Një aksident ka ndodhur në hyrje të Rreshenit, pranë një pike karburanti.
Mësohet se dy automjete janë përplasur me njëra-tjetrën, ndërsa një nga makinat më pas ka devijuar nga korsia e rrugës dhe është përplasur me mjetin tjetër.
Një nga drejtuesit nga mbetur i plagosur lehtë.
Policia ndodhet në vendngjarje dhe po punon për zbardhjen e shkaqeve të aksidentit.
Ditën e Mërkurë vendi ynë pritet të jetë në ndikim të masave ajrore të paqëndrueshme. Moti parashikohet të jetë me alternime vranësirash dhe intervale kthjellimesh.
Reshjet e shiut pritet të jenë prezente që në orët e para të 24-orëshit në veriperëndim e gradualisht do të shtrihen edhe në pjesën tjetër të vendit.
Reshjet pritet të jenë me intensitet të ulët deri mesatar, lokalisht në veriperëndim reshje shiu me intensitet deri të lartë.
Hera-herës shtrëngata shoqëruar me shkarkesa elektrike. Në orët e pasdites gardualisht reshjet e shiut humbasin intensitet dhe territor duke u lokalizuar në veriperëndim dhe zonat malore të vendit por me intensitet të ulët.
Era parashikohet të jetë nga kuadrati i jugut me shpejtësi deri në 8m/sek, e cila hera-herës pritet të fitoi shpejtësi deri në 15m/sek. Valëzimi në dete pritet të jetë i forcës 2-4 ballë.
Temperaturat parashikohen:
në zonat malore 10 deri 21°C
në zonat e ulëta 12 deri 29°C
në zonat bregdetare 15 deri 27°C
Një emigrant shqiptar i cili shkoi në Britaninë e Madhe me një gomone është burgosur pasi u gjet duke u kujdesur për një fermë kanabisi me vlerë 63,000 paund.
41-vjeçari Arbi Koldashi, u kap duke kultivuar fermën në South Kirkby, Wakefield, West Yorkshire, siç tha ai, për të mbledhur paratë për të shlyer një borxh prej 10,000 paund ndaj kontrabandistëve që ndihmuan ta çonin atë në Britani.
Policia bastisi shtëpinë dhe gjeti Koldashin duke u kujdesur për më shumë se 140 bimë, u tha Gjykata e Kurorës së Leeds.
Koldashi hapi derën dhe ishte vetëm brenda shtëpisë. Oficerët gjetën katër dhoma që përmbanin një grup dritash dhe transformatorësh.
Brenda kishte 60 bimë të rritura dhe 85 fidanë dhe energjia elektrike ishte anashkaluar për të parandaluar zbulimin e sasisë së energjisë që përdorej për rritjen e bimëve.
Ai tha se po punonte për të shlyer borxhin që u kishte trafikantëve që e sollën përtej detit me një gomone dy vjet më parë.
Koldashi, i cili nuk ka asnjë dënim të mëparshëm, u dënua me 20 muaj burg pasi pranoi akuzën e prodhimit të kanabisit dhe do të depërtohet pas shlyerjes së dënimit.
Gazetari Artan Hoxha tronditi me deklaratën e tij në një emision televiziv ka folur në lidhje me përgjimet e aplikacioneve SkyEcc dhe EncroChat.
Ai u ndal te Ervis Maryinaj, fati i të cili ende nuk dihet, ku tha se mund të përdorte 10 SkyEcc, ndërsa për kreun e grupit parlamentar të PD-së, Gazment Bardhi tha se ky i fundit përdori aplikacionin SkyEcc në nëntor të vitit 2023.
“Aplikacionet si Sky Ecc dhe EncroChat i kanë dhënë një ndihmesë të jashtëzakonshme SPAK., mbi 80 përqind të punës e ka të lehtësuar. Jo të gjitha të dhënat janë vënë në dispozicion të SPAK, por janë të mjaftueshme për të dëshmuar se çfarë ka ndodhur. Kanë qenë dy platforma komunikimi që supozoheshin të ishin super të sigurta. Në vetvete platforma nuk është kriminale, por çfarë diskutohet aty po.
Mediat angleze nga viti 2016 filloi të sulmojë kriminalitetin shqiptar. Drejtuesit e lartë u zhvendosën nga Britania drejt Belgjikës.
Nga aq sa kam njohur Vis Martinaj jo vetëm që përdoret Sky, ai mund të përdorte dhe 10. Sky, abonimi bëhej në Tiranë dhe ishte 150 euro në muaj. Mund të ketë pasur dhe më shumë Sky. Me Sky kanë komunikuar politikanë, njerëz të drejtësisë, biznesmenë, njerëz të thjeshtë, verat për çfarë përdorej. Ai që e ka përdorur ka dashur një formë të sigurt komunikimi. Jo çdo kush e ka përdorur për arsye kriminale. Këto të dhëna të siguruara nga autoritete franceze, kanë një yll poshtë dhe thuhet që do përdoret për trafikun e drogës. Të dhënat i kanë shkuar SPAK. Sky ishte një telefon që s’kishte nevojë për numër, instalohej programi dhe bëje abonimin çdo 3, 6 muaj apo edhe 1 vit. EncroChat ishte më i madh në telefon, ngjason si iPhone 15.
Bardhi e vendosi në vitin 2023. Ajo bisedë nuk është se nuk ekziston, por është bërë në nëntor ose dhjetor të 2020. Ka ndaluar si platformë. Ajo bisedë mund të jetë në dosje, por zhvendosja e tre vite që bëri… dhe duke e zhvendosur me dashur apo pa dashur ai duke tentuar ta përdorë në aktivitet politik krijon këtë situatë. Nuk ka pasur Sky në atë periudhë.”, u shpreh Hoxha.
Një rast urgjent për ndihmë mbërriti në redaksinë e emisionit “Me zemër të hapur”, ku i riu nga Vlora Dhimo Dhimaj, humbi kontaktet me familjen mëngjesin e datës 2 tetor dhe që prej 5 ditësh nuk dihet asgjë për fatin e tij.
Kushëriri i tij i parë ka ngritur alarmin për zhdukjen e 31-vjeçarit, teksa shprehet se Dhimo punonte kamerier te një lokal i njohur në Vlorë.
Pas trasmetimit të emisionit disa informacione mbërriten në redaksi.
Motra: “Ne çdo informacion na ndihmon. Na kanë dërguar një video, por nuk besoj se është një video e kohëve të fundit. Ne duam informacione të sakta. Dhimo është në video, por nuk besoj se është e kohëve të fundit. Unë e mësova zhdukjen e vëllait, kur më telefonoi pronari i tij. U shqetësuam dhe menduam ndoshta nuk ka bateri në celular, por kaluan ditë dhe asnjë informacion nuk kishte nga ana e tij. Herën e fundit kam folur me të dhe më ka kthyer përgjigje shkurt, duke thënë ‘jam mirë’.
Nuk më bënte të dyshoja, sepse mendoja kthen përgjigje shkurt se edhe lodhej nga puna, pasi punonte si kamerier.
Në gusht e kam takuar dhe ishte shumë mirë. Nuk kam kuptuar asgjë nga takimet me të. Shkova në shtëpi në Vlorë dhe çdo send i tij ishte aty, këpucët dhe çanta. Që pas datës 2 tetor komshinjtë thonë se nuk e kanë parë. Është hera e parë që largohet kështu. Jam shumë e shqetësuar, jam në stres. Nëse ka ikur vetë, të kthehet dhe se çdo problem do ta zgjidhim. Kam gjetur mandate që flasin për borxhe. Ne ia kemi marrë rrjetet sociale dhe nuk kemi gjetur asnjë kontakt të dyshimtë. Ne kemi jetuar veçmas, por kemi shkuar gjithmonë mirë”.
Djali i tezes, Ergysi: “Shumë njerëz edhe janë tallur me rastin. Unë do doja që qytetarët e Vlorës të na ndihmonin më shumë”.
Leku po ruan pozita të forta në kursin e këmbimit valutor edhe në pjesën e parë të muajit tetor.
Sipas kursit zyrtar të këmbimit të Bankës së Shqipërisë, euro u këmbye të martën me 98.78 lekë, shumë afër nivelit minimal historik prej 98.77 lekësh që ishte regjistruar në datën 30 shtator.
Forcimi ndaj euros po e mban lekun në pozita të favorshme edhe në raport me shumicën e valutave të tjera. Pasi kaloi kufirin e 90 lekëve ditën e hënë, dollari amerikan ra përsëri të martën, në nivelin e 89.88 lekëve. Monedha amerikane ndodhet pranë niveleve më të ulëta në 15 vitet e fundit.
Sipas agjentëve të këmbimit, tregu vazhdon të karakterizohet nga një ofertë e qëndrueshme e monedhës europiane. Përfundimi i sezonit veror nuk ka sjellë një korrigjim në rritje të kursit të këmbimit. Pjesërisht, mungesa e një korrektimi në rritje mund të shpjegohet edhe me ndërhyrjet e Bankës së Shqipërisë, që prej muajit maj e deri në fillim të gushtit e mbajti artificialisht kursin e këmbimit sipër nivelit të 100 lekëve.
Vetëm në gjysmën e parë të këtij viti, Banka e Shqipërisë ka blerë gati 272 milionë euro në tregun valutor, nga të cilat 134.2 milionë euro në ankandet e planifikuara për nevojat e rezervës valutore, ndërsa edhe më shumë, 137.6 milionë euro, janë blerë me operacione të drejtpërdrejta, me qëllim për të shmangur forcimin e mëtejshëm të lekut në kursin e këmbimit valutor.
Në mungesë të këtyre ndërhyrjeve me shumë mundësi kursi i euros do të kishte prekur nivele më të ulëta gjatë periudhës në fjalë. Pas tërheqjes së Bankës së Shqipërisë, në fillim të muajit gusht, kursi ka qëndruar në vijimësi poshtë kufirit të 100 lekëve. Nga ana tjetër, kjo tregon se rënia e kursit të euros është një dukuri më pak e lidhur me flukset valutore të pushimeve verore. Vizitat e turistëve të huaj dhe flukset valutore të lidhura me turizmin tashmë janë më të shpërndara gjatë vitit.
Por, oferta e valutës tashmë nuk është e lidhur vetëm me turizmin, por edhe me investimet e huaja, veçanërisht në pasuri të paluajtshme. Për gjysmën e parë të vitit 2024, investimet e huaja direkte në pasuri të paluajtshme arritën vlerën e 181 milionë eurove, në rritje me 43% krahasuar me 6-mujorin 2023.
Vlera e përgjithshme e investimeve të huaja direkte për periudhën arriti në 749 milionë euro, niveli më i lartë historik i regjistruar ndonjëherë për këtë periudhë të vitit. Vlera e investimeve të huaja direkte paraqitet në rritje me 8% krahasuar me të njëjtën periudhë të një viti më parë.
Edhe oferta e shtrënguar e lekut po vazhdon të ndikojë paralelisht në forcimin e monedhës vendase, sidomos për shkak të shtrëngimit të ndjeshëm të politikës fiskale në dy vitet e fundit. Për 8-mujorin 2024, suficiti buxhetor arriti një rekord të ri historik për periudhën, në vlerën e 58 miliardë lekëve. Suficiti është rritur me 22% krahasuar me të njëjtën periudhë të një viti më parë.
Leku i fortë vazhdon të favorizojë uljen e kostos së importit të mallrave dhe shërbimeve në ekonominë shqiptare. Kjo përkthehet në presione më të ulëta inflacioniste nga jashtë dhe fitime më të mëdha për importuesit e mallrave, ndërkohë që bën edhe më lira udhëtimet turistike të shqiptarëve jashtë vendit.
Leku i fortë ka sjellë efekte të kundërta në kahun e eksporteve dhe në përgjithësi në ecurinë e sektorëve prodhues të ekonomisë shqiptare. Prodhimi i brendshëm në degët e industrisë është në rënie prej pesë pesëmujorësh radhazi, ndërsa për 8-mujorin 2024 eksportet ishin në rënie vjetore me 15%./Monitor
Një grua shtatzënë e ka kryer dje procesin e lindjes në automjet. Ajo ishte nisur drejt maternitetit, por për shkak të trafikut të krijuar nga protesta e PD, ka lindur në makinë, ndërsa mjeti devijoi rrugën për në spitalin e Traumës.
Eliona Demaliaj drejtoresha e maternitetit ‘Mbretëresha Geraldinë’ tregon gjendjen shëndetësore të nënës dhe vajzës së porsalindur. Ajo thotë se vajza dhe nëna janë në gjendje të mirë shëndetësore, ndërsa flet edhe rrezikun e lindjeve në kushte jospitalore.
“Për fat të mirë, gjendja shëndetësore e nënës dhe të porsalindurit është e mirë, është stabël. Po merr mjekimet e nevojshme, por janë në gjendje të mirë.
Lindja duhet të kryhet në kushtet spitalore, rreziku është i madh i lindjes në kushte jospitalore, duke pasur parasysh rrezikun te fëmija të mos marrjes frymë apo hemorragjia tek nënat”, tha Demaliaj. Po ashtu drejtoresha e maternitetit Mbretëresha Gerladinë thotë se kishin dërguar ekipin me mjekë tek Trauma dhe nënës iu dha ndihma në kohë rekord.
Asistenca e mjekëve, si mjekëve te Trauma ashtu edhe e mjekëve të maternitetit Geraldinë, ishte në kohë rekord. Nënës dhe fëmijës ju dha ndihma në kohë rekord nga të dyja ekipet. Në dërguam ekipet te spitali i Traumës, sistemi i shëndetësor i dha ndihmën e duhur në momentin e duhur dhe për fat të mirë gjendja e nënës dhe fëmijës është stabël.
I ftuar në emisionin e mëngjesit “Rreze Dielli” me moderatore Androniki Kolka, ishte astrologu Jorgo Pulla i cili bëri një parashikim javor për të 12 shenjat e zodiakut për periudhën 7-13 tetor.
”Kjo javë lidhet shumë me Plutonin që do dhe 250 vite të tjera të përsëritet si moment dhe parashikohen ndryshime të mëdha për të gjithë ata që kanë pushtet, çështje ekonomike, skandale, apo dashuri” tha Jorgo në fillim të bisedës, duke shtuar se kjo periudhë është shumë fitimprurëse për ata që punojnë drejtë dhe e dinë çfarë bëjnë. Parashikohet një javë me ndryshime drastike apo problematike, por pa bërë panik.
Por si parashikohet kjo javë konkretisht për shenjat?
Dashi
Kjo javë duket disi stresuese për ata që kanë të bëjnë me paranë, apo për ata që janë në role drejtuese. Duhet të keni kujdes në lidhje me firmosje dokumentacioni. Në çëshjet shpirtërore, ka një ndikim të madh të Hënës. Me hyrjen e Mërkurit në Akrep. Dashi do ketë një mundësi në çështjet e financave.
Demi
Kjo javë duket se ka të bëjë shumë me ekonominë, me një ndryshim apo me një blerje. Një çështje ligjore do të zgjidhet javën që vjen, por është mirë që të bisedojnë me personin përgjegjës dhe të zgjidhin problemin. Duhet të kenë kujdes nga fërkime që mund të kenë me njerëz të rëndësishëm. Gjithashtu, duhet të kenë kujdes mos nxitohen në blerje.
Binjakët
Duhet të jenë të vëmendshëm këtë javë, pasi ndikimi i Jupiterit kthehet në retrogradë dhe do qëndrojë gati katër muaj. Duhet të keni kujdes nga bisedat e bëra privatisht që nuk kanë nevojë të ekspozohen në publik. Në çështjet e punës dhe vazhdimësisë, në këtë javë duhet të tregoheni të kujdesshëm. Në fushën shpirtërore, është bërë një ndarje, e cila gabimisht mund të ketë ardhur nga thashethemet. Është një moment i mirë për punën dhe karrierën.
Gaforrja
Kjo javë sjell disa pengesa në lidhje me çështjet që kanë të bëjnë me punën apo probleme që kanë patur në muajin korrik. Tani keni kohën e duhur për të zgjidhur disa probleme, pasi shtatori ka qenë shumë i vështirë për ju. Në çështjet që kanë të bëjnë me anën shpirtërore, çështjet nga e kaluara duhet të zgjidhen në këtë javë, ditën e martë dhe të mërkurë ku koha ka treguar se jeni me fat dhe nuk humbisni njeriun e zemrës.
Luani
Duhet të jenë të vëmendshëm nëse kanë të bëjnë me një çështje kontrate. Duhet të kenë kujdes me firmosjet e kontratave! Është një moment shumë i mirë për ju edhe pse mund të keni probleme, por e drejta do triumfojë, por duhet të jeni të kujdesshëm në banka dhe në kredi. Në çështjet shpitërore, lidhjet që kanë të bëjnë me Virgjëreshë dhe Ujor janë shumë pozitive dhe madje mund të kemi një fejesë.
Virgjëresha
Virgjëreshat duhet të kenë pak kujdes me shëndetin. Janë në një fazë kalimtare që nuk janë aty ku ato do duan të jenë. Duhet të bëjnë as sa duhet, jo më tepër, pra duhet të shohin mirë mundësitë. Është një moment i pafavorshëm me Uranin shpërthyes, por do ia dalin. Duhet të kenë kujdes në çështjet e tyre emocionale në këtë javë. Para që u mungojnë, këtë javë do përpiqen t’i zëvendësojnë. Në anën shpirtërore, lidhjet më të mira janë me Peshk, Gaforre dhe Bricjap.
Peshorja
Kjo javë ka nisur pak me dhimbje koke për një problematikë ekonomike, por këto janë gjëra kalimtare. Koha dhe momenti është tani sa i takon ndryshimeve dhe stabilizimit. Në fushën e biznesit, do nisin një biznes të ri, por duhet të bëjnë më parë një studim tregu. Në anën shpirtërore, lidhjet që kanë të bëjnë me Peshk dhe Dash janë ideale.
Akrepi
Fillojnë të kenë tani një ndikim shumë favorizues, pasi fillojnë nga zero dhe arrijnë majat. Është momenti më i mirë i Akrepit për çështjet ekonomike-financiare, para të papritura, një llotari e fitojnë, zgjidhet një çështje ligjore. Është momenti më i mirë i mundshëm, por ajo që do kenë pak kujdes ëahtë fundjava, ndësa kanë mundësi për të shlyer disa detyrime. Në çështjet shpirtërore, lidhjet që kanë të bëjnë me Dash dhe Ujor janë perfekte.
Shigjetari
Këtë javë duhet të kenë kujdes nga financat dhe borxhet. Mund të shlyejnë disa detyrime apo mund të marrin një punë të re pikërisht tani. Duhet të jenë të vëmendshëm ditën e mërkurë. Në çështje shpirtërore, lidhjet me Gaforre dhe Ujor janë perfekte. Pak vëmendje nga një udhëtim që do të bëjnë, le ta mendojnë njëherë para se të nisen.
Bricjapi
Janë pak të shqetësuar në lidhje me punën e tyre, por nuk ka vend për t’u shqetësuar, pasi gjërat janë pozitive. Në anën ekonomike-financiare mundësitë janë perfekte. Kanë fatin e madh në ekonomi, në stabilizim dhe në dashuri. Në çështjet shpirtërore, lidhjet që kanë të bëjnë me Dem, Shigjetar janë perfekte.
Ujori
Kjo javë është shumë e favorshme, por duket se ka të bëjë me takime e bisedime. Kanë një lodhje ditore, por pa ndonjë problem të madh. Mos u shqetësoni, pasi kjo periudhë është më e mira e mundshme në çdo aspekt. Në çështje që lidhen me anën shpirtërore, një lidhje me Dem dhe Akrep edhe pse ka patur probleme, do të zgjidhet, por qëndroni larg thashethemeve.
Peshqit
Kanë mundësi për disa ndryshime që lidhen me anën ekonomike-financiare, por duhet të kenë kujdes në partneritete. Janë shumë intuitivë në fushën e punës së tyre. Ata që janë në diasporë do të kenë një dritë jeshile në çështje dokumentacioni dhe marrje vendimesh të rëndësishme. Ata që janë të palidhur kanë një mundësi të mirë për njohjet e reja, sidomos me Dash dhe Virgjëreshë.
Disa banorë në Dibër kanë shfaqur simptoma helmimi dhe janë shtruar në spital.
Sipas burimeve zyrtare, Komisariati i Policisë Dibër, ka marrë njoftim se disa shtetas (mes tyre dhe disa të mitur), banorë të bashkisë Dibër, ishin paraqitur në spitalin rajonal të qytetit të Peshkopisë, për ndihmë mjekësore me simptoma si ata të helmimit.
Me marrjen e njoftimit, është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.
Në përfundim të hetimeve, do të ketë informacion më të detajuar.
Dy vëllezërit shqiptar që vranë kushëririn e tyre në Kypseli të Greqisë kanë treguar para hetuesve grek se 28-vjeçari i kishte përdhunuar kur ishin në moshë të vogël, përkatësisht 4 dhe 6-vjeç.
I mituri Enis Loka, që ka marrë përsipër krimin duke pohuar se goditi kushëririn me thikë në qafë, dhe vëllai i tij 19-vjeçar, Aleksandros, kanë deklaruar abuzimi seksual ndaj tyre ishte arsyeja pse ndërmorën aktin e rëndë.
Gjithashtu është marrë në pyetje edhe babai i dy vëllezërve. Ai është shprehur se kishte kontaktuar me 28-vjeçarin dhe e kishte pyetur nëse ishin të vërteta. Sipas tij, Denis Loka i kishte pranuar akuzat dhe tha se “ishin gabime që i bëmë kur ishim fëmijë…”
Krimi ndodhi rreth orës 22:50, mbrëmjen e së hënës, ndërsa i riu u gjet në tokë mbuluar me gjak nga efektivët e Policisë Rrugore në Patisiot.