Author: editor

Gjykata Kushtetuese vijon sot seancën për shqyrtimin e kërkesës së kreut të PD-së, Sali Berisha i cili kërkon shfuqizimin e vendimeve të GJKKO-së dhe Apelit të GJKKO-së që kanë caktuar ndaj tij masën e sigurisë “arrest shtëpie”. Seanca nisi më 19 tetor, por u shty për sot.

Kreu i Partisë Demokratike kërkon lirinë me arsyetimin se vendimi është dhënë në kundërshtim me Kushtetutën, sepse është shmangur Kuvendi duke qenë se ai është deputet.

Sali Berisha ndodhet prej 30 dhjetorit 2023 nën masën e sigurisë “arrest shtëpie” për çështjen “Partizani”, ndërsa edhe më herët, kërkesat e tij për lirim janë rrëzuar nga shkallët e gjyqësorit.

“Shfuqizimin e vendimeve nr. 112, datë 20.10.2023 dhe nr. 117, datë 26.10.2023, të Gjykatës së Posaçme së Shkallës së Parë për Korrupsionin dhe Krimin e Organizuar; nr. 56 (87-2023-156), datë 21.11.2023 të Gjykatës së Posaçme të Apelit për Korrupsionin dhe Krimin e Organizuar; nr. 00-2024-384, datë 05.03.2024 të Kolegjit Penal të Gjykatës së Lartë”,”- thuhet në kërkesën e Sali Berishës.

Me vendimin ndaj kërkesës së Berishës, Gjykata Kushtetuese vendos precedentin nëse do kërkohet për masat e tilla autorizimi pranë Kuvedit apo jo.

Gjykata e Posaçme kishte vendosur me kërkesë të SPAK masën e sigurisë ‘detyrim paraqitje’ dhe ‘ndalim dalje jashtë shtetit’, për kryetarin e Partisë Demokratike.

Berisha nuk e zbatoi këtë masë me arsyetimin se SPAK do të duhej të merrte autorizimin në Kuvend. Ai tha se masat janë antikushtetuese dhe të paligjshme. Më pas SPAK iu drejtua Kuvendit për masë më të rëndë sigurie, ‘arrest shtëpie’ dhe pasi mori autorizimin, masa u miratua nga Gjykata e Posaçme, Apeli i Posaçëm dhe Gjykata e Lartë.

Lordi John Prescott, ish-zëvendëskryeministri i britanik, ka vdekur në moshën 86-vjeçare. Ish-aktivisti i sindikatave shërbeu si zëvendës i Blair për 10 vjet. Në një deklaratë, bashkëshortja dhe dy djemtë e Lord Prescott thanë se politikani kishte qenë në një shtëpi kujdesi kohët e fundit për shkak se ishte diagnostikuar me Alzheimer.

“Me dhimbje të thellë ju njoftojmë se bashkëshorti, babai dhe gjyshi ynë i dashur, John Prescott, ka ndërruar jetë paqësisht në moshën 86-vjeçare”, thuhej në deklaratë.

Duke shtuar: “Ai vdiq i rrethuar nga familja dhe muzika xhaz e Marian Montgomery. John kaloi jetën e tij duke u përpjekur të përmirësonte jetën e të tjerëve, duke luftuar për drejtësi sociale dhe duke mbrojtur mjedisin, që nga koha e tij si kamarier në anije e deri te Zëvendëskryeministri më jetëgjatë i Britanisë.”

Ish-kryeministrit laburist Tony Blair reagoi pas vdekjes së ish-zëvendësit të tij John Prescott.

“Edhe pse ne të gjithë e dinim se fundi po afrohej dhe ishte i pashmangshëm, unë jam i shkatërruar nga vdekja e John”, thotë Blair në një deklaratë.

“Ai ishte një nga njerëzit më të talentuar që kam takuar ndonjëherë në politikë; një nga më të përkushtuarit dhe më besnikët; dhe padyshim më i pazakontë.”

Ish-kryeministri vlerësoi Preskotin për “arritjet e tij të jashtëzakonshme” dhe përkushtimin e tij ndaj politikës britanike. Në një karrierë që zgjati më shumë se gjysmë shekulli, Lord Prescott u zgjodh për herë të parë si deputet i Kingston on Hull East në vitin 1970 dhe mbajti mandatin për gati 40 vjet.

Nga viti 1997 deri në 2007, ai mbajti postin e zëvendës ish-kryeministrit Tony Blair. Lordi Prescott pësoi një goditje në tru në vitin 2019. I lindur në Prestatyn, Uells, Lord Prescott la shkollën në moshën 15-vjeçare dhe punoi si administrator në Marinën Tregtare. Më pas ai studioi në Kolegjin Ruskin në Oksford, përpara se të hynte në politikën

Gjatë natës dhe mëngjesit të sotëm, reshjet e shiut dhe erërat e forta, kanë sjellë disa probleme në rrethin e Pukës.

Reshjet kanë dëmtuar çatinë e spitalit të Pukës, ç`ka ka bërë që pavioni i Patologjisë dhe Pediatrisë, të dalin jashtë funksionit pas dëmtimit të çatisë.

Sakaq, reshjet e dendura në Pukë kanë shkaktuar problematika dhe në disa rrugë, ku ka pasur rrëshqitje të inerteve.

Po kështu, energjia elektrike në Pukë mungon që prej pasdites se një dite më parë.

Emisioni Fiks Fare ka sjell një skandal në sistemin arsimor, ku 14 mësues të dënuar për falsifikim dokumentash shkollore dhe shpërdorim detyre vazhdojnë të japin mësim.

Njëra prej tyre është bërë edhe drejtoreshë shkolle, e cila edhe pse e pezulluar vazhdon të shkojë në shkollë. Madje burri i saj biznesmen kërcënon gazetarët e Fiks Fare dhe juristen e ZVA Kavajë

Irma Xeka ish drejtoreshë e shkollës 9 -vjeçare “Qamil Xhani” në Kavajë ka bërë një kallëzim në Prokurorinë Durrësit , për ish-drejtorin e shkollës 9 vjeçare se në regjistrat e shkollës kishte nxënës fiktivë të cilët vlerësoheshin nga mësuesit, ndërkohë ata ishin jashtë shtetit sipas sistemit TIMS.

Kallëzimi i znj.Xheka u provua nga prokuroria, madje u morën të pandehur edhe 13 mësues të shkollës.

Të cilët me vendim të Gjykatës së Shkallës së Parë Durrës janë shpallur të gjithë fajtor për falsifikim të dokumenteve shkollore dhe shpërdorim detyre. “Unë i kallëzova, gjykata i ka dënuar, por ato vazhdojnë të jenë mësues, ndërkohë mua më pushuan nga puna që kur i kallëzova” thotë Xeka.

Emisioni Fiks Fare solli dosjen e plotë të hetimit dhe gjykimit të mësuesve dhe drejtuesve të shkollës të cilët u shpallën fajtor nga Gjykata e Shkallës së Parë Durrës, në të cilën thuhet se nxënësit në bazë të sistemit TIMS ndodheshin jashtë shtetit ndërkohë vlerësoheshin me nota në Luz të Vogël . 13 mësues të dënuar vazhdojnë punën normalisht duke dhënë mësim, një prej tyre është bërë dhe drejtoreshë.

Kjo e fundit nuk pranon t’i takojë gazetarët, por lajmëron të shoqin, i cili vjen dhe përballet me ta tek dera e shkollës.

Burri i drejtoreshës së shkollës me ton urdhërues ju thotë gazetarëve të mos ja nxjerrin gruan në televizor, pasi ai është biznesmen. Të njëjtën gjuhë përdor edhe me juristen e Zyrës Arsimore Kavajë, të cilës i thotë se do merret ai me të gjithë për vendimin që kanë marrë për të shoqen.

Ndërkohë juristja e ZVA Kavajë tregon se duhet të shkojë një drejtoreshë e re në atë shkollë në mënyrë që mësuesit të hiqen, sepse drejtoresha është pezulluar për shkak të këtij vendimi gjykate.

“Nuk i hiqte dot ajo drejtoreshë, sepse u pezullua”, tha Klodiana Gjura , juriste e ZVA Kavajë. E vënë përpara faktit se ajo është e pezulluar, drejtoresha Ullorja i kaloi në telefon juristes së ZVA të shoqin, ky i fundit i tha jurist se do merret me të gjithë që po ja bëjnë këtë të shoqes. “Unë jam i shqetësuar tani, tani jam shqetësuar unë që jam burri, dhe do merrem me të gjithë”, thotë burri i drejtoreshës./Top Channel

Në tregun e këmbimit valutor shqiptar sot një dollar do blihet me 92.4 lekë dhe do shitet me 93.6 lekë.

Ndërkohë monedha evropiane euro do blihet me 97.7 lekë dhe do shitet me 98.4 lekë.

Franga zvicerane sot në tregun shqiptar do blihet me 104.5 lekë dhe do shitet me 105.5 lekë.

Ndërsa paundi britanik do blihet me 116.8 lekë dhe do shitet me 118 lekë.

Ditën e sotne vendi ynë do të ndikohet nga kushte atmosferike të paqëndrueshme, si rezultat i qarkullimit ciklonar shoqëruar me masa ajrore të lagështa.

Sipas SHMU, moti parashikohet me alternime vranësirash në orët e para të ditës dhe pas mesditës mot me kthjellime. Reshjet e shiu do të jenë prezente prej orëve të para të 24-orëshit me intensitet mesatar në formën e shtrëngatave me shkarkesa elektrike dhe breshër në pjesën më të madhe të territorit ndërsa në veri, pjesërisht në qendër dhe jug reshje me intensitet deri të lartë.

Reshjet parashikohet të jenë prezente deri gjatë orëve të mëngjesit ndërsa gradualisht humbasin intensitet dhe lokalizohen në lindje të territorit në formën e shtrëngatave lokale. Reshje dëbore me intensitet të ulët në Alpe dhe relievet malore veri-verilindje në lartësitë mbi 1,100m.

Mjegull/ mjegullinë dhe shikim i reduktuar në orët e para të mëngjesit dhe në momentin e reshjeve.

Era parashikohet të fryjë me drejtim veriperëndim- juglindje me shpejtësi mesatare 2-9m/sek, ndërsa përgjatë vijës bregdetare, zonave luginore dhe në male era fiton shpejtësi 12-17m/sek shoqëruar me valëzimin në dete të forcës 3-4 ballë.

Temperaturat parashikohen:

Shkodër 6/16

Kukës 4/13

Lezhë 7/16

Dibër 4/14

Durrës 12/19

Tiranë 12/18

Elbasan 11/18

Berat 8/19

Vlorë 10/19

Korcë 4/13

Gjirokastër 7/17

Sarandë 12/19

Ardian Ismajli, po gëzon një formë të jashtëzakonshme, të mbartur që nga sezoni i shkuar. Puna e tij nuk ka kaluar pa u vënë re, teksa Juventusi po e sheh si një alternativë serioze për merkaton e janarit.

Por bardhezinjtë, nuk do të jenë të vetëm në radhë për Ismajlin. Në garë për shërbimet e tij do ë edhe Napoli.

“La Repubblica” ka bërë me dije se të kaltrit janë bindur nga aftësitë e Ismajlit në ndeshjen që skuadra zhvilloi kundër Empolit këtë sezon.

Për këtë arsye, drejtuesit do të përpiqen që ta vendosin nën urdhërata e Antonio Kontes në muajin janar. Mbetet për t’u parë se cila do të jetë e ardhmja e Ismajlit.

DASHI

Sot disa gjëra nuk do të realizohen siç doni ju në aspektin afektiv. Nëse nuk jeni çift, do të përfitoni nga ftesat që do t’ju bëhen. Në aspektin financiar do të keni të ardhura.

DEMI

Sot duhet të shprehni disa nga idetë tuaja te partneri, për një çështje të rëndësishme. Nëse nuk jeni çift, pranoni të dilni me miqtë tuaj. Ju mund të kryeni disa investime.

BINJAKET

Sot do të keni një komunikim të mirë me partnerin tuaj. Nëse nuk jeni çift, do të keni një njohje interesante. Në aspektin financiar duhet të menaxhoni mir ëtë ardhurat që ju keni.

GAFORRJA

Sot do të jetë një ditë pozitive në aspektin afektiv. Nëse nuk jeni çift, do të mendoheni mirë për të takuar persona të rinj. Në financë nuk do të kryeni disa investime që doni.

LUANI

Sot duhet të tregoheni tolerant me partnerin tuaj. Nëse nuk jeni çift, do të keni një ditë të zakonshme. Në aspektin financiar merrni ide nga shoqëria juaj, për të pasur të ardhura.

VIRGJERESHA

Sot disa projekte që keni dashur në aspektin afektiv nuk do të realizohen. Nëse nuk jeni çift, merrini gjërat si t’ju vijnë. Në aspektin financiar ju do të keni sukses.

PESHORJA

Sot nuk do ta kuptoni në mënyrën e duhur partnerin. Nëse nuk jeni çift, do të bëni çdo gjë për të realizuar një takim të ri. Në aspektin financiar bëni ato blerje që dëshironi.

AKREPI

Sot do të jetë një ditë e këndshme në aspektin afektiv. Nëse nuk jeni çift, do të argëtoheni me shoqërinë tuaj. Në aspektin financiar do të bëni ato shpenzime që ju duhen më shumë.

SHIGJETARI

Sot do të shprehni gjithçka që mendoni te partneri juaj. Nëse nuk jeni çift, pranoni ftesat nga miqtë për t’u argëtuar. Në financë menaxhoni mirë të ardhurat, që ju të keni sukses.

BRICJAPI

Sot duhet ta kuptoni partnerin për gjithçka që ju thotë, pasi është duke punuar për një projekt. Nëse nuk jeni çift, do të takoni miqtë e vjetër. Menaxhoni mirë financat që keni.

UJORI

Sot disa gjëra kanë për të ndryshuar në mënyrë pozitive për aspektin afektiv. Nëse nuk jeni çift, do të keni takime interesante. Financat janë pozitive, prandaj mund të investoni.

PESHQIT

Sot duhet të keni një sjelle të mirë me partnerin tuaj. Nëse nuk jeni çift, do të njihni persona të rinj në një aktivitet social. Në financë ju nuk duhet të kryeni shumë shpenzime.

Ata që po merren për të gjetur vrasësit e Klaudio Prendit, i kanë të gjitha pistat në tavolinë.

Duke nisur nga detyra e mëparshme e babait të tij Fran Prendi një gjyqtar i krimeve të rënda i dorëhequr nga sistemi. Deri tek konfliktet personale dhe lojërat e fatit.

Një burim i tha Top Channel se ka dyshime ende të pakonfirmuara se Klaudio administronte një website llotosh dhe që kohët e fundit kishin fituar për gati tetë mijë euro lojë disa të rinj, të afërm të klanit Duka. Por kjo e dhënë është përftuar nga dëshmitarë të tërthortë dhe për këtë arsye policia i ka pyetur të rinjtë që dyshohet se kanë patur konfliktin

Me dy makina të bllokuara si prova, njëra e viktimës dhe tjetra e autorëve ekspertët janë vënë në kërkim të kamerave të sigurisë si kjo ku shfaqet brenda pak sekondash momenti i vrasjes së tij. Edhe një pistoletë e bllokuar në makinë cilësohet si provë e vlefshme, njësoj si dëshmia e dy efektivëve që ishin personat e fundit që e takuan.

Dy policët kanë treguar se e takuan rastësisht të ndjerin dhe se ai nuk kishte shfaqur asnjë shenjë shqetësimi.

Nga ana tjetër për hetuesit është e qartë se Klaudio Prendi është djali i një gjyqtari, i cili ka dhënë vendime ndaj grupeve kriminale, një ndër to dënimi i Salvadore Letizias anëtar i Kamorras./TCH

Ardian Kona, ish-drejtor i Kadastrës së Durrësit, u arrestua sot pasi ndj tij ishte caktuar masa “arrest me burg” për veprën penale “Shpërdorimi i detyrës”, kryer në bashkëpunim.

52-vjeçari Ardian Kona është djali i tezes së Monika Kryemadhit, deputete e Partisë së lirisë, dhe ish-bashkëshortja e Ilir Metës, ish-Presidentit të Republikës.

Masa e sigurisë ndaj Ardian Konas është caktuar nga Gjykata e Durrësit, më datë 19.11.2024, në kuadër të një hetimi për regjistrimin e një prone, me dokumente false.