresivë, këto duhet të shoqërohen dhe çohen në spital.

Zonja e dhunuar u drejtua në komisariat dhe nga punonjësi pohohet se agresori është shoqëruar për herë të dytë në komisariat.

Punonjësi: Unë e kam shoqëruar personin në komisariat. E kam mbajtur 12 orë dhe e vendos prokurori, se ça do të bëhet. Po e çoi gjykata mjekim të detyrueshëm, ai do shkojë në spital. Ia kam bërë të qartë Elisit unë. Elisi nuk ka punë me ty. Se ti je në pleqëri, je në hallin tënd, në punën tënde, nuk ngacmon njeri. Elis Dushkun, unë e kam sjellë forcërisht në komisariat, jo një herë, por dy herë. Një herë, që pati konfliktin te bashkia, dhe një herë në rastin tënd.

Në raportin e Drejtorisë së Përgjithshme nuk rezulton rasti i dhunës së zonjës e ndërkohë kjo mohohet nga shefi i komisariatit, i cili këmbëngul se rasti është referuar.

Shefi i komisariatit: I kemi referuar materialet në prokurori. Do kthehet shefi i krimeve, se jemi në kontroll territori.

Emisioni “Stop” ka zbuluar se Elis Dushku ka qenë punonjës policie në burgun e Peqinit deri në vitin 2018 kur është shkarkuar për shkelje të etikës. Burime informacioni bëjnë me dije se arsyeja ka qenë dhuna e Elis Dushkut ndaj njërit prej kolegëve në burgun e Peqinit./tvklan.al

Në orët në vijim, Shërbimi Meteorologjik Ushtarak dhe Instituti i Gjeoshkencave, IGEO, parashikojnë reshje me intensitet mesatar në qarqet Shkodër dhe Lezhë.

Ministria e Mbrojtjes, në bashkëpunim me Agjencinë Kombëtare të Mbrojtjes Civile, ka njoftuar se po koordinon me autoritetet vendore për të marrë masat e nevojshme në rast emergjence.

Autoritetet po ashtu u bëjnë thirrje qytetarëve të tregojnë kujdes të shtuar dhe të bashkëpunojnë për çdo rast nevoje.