Author: editor

Konferencë për shtyp e Drejtorit të Drejtorisë Vendore të Policisë Shkodër Drejtues i Parë Fatmir Lleshaj

Përshëndetje,

Jam sot, këtu, së bashku me zëvendësdrejtorin për Hetimin e Krimit Ledio Ibrahimi dhe me prokurorin e rrethit Albert Murçaj, për të bërë prezente rezultatet e një pune intensive hetimore të kryer në kuadër të operacionit policor të koduar “Profili i rremë”, për zbardhjen e autorësisë së ngjarjes së ndodhur më datë 05.01.2025, në fshatin Dragoç, ku u vra me armë zjarri shtetasi Ramazan Mataj, 33 vjeç.

Drejtoria Vendore e Policisë Shkodër, menjëherë pas njoftimit për ngjarjen e ndodhur në fshatin Dragoç, ngriti një grup të posaçëm hetimor dhe së bashku me shërbime të shumta të Policisë së Shkodrës, të Forcës Kombëtare të Sigurisë Njësia Shkodër dhe të Drejtorisë për Kufirin dhe Migracionin Shkodër, shkuan në vendin e ngjarjes.

Shëbimet e Policisë, pas veprimeve të shpejta në vendin e ngjarjes, shoqëruan në ambientet e Policisë, shumë shtetas, për t’i pyetur në lidhje me ngjarjen.

Ndërkohë, grupi hetimor, në drejtimin e Prokurorisë, në koordinim me Departamentin e Policisë Kriminale, konkretisht me Drejtorinë për Hetimin e Krimeve të Rënda dhe me Drejtorinë për Hetimin e Krimeve Kibernetike, vijoi punën në mënyrë intensive për të gjetur dhe fiksuar prova materiale që do t’i shërbenin hetimit për zbardhjen e ngjarjes.

Si rezultat i një hetimi intensive disaditor, në kuadër të operacionit policor të koduar “Profili i rremë”, grupi hetimor gjeti prova të rëndësishme që çuan në zbardhjen e ngjarjes, identifikimin, kapjen dhe arrestimin e autorit. Gjithashtu, gjatë operacionit u zbardh mekanizmi i ngjarjes, i dokumentuar dhe me disa pamje filmike ku shfaqej autori, duke ecur në rrugë.

Nga hetimet rezultoi se shtetasi Arjon Hasaj, 29 vjeç, banues në Dragoç, për motive të dobëta, ka organizuar dhe ka kryer vrasjen e shtetasit Ramazan Mataj. 29-vjeçari, nëpërmjet llogarive të rreme në rrjete sociale, ka komunikuar me shtetasin Ramazan Mataj, për ta nxjerrë në pritë në fshatin Dragoç, ku dhe dyshohet se e ka vrarë.

Gjithashtu, nga hetimet dyshohet se shtetasi Ramazan Mataj kishte ndikuar për prishjen e marrëdhënieve bashkëshortore të motrës së autorit.

Autori i dyshuar është ndihmuar nga vëllai i tij, shtetasi Klisman Hasaj, për sigurimin e kushteve për të kryer vrasjen dhe për të fshehur armën e krimit.

Si rezultat i kontrolleve u bë e mundur gjetja e armës së zjarrit me të cilën dyshohet se autori ka kryer vrasjen. Pas krimit, dy vëllezërit e fshehën armën në një zonë të pyllëzuar dhe më pas e groposën në tokë në oborrin e banesës.

Në përfundim të hetimeve u bë arrestimi i shtetasve:

Arjon Hasaj, për veprat penale “Vrasja me paramendim” dhe “Prodhimi dhe mbajtja pa leje e armëve, armëve shpërthyese dhe municionit luftarak”;

Klisman Hasaj, për veprën penale “Sigurimi i kushteve dhe mjeteve materiale për të kryer vrasje”.

Në drejtimin e Prokurorisë vijojnë hetimet për dokumentimin e plotë ligjor të kësaj ngjarjeje.

Theksojmë faktin se pas ngjarjes së ndodhur, në adresë të DVP Shkodër kanë ardhur shumë mesazhe nga qytetarët, për bashkëpunim dhe mbështetje, si dhe informacione, të cilat pavarësisht vlefshmërisë, ishin inkurajuese për punën intensive që Policia kreu për të zbardhur këtë ngjarje me impakt publik.

Falënderoj qytetarët, për mbështetjen dhe besimin, dhe dua t’i siguroj ata se Policia e qarku Shkodër është tërësisht e angazhuar për të intensifikuar hetimet në bashkëpunim me Prokurorinë, për zbardhjen e ngjarjeve kriminale të ndodhura më parë, identifikimin dhe arrestimin e autorëve.

I garantoj qytetarët se Drejtoria Vendore e Policisë Shkodër, me mbështetjen e Drejtorisë së Përgjithshme të Policisë së Shtetit dhe Prokurorisë së Shkodrës, është e angazhuar maksimalisht për të garantuar sigurinë dhe mbrojtjen e jetës dhe pronës së qytetarëve.

Duke i uruar qytetarët e qarkut Shkodër, për një vit sa më të mbarë, i ftoj edhe një herë të besojnë dhe të mbështetin më shumë Policinë e qarkut dhe atë të Kufirit, që bashkërisht të parandalojmë ngjarjet kriminale dhe paligjshmërinë, për të krijuar një imazh të ri për këtë qark, që simbolizon qytetarinë dhe garanton një ambient sa më të sigurtë për të ardhmen e fëmijëve tanë.

Një ngjarje e rëndë është regjistruar në Genova të Italisë, ku dy motra me origjinë shqiptare, njëra 32 dhe tjetra 35-vjeçe, kanë rënë nga dritarja e banesës se tyre në katin e katër të një pallati.

32-vjeçarja ka ndërruar jetë në vendngjarje, ndërsa tjetra është në gjendje të rëndë.

Dyshohet se njëra nga motrat është vetëvrarë, ndërsa motra tjetër ka shkuar që ta shpëtojë, por ka rënë dhe ajo.

Lajmi për vdekjen e papritur të regjisorit dhe skenaristit 47-vjeçar, Jeff Baena, bashkëshorti i aktores së njohur, Aubrey Plaza, ka shkaktuar pikëllim dhe tronditje në Hollywood. Baena u gjet i vdekur në shtëpinë e tij në Los Angeles nga një anëtar i stafit. Autoritetet mbërritën në vendngjarje pas një telefonate në orën 10:30 të mëngjesit të së premtes dhe konfirmuan vdekjen e tij.

Ndonëse rrethanat mbeten të paqarta, autoritetet policore, sipas të njëjtit medium, janë duke shqyrtuar mundësinë e vetëvrasjes Jeff Baena, i njohur për filmat “Life After Beth” dhe “The Little Hours”, ishte një personalitet i veçantë në kinema.

Zbardhen detaje të reja për të arrestuarit në lidhje me vrasjen e Ramazan Matajt në Shkodër. Babë e bir kanë si dy autorë kryesorë të vrasjes së të riut Ramazan Mataj u arrestuan. Ata janë Rrustem dhe Arjon Hasaj, babë e bir, ndërsa janë shoqëruar nga policia dhe dy persona të tjerë të afërm të tyre.

Njëri prej të arrestuarve është kapur në kufi duke tentuar të largohej, ndërsa një është arrestuar në shtëpi. Ramazan Mataj u vra tre ditë më parë në orët e mbrëmjes në fshatin Dragoç të Postribës në Shkodër.

Dy motra, njëra 32 dhe tjetra 35 vjeçe, me origjinë shqiptare, banuese në Genova të Italisë, kanë rënë nga dritarja e banesës se tyre në katin e katër të një pallatit.

Vajza 32-vjeçare ka ndërruar jetë në vendngjarje, ndërsa tjetra është në gjendje të rëndë.

Dyshohet se njëra nga motrat ka tentuar vetvrasjen, ndërsa motra tjetër ka shkuar që ta shpëtojë, por ka rënë dhe ajo.

Vetëdorëzohet në policinë e Durrësit kreu i grupit kriminal Kreshnik Faruku.

Kreshnik Farruku (Budlla) është një emër i njohur në botën e krimit, i cili ka përdorur 10 emra për t’i shpëtuar drejtësisë, teksa njihet më shumë edhe si Kreshnik Farruku. Ai është vetëdorëzuar mbrëmjen e së hënës.

Në maj të 2019-ës ai u arrestua në Spanjë, së bashku me vëllanë e tij dhe një tjetër anëtar të fisit. Ai ra në pranga në një hotel në Madrid pas disa muajsh hetime dhe ndjekje nga policia, pasi kërkohej në Spanjë dhe Itali për trafik kokaine dhe vjedhje të disa banesave, ndërsa është hetuar edhe për vrasje në Spanjë.

Sipas medieve spanjolle Kreshnik Budlla dyshohej për vrasjen e bosit të tij në Spanjë, në vitin 2010, për shkak të pazareve të drogës. Por pas hetimit, prokurorët spanjollë konkluduan se vrasjen e kishte përgatitur Devi Kasmi, i cili mbeti i vrarë në një atentat në janar të 2018-ës në Tiranë.

Në maj 2010, Farruku u arrestua së bashku me shtatë anëtarë të tjerë të bandës në Barcelonë me 20 kg kokainë që po përpiqej ta trafikonte në Itali me makinë. Pas prangosjes së tij, ishte vëllai më i vogël, Erniu, që mori udhëheqjen e grupit, por u arrestua dy vjet më vonë në vitin 2012.

Në vitin 2014, Kreshnik Farruku u arratis nga burgu ndërkohë që vijoi që të merrej me trafikun e drogës, derisa u arrestua në vitin 2019.

Në vitin 2015 Kreshnik Farrukut iu bë një atentat në Shqipëri. Ai ishte në shoqërinë e kunatit të tij, Rinald Budlla, dhe të dy shokëve, kur është qëlluar me armë në zonën e “Don Boskos”, ndërsa u plagos një kalimtare. Pista asokohe lidhej me prishjen e pazareve të drogës në Itali, Spanjë dhe Holandë.

Ka kaluar një vit nga atentati mafioz ndaj Gëzim Sinomatit, djali i Sokol Sinomatit, i njohur ndryshe si “Buzderri”, por ngjarja mbetet ende pa autorë të identifikuar.

Policia e Vlorës dhe organet e hetimit nuk kanë arritur të zbardhin atentatin, ndonëse ngjarja tronditi qytetin më 7 janar 2024.

Atentati ndodhi rreth orës 22:00, kur Sinomati, teksa ndodhej në ballkonin e banesës së tij në katin e tretë, u qëllua me snajper nga një automjet që qëndronte i fshehur prapa një blloku betoni.

Plumbi i vetëm që u qëllua i mori jetën në vend. Fillimisht u ngritën dyshime për ngatërrim shënjestre, pasi objektiv mund të kishte qenë edhe xhaxhai i tij, Benard Sinomati.

Në atë kohë, ish-drejtori i Policisë së Vlorës, Ermal Muça, premtoi zbardhjen e shpejtë të ngjarjes, por pas një viti situata mbetet e njëjtë. Autorët nuk janë identifikuar, dhe pistat e hetimit janë ende të hapura.

Atentati ndodhi pranë Poliklinikës së qytetit, ku një automjet tip BMW kishte qëndruar përballë banesës për afro 30 minuta, duke përfituar nga një shkëputje e energjisë elektrike për të realizuar ekzekutimin.

Ngjarja dyshohet të ketë ndezur një valë përplasjesh të dhunshme mes bandave rivale në Vlorë dhe Tiranë. Tre episode të tjera kriminale, që kanë ndodhur në fund të vitit 2024, lidhen me konfliktin mes këtyre grupeve.

Më 8 dhjetor, në lokalin “The Boss” në Lungomare, u vendos lëndë plasëse. Më 18 dhjetor, në zonën e Çoles, iu bë një atentat Kevit Hajrulla. Ndërkohë, në Tiranë, u vendos eksploziv me dron në shtëpinë me qira të Elenës Arza, ku qëndronte Benard Sinomati.

Hetuesit dyshojnë se këto ngjarje janë pjesë e një zinxhiri përplasjesh të dhunshme, ku ekzekutimi i Gëzim Sinomatit një vit më parë është konsideruar si nisja e konfliktit të armatosur mes grupeve rivale në Vlorë.

Hetimet për zbardhjen e ngjarjeve vazhdojnë