Author: editor

Zëdhënësja e Ministrisë së Jashtme të Rusisë, Maria Zakharova, ka ndërprerë në mënyrë të pazakontë konferencën për shtyp që po mbante në Moskë dhe i është përgjigjur një telefonate që i ka ardhur në telefonin celular.

Gjatë bisedës telefonike dëgjohet një zë mashkulli i cili i kërkon Zakharovës të mos komentojë sulmin me raketë balistike ndërkontinentale që Rusia ndërmori këtë të enjte ndaj Ukrainës.

Në momentin e telefonatës, mikrofonat ishin ende të ndezur duke bërë që të dëgjohet e gjithë biseda e plotë. Urdhri për të shmangur komentet ka ardhur direkt nga qeveria ruse.

Biseda e regjistruar gjatë konferencës për shtyp së Zakharovës ishte, tregon kontrollin e rreptë që Kremlini ka mbi çdo koment që bëhet mbi ngjarjet e luftës.

https://twitter.com/i/status/1859532336477401314

Detaje të reja kanë dalë në dritë nga ngjarja e rëndë e ndodhur një ditë më parë në qytetin e Laçit ku sipas policisë dyshohet se babai dhunonte e abuzonte seksualisht me vajzën e tij.

Burime bëjnë me dije se e mitura ditët e fundit kishte munguar në shkollë dhe se mësuesit e kishin referuar rastin në zyrën arsimore të Kurbinit.

Të njëjtat burime bëjnë me dije se 53 vjeçari G. Z ishte i divorcuar dhe se vajza jetonte me të atin në të njëjtën banesë. Kanë qenë fqinjët që kanë referuar rastin në polici pasi kanë dëgjuar të bërtiturat e vajzës e fjalorin banal. Moment kur dyshohet se ajo është abuzuar seksualisht nga i ati.

Gjatë ditës së sotme e mitura ka kërkuar të pajiset me urdhër mbrojtjeje si shkak i dhunës së ushtruar nga babai 53 vjeçar. Ky i fundit ka mohuar akuzat për abuzim seksual, e po ashtu dhe e bija.Megjithatë pritet që të dalin rezultatet e analizave të së miturës për ta vërtetuar një gjë të tillë. Ajo është në gjendje të rëndë psikologjike dhe ka shenja dhune në disa pjesë të trupit.

Të tjera detaje janë zbardhur nga sherri me thika mes dy të rinjve në “Qytetin Studenti”, ku mbeti i plagosur me thikë 20-vjeçari Aron Demiraj.

Mësohet se konflikti mes tyre ka ndodhur për motive të dobëta dhe se 20-vjeçai ka marrë disa plagë me thikë, në krahë, gjoks dhe kembë, ndërsa dyshohet për 8 goditje.

“Të dy janë student, kanë pasur një konflikt për motive të dobëta. I riu 19-vjeçar ka plagosur me thikë 20-vjeçarin i cili ka marrë tetë plagë. Për momentin ndodhet në gjendje stabël. Konflikti ka ndodhur në ambientet e jashtme të një lokali”, raportoi gazetari Igli Çelmeta.

Sipas gazetarit, dyshohet se fillimisht të rinjtë janë konfliktuar fizikisht, më pas 19-vjeçari me iniciale A.A., e ka goditur 20-vjeçarin tre herë më thikë dhe është larguar me vrap.

“Policia ka konfirmuar se konflikti ka ndodhur për motive të dobëta. Ka pasur edhe persona të tjerë, që kanë dhënë dëshminë. Dyshohet se fillimisht janë konfliktuar fizikisht, më pas 19-vjeçari e ka goditur tre herë më thikë. Më pas autori është larguar me vrap. Ngjaja ka ndodhur afër një universiteti privat”, tha ai.

Njofitmi i policisë

Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve.

Përdoruesit e TikTokut patën mundësinë sot të ndiqnin një diskutim live të ngjeshur me emocione dhe pyetje nga dy banorët e Big Brother VIP Kosova, Sara dhe Driloni. Ky moment i veçantë erdhi në kuadër të një sfide nga Vëllai i Madh, ku banorët e shtëpisë bënin pyetje njëri-tjetrit.

Në një moment, Driloni i bëri një pyetje mjaft pikante Sarës:
“Cili është zgjedhja jote, unë apo Edi?” Sara, me përgjigje të sinqertë dhe të menduar, u shpreh se kishte më shumë gjëra të përbashkëta me Drilonin dhe se nuk e njihte aq mirë Edit.

Megjithatë, pas insistimit të Drilonit, Sara vendosi të japë një përgjigje të drejtpërdrejtë: ajo i konfirmoi se është ai që i pëlqen më shumë se Edi, duke shkaktuar kështu një moment të bukur dhe të papritur për të gjithë ndjekësit.

Në Tiranë, përpara Ministrisë së Arsimit po mbahet një protestë, për vrasjen e Martin Canit nga një bashkëmoshatar i tij në shkollë përpara disa ditësh.

Një shoqe e klasës së Martinit tha se kjo që ka ndodhur është një turp. Sipas saj, ajo ka parë gjithmonë nëpër klasa njerëz me thika dhe se drejtuesit e shkollës kanë dështuar në misionin e tyre.

Shoqja e klasës: Ne shikonim në shkollë njerëz që vinin me thika në klasa. Kemi humbur një shok të zemrës. Ishte një gjë e turpshme për klasën. Çfarë turpi kanë ata që drejtojnë atë shkollë.

Vinin njerëz që bënin si trima. Unë kam një motër të vogël në atë shkollë dhe kam frikë për sigurinë e motrës dhe vetes sime.

Gjesti dhe Xheneta kanë pasur një përplasje të ashpër pas përfundimit të festës në shtëpinë e Big Brother VIP Kosova 3, duke krijuar një situatë tensioni mes banorëve. Gjatë debatit, Gjesti i kërkoi Xhenetës llogari për sjelljen e saj gjatë mbrëmjes, duke e akuzuar se qëndrimi i saj i afërt me Drilonin ishte shkaktuar nga konsumimi i alkoolit.

“Pse sonte u shprehe me ta, vetëm sonte tek krevati për shkak të alkoolit e jo më herët?” e pyeti Gjesti, duke vënë në dyshim qëllimet dhe sjelljen e Xhenetës. Nga ana tjetër, Xheneta nuk hezitoi të reagojë, duke thënë se nuk i intereson mendimi i Gjestit dhe duke shtuar se ajo nuk është tipi i personit që shkon pas një mashkulli.

“Unë nuk jam mësuar të shkoj pas një mashkulli, dhe nuk më intereson çfarë thua ti,” u përgjigj ajo, duke theksuar pavarësinë dhe qëndrimin e saj. Kjo deklaratë duket se i acaroi më shumë marrëdhëniet mes tyre, pasi Gjesti vazhdoi të kërkonte shpjegime, ndërsa Xheneta i rezistoi presionit.

Kjo përplasje vjen në një moment kur dinamika në shtëpinë e BBVK 3 është bërë gjithnjë e më e ndërlikuar, dhe raportet mes banorëve po ndryshojnë në mënyrë të vazhdueshme. Ndërkohë, situata të tilla tensionuese po tërheqin vëmendjen e publikut, duke e bërë edhe më interesante përvojën e banorëve brenda shtëpisë.

Ky episod përforcon idenë se raportet mes banorëve shpesh përshkallëzohen në situata të pakëndshme, duke e bërë bashkëjetesën një sfidë të vërtetë. Mbetet për t’u parë nëse Gjesti dhe Xheneta do të arrijnë të sqarohen apo nëse ky konflikt do të ndikojë në marrëdhëniet e tyre gjatë qëndrimit në shtëpi.

Detaje të reja janë zbuluar në lidhje me plagosjen e ndodhur pak më parë në Qytet Studenti.

20-vjeçari i plagosur, është qëlluar 8 herë me thikë.

Gjenda e tij paraqitet stabël, pavarësisht se ka marrë plagë në krahë, gjoks dhe këmbë.

Aktualisht ai ndodhet në spital nën kujdesin e bluzave të bardha.

Meteorologu Hakil Osmani, në një lidhje me Skype në News 24 dha parashikimin e motit për këtë javë.

Osmani tha se temperaturat në ditët në vazhdim pritet që të bien. Ai tha se në veri-lindje pritet që të bjerë dëborë. Sipas meteorologut, të premten priten reshje të dendura shiu, shoqëruar me erëra të forta.

Meteorologu Hakil Osmani: Nata vonë do jetë me vranësira dhe në mëngjes do kemi reshje shiu. Mesdita dhe pasditja nesër pritet të ketë reshje të dendura. Probleme do kemi në qarqet e veriut, por edhe në zona të tjera të vendit, në Tiranë, Elbasan, por probleme mund të ketë edhe në Durrës, Lezhë e Vlorë.

Era do të fryjë deri në 80 km/orë në det të hapur. Priten ulje të temperaturave dhe në veri-lindje pritet të bien reshje dëbore. Edhe të shtunën e të dielën do kemi ulje të temperaturave. Presim edhe prezencën e ngricës në rrugë, kryesisht në veri-lindje, prandaj shoferët duhet të kenë kujdes.

(Balkanweb)

Eksperti i kriminalistikës Evin Karamuço u shpreh këtë mbrëmje në Top Story se ngjarja e ndodhur në afërsi të shkollës Fan Noli mund të kishte pasur dy viktima. Ai tha se edhe fëmija e dytë që ka mbetur i plagosur, shoku i Martin Canit, do të kishte ndërruar jetë nëse një mjek ortoped nuk do t’i kishte qepur plagët në vendngjarje, e më pas ta niste drejt spitalit të Traumës.

“Në këtë ngjarje, do kishim dy viktima, shoku i viktimës është plagosur rëndë në vendngjarje, ka qenë fati i tij që një mjek ortoped te klinika ka bërë qepjen e plagëve aty, dhe pastaj e kanë dërguar në Ushtarak, nëse nuk do bëhej qepja, do kishte vdekur dhe ai. Sulmi ka qenë shumë intensiv”, tha ai.

Gjykata Ndërkombëtare Penale e Drejtësisë ka lëshuar urdhër arrest për kryeministrin izraelit, Benjamin Netanyahu.

Netanyahu akuzohet për kryerjen e krimeve të luftës në Gaza. Për të njëjtën akuzë, u lëshua urdhër arrest edhe për ish ministrin izraelit të Mbrojtjes, Yoav Gallant.

Kjo gjykatë lëshoi urdhër arrest edhe për zyrtarin e Hamas, Mohammed Diab Ibrahim Al- Masari, për rolin e tij në sulmin terrorist të 7 tetorit.