Author: editor

Emisioni “Fiks Fare” denoncoi gjendjen e kuzhinës së kopshtit shtetëror në Delvinë, i cili s’ka “tenxhere, tepsi, pjata e pirunj”.

Madje, edhe pjesët e tjera si soba, lavamani apo frigoriferi nuk ishin të përshtatshme për gatimin e vakteve për të paktën 40 fëmijë.

Grupi i Fiksit bisedoi me kuzhineren e kopshtit Dhurata Zejnati, e cila tregon gjendjen. Sipas saj, “s’ka enë kuzhinë, tenxhere, tepsi, tiganë, pjata e çdo gjë tjetër”. Sipas saj, në atë kopësht janë 40 fëmijë, por për t’u servirur tre vakte, mëngjesin, drekën dhe pasditen ajo e ka shumë të vështirë. Ajo thotë se kopshti ka qenë egzistues, ndërkohë që me drekë u hap me shpejtësi në muajin dhjetor 2022. Por, kuzhina s’kishte asnjë kusht dhe ajo është vetëm për të gatuar, pastruar dhe larë enët.

“Ja shikoni, s’ka asnjë gjë këtu. Unë kam marrë tenxheret e mia nga shtëpia, këtu ishte vetëm një. Më vinte keq për fëmijët ndaj i mora. Këtu s’është vënë dorë, as kuzhina dhe as respiratori. Është vetëm një sobë e vogël dhe një frigorifer i vogël. Të paktën ushqim ka, por e kam shumë të vështirë që t’u shërbej. Kam bërë disa ankesa në drejtori, te drejtoresha Alma Serjani, por deri më tani asnjë gjë.Kam shkuar te ish-kryetarja e Bashkisë Delvinë, ajo që e hapi kopshtin me drekë. Më mbanin me shpresa kot, jo do e bëjmë, por deri tani asnjë gjë. Kam shkuar dhe te kryetari aktual, por deri tani s’kanë marrë masa”, thotë Dhurata.

Në momentin që Fiksi po xhironte kuzhinën, vjen drejtoresha e kopshtit Alma Serjani, e cila i drejtohet Fiksit të mos xhirojë dhe se do interesohet nëse do japë informacion. Fiksi e pyet disa herë se përse është lënë në këtë gjendje kuzhina, teksa Dhurata e ka të pamundur të gatuajë në këto kushte për fëmijët. Ajo thotë se janë bërë disa kërkesa në Bashki dhe “na kanë thënë që vitin tjetër do e bëjnë kuzhinën”. Fiksi i thotë se situata nuk pret, pasi fëmijët duhet të ushqehen përditë, teksa ajo thotë se këtë problem e ka çuar te bashkia dhe i kërkon grupit të Fiks Fare të mos xhirojë.

FIksi shkon në Bashkinë e Delvinës, ku bisedon me Ersi Hamitin, shefin e Kabinetit në Bashkinë e Delvinës. Zyrtari i bashkisë thotë se e di gjendjen dhe se e kanë parashikuar për të ndërhyrë në kuzhinë. Fiksi i bën me dije se një kuzhiniere s’mund të ushqejë 40 fëmijë në ato kushte, teksa ai shton se “aty i kemi fëmijët të gjithë dhe kanë ndërhyrë edhe si prindër për të rregulluar kuzhinën”.

Fiksi e pyet se kur do të ndërhyhet, teksa shefi thotë se si drejtoresha dhe kuzhinierja kanë kërkuar që të ndërhyhet, por për shkak të të ardhurave të vogla të bashkisë, investimi është shtyrë. Në fund, Shefi i Kabinetit thotë se bashkia ka kontaktuar disa donatorë dhe punimet do të fillojnë javën tjetër dhe do të përfundojnë për 2 muaj. Ndërkohë, megjithëse kaluan disa javë nga filmimet e Fiksit, në atë kopsht s’ka filluar asnjë punë!

Ballafaqimi mes Fiksit, Kuzhinieres dhe Drejtoreshës

Gazetari – S’keni tenxhere, s’keni tigan. Një sobë e vogël për 45 fëmijë!

Drejtoresha – Shiko, ato … soba, soba kur ka ardhur, ka ardhur e re. Jemi munduar të gjitha bashkë siç jemi.

Gazetari – Çfarë ka, i keni sjellë të gjitha bashkë?!

Drejtoresha – Jo, jo, jo.

Gazetari – Disa ti, disa Dhurata, disa edukatoret e tjera.

Drejtoresha – Jo, jo. Ka sjellë dhe bashkia.

Gazetari – Çfarë ka sjellë bashkia?

Drejtoresha – Ka sjellë tenxhere, ka sjellë të gjitha.

Kuzhinierja – Hajde tregoja, hajde!

Gazetari – Çfarë ka sjellë?

Kuzhinierja – Hajde tregoja Alma.

Drejtoresha – Bashkia i ka sjellë të gjitha.

Kuzhinierja -Tregoji çfarë ka sjellë bashkia, hajde.

Gazetari – Ti shohim bashkë 2 minuta dhe pastaj ty të lëmë të qetë?! ti shohim bashkë?

Drejtoresha – Një minutë të lutem, mund të bëj një telefon.

Kuzhinierja – Kemi 2 vjet kështu moj Alma që po sorollatemi.

Gazetari – Sa po bëni?

Kuzhinierja – 2 vjet plot, në 2 dhjetor unë mbush 2 vjet këtu! Unë s’mundem më.

Drejtoresha – Tani fjalën na e ka dhënë kryetari dhe unë s’mund të flas.

Kuzhinierja – Fjalën ma dha dhe mua kryetari po gjë!

Gazetari – Enë ka, pjata, lugë?

Kuzhinierja – Jo mo jo, janë të pakta të gjitha, të gjitha mungojnë.

Gazetari – S’ka as enë?

Kuzhinierja – As enë, hajde shikoji, hajdeni futuni.

Drejtoresha – Dëgjo, të lutem, të lutem.

Kuzhinierja – Hë?

Drejtoresha – Pa marrë aprovimin nga kryetari, madje është një institucion. Të lutem Dhurata, mos …

Kuzhinierja – Po vuaj unë.

Gazetari – Çfarë ka sjellë bashkia dhe çfarë ka sjellë (kuzhinierja).

Drejtoresha – Të lutem, të lutem.

Gazetari – Po.

Drejtoresha – Të lutem Dhurata të bëj një telefon.

Gazetari – Do na japësh një intervistë.

Drejtoresha – Të lutem, besoj se e morët atë që donit.

Gazetari – Jo ne e morëm, po çfarë do bëhet? Ne këtë duam, çfarë do bëhet?

Drejtoresha – Jemi në pritje. Nuk flas, edhe kaq ka bërë gabimin më të madh.

Gazetari – Pse gabimin më të madh?

Drejtoresha – Që jeni futur në institucion.

Gazetari – Është një institucion, ti e ke parë gjendjen, ti e di problematikën.

Drejtoresha – Unë e di problematikën.

Gazetari – Ti je dhe drejtoreshë.

Drejtoresha – Po kam bërë kërkesën pranë bashkisë, më është dhënë fjala në 2025-ën, jemi të parët për çfarëdolloj
problemi që të kemi.

Gazetari – Në 2025-ën?!

Drejtoresha – Po pra që të hapet projekt-buxheti. Sepse s’është hapur buxheti.

Gazetari – Tani ju kanë thënë që s’ka fonde bashkia, që të paktën të sjellë 2 tenxhere, të sjellë 1 sobë, të sjellë …
Drejtoresha – Jo, jo bashkia na ka ndihmuar dhe nuk mund ta mohojmë.

Kuzhinierja – Të flasë dhe kur s’ka korrent, kur nuk ka korrent duhet të gatuaj unë patjetër. Unë kam sjellë një sobën time me gos, ajo është me probleme.

Gazetari – Po gaz ka? Kopshti ka gaz?

Drejtoresha – Gazin, e kemi bombulën e gazit për raste emergjente.

Kuzhinierja – E kujt ia është bombula e gazit, është e imja.

Drejtoresha – Në raste emergjente.

Kuzhinierja – Është e imja, e imja bombula e gazit, është e pacertifikuar.

Gazetari – E ke sjellë vetë?

Kuzhinierja – Po ja të ta nxjerr unë këtej. Është e pa certifikuar.

Drejtoresha – Të lutem nuk ka më, të lutem se jam në proces. Të lutem, të lutem.

Gazetari – Po ta sjellësh fëmijën në një kopsht shtetëror …

Kuzhinierja – Ja (tregon bombulën e gazit).

Gazetari – Dhe me këto kushte, besoj se as ti nuk je!

Drejtoresha – Të thashë, kopshti është për herë të parë që është hapur pas 30 vitesh.

Kuzhinierja – Ja gazi, ky është i imi. Të vë kusi unë këtu dhe të gatuaj.

Gazetari – Me këtë gatuan?

Kuzhinierja – Me këtë!

Gazetari – Për 45 fëmijë?

Kuzhinierja – Po, po me këtë. Të vë një kusi të madhe unë dhe të gatuaj me këtë. Kjo është kot për mendimin tim.

Gazetari – Në qoftë se s’ka drita, pse ikin dhe dritat?!

Kuzhinierja – Po ikin dritat.

Drejtoresha – Me raste. Të lutem, të lutem deri tani fola më miqësore.

Gazetari – Dhe ne miqësore kemi ardhur për të rregulluar sadopak këtë gjendjen.

Drejtoresha – Të lutem hiqe mikrofonin.

Gazetari – Tani ku duhet të shkoj që këtë zërin tuaj që të dëgjohet?!

Drejtoresha – Zëri im dhe zëri i kolegeve të mia të gjitha te bashkia.

Gazetari – Me këtë gjendje që është, a mund ti vijë (kuzhinierja) 45 fëmijëve?

Drejtoresha – Deri tani, po deri tani (tenton të largojë mikrofonin).

Gazetari – Mos e kap mikrofonin! Mos e prek.

Drejtoresha – Të lutem, deri tani …

Gazetari – I keni ardhur në ndihmë?

Drejtoresha – Fola, po i kemi ardhur në ndihmë!

DASHI

Ditë ideale për të sqaruar situatat e dashurisë që ju shqetësojnë. Nëse jeni në çift, mund të ndiheni më të afërt me partnerin, por komunikimi është çelësi. Nëse jeni beqarë nuk përjashtohet një takim interesant. Mundësi të mira, veçanërisht nëse duhet të merrni vendime të rëndësishme. Vendosmëria juaj sot mund të çojë në rezultate konkrete.

DEMI

Sipas horoskopit të Paolo Fox, në dashuri, sot mund të reflektoni për të ardhmen e marrëdhënies suaj. Nëse keni dyshime, mos kini frikë t’i shprehni ato, por bëjeni me delikatesë. Mund të ndjeni pak lodhje, por nuk mungojnë idetë e mira që do t’ju ndihmojnë të gjeni zgjidhje kreative.

BINJAKËT

Dita premton mirëkuptim me partnerin. Nëse jeni beqarë, mund të keni takime të këndshme, por mos prisni afera shumë serioze sot. Mund të ndiheni më të motivuar dhe të gatshëm për të ecur përpara me projektet tuaja. Mundësi të shkëlqyera rritjeje.

GAFORRJA

Mund të ndiheni më introvert, por nëse jeni në një marrëdhënie të qëndrueshme, kjo mund të jetë koha për të reflektuar mbi ndjenjat. Njohje të reja mund të lindin nën kujdesin e mirë. Përpjekjet që po bëni në projektet tuaja kanë filluar të japin fryte. Megjithatë, disa sfida të vogla mund t’ju testojnë.

LUANI

Sipas horoskopit të Paolo Fox, një ditë pozitive për çiftet e konsoliduara. Energjia juaj diellore mund të tërheqë dikë që ndan idealet tuaja nëse jeni beqarë. Ditë e madhe karriere. Mund të merrni një propozim interesant ose të arrini të kapërceni ndonjë vështirësi.

VIRGJËRESHA

Mund të ndjeni një ndjenjë pakënaqësie, por nuk është koha për të marrë vendime impulsive. Mendoni para se të veproni. Ju mund të ndiheni të mbingarkuar me shumë gjëra për të bërë, por aftësia juaj për të menaxhuar detajet do t’ju ndihmojë të arrini gjithçka.

PESHORJA

Në dashuri, mund të kërkoni një stabilitet më të madh. Nëse jeni në një lidhje, përpiquni të mos jeni shumë kërkues. Nëse jeni beqarë, mund të jeni më selektivë. Në punë mund të përballeni me një sfidë të vogël, por asgjë nuk mund ta zgjidhni me diplomacinë dhe aftësinë tuaj.

AKREPI

Sipas horoskopit të Paolo Fox, mund të jeni më të ndjeshëm dhe të zhytur në mendime për emocionet tuaja. Nëse jeni në çift, përpiquni të jeni më të hapur ndaj partnerit. Beqarë, sharmi është në maksimum! Në punë mund të keni intuitë të shkëlqyera. Është një ditë e mirë për të zgjidhur situata të komplikuara.

SHIGJETARI

Dita e sotme mund të sjellë pak pasiguri. Nuk është koha më e mirë për të marrë vendime radikale, por mund të ketë një interes të ripërtërirë për dikë. Një konfuzion i vogël në punë mund t’ju shpërqendrojë. Qëndroni të qetë dhe vazhdoni me kujdes.

BRICJAPI

Ditë e favorshme për dashurinë. Nëse jeni çift, mund të përjetoni momente bashkëpunimi dhe intimiteti. Beqarët mund të marrin sinjale pozitive nga një njohje e fundit. Koha e mirë për t’u përqëndruar në qëllimet tuaja afatgjata. Duke punuar vazhdimisht, përpjekjet tuaja do të shpërblehen.

UJORI

Sipas horoskopit të Paolo Fox, mund të ndiheni pak më të shkëputur ose reflektues për marrëdhënien tuaj. Nëse jeni beqarë nuk është një ditë ideale për takime pasionante, por një dialog i mirë mund të sjellë surpriza. Idetë tuaja novatore vlerësohen shumë në punë. Përfitoni nga kjo fazë për të prezantuar projekte të reja.

PESHQIT

Mund të ndiheni veçanërisht romantikë dhe idealistë në dashuri. Nëse jeni çift, është momenti i duhur për të shprehur ndjenjat tuaja. Mund të jeni pak të hutuar, por intuita juaj do t’ju udhëheqë sërish drejt zgjidhjeve kreative. Mos lejoni që vështirësitë e vogla t’ju pengojnë.

Një 18-vjeçar shqiptar dhe dy binjakë 20-vjeçarë kanë humbur jetën në vendin e punës në Itali.

Mediat italiane raportojnë se i riu shqiptar dhe dy binjakët punononin në një fabrikë fishekzjarresh në Campania, e cila shpërtheu.

Sipas mediave për të riun shqiptar kjo ishte dita e tij e parë e punës, dhe në momentin kur ka ndodhur shpërthimi tre të rinjtë kanë qenë duke ngrënë drekë.

Gjithashtu raportohet se fabrika ku ata punonin ishte e palicencuar, ndërsa policia ka nisur punën për zbardhjen e rrethanave të kësaj ngjarjeje tragjike.

Një konflikt mes adoleshentëve, i mori jetën këtë të hënë një 14-vjeçari në Tiranë. Martin Cani, u godit me thikë në afërsi të shkollës “Fan Noli” dhe nuk i mbijetoi dot plagëve.

Ai ndërroi jetë në spital një orë pas ngjarjes. Ndërsa konflikti mes tyre dyshohet të ketë nisur në rrjetet sociale.

Ngjarja ndodhi rreth orës 13:10 të së hënës, menjëherë në përfundim të orarit mësimor. Fillimisht, në sherr u përfshinë një grup adoleshentësh të moshës 14 dhe 15 vjeç.

Ata ishin nxënës në shkollën “Fan Noli”, 200 metra larg vendit ku ndodhi dhe ngjarja, dhe disa të tjerë, nxënës në një shkollë në Sauk.

Pas debateve me fjalët banale, sherri vijoi mes tre adoleshentëve, të cilët morën dhe lëndime me thikë. Një orë pasi mbërriti në spitalin e Traumës, një 14-vjeçar ndërroi jetë pas goditjes që kishte marrë në zemër.

Ndërsa dy bashkëmoshatarët e tij vijojnë të jenë në spital për të marrë ndihmën mjekësore. Mësohet se njëri prej tyre ka marrë 6 goditje thike në trup, e ndërsa tjetri një goditje të lehtë në krah. Pikërisht ky i fundit dyshohet nga policia të jetë edhe personi që ka goditur me thikë. Ndërsa mbetet e paqartë se si është plagosur edhe ai vetë.

Policia nuk ka ende të qartë motivet e krimit. Por nga veprimet paraprake ka dyshime që adoleshentët të jenë konfliktuar disa ditë më parë që në rrjetet sociale.

Në polici janë shoqëruar disa nxënës që ishin dëshmitarë të këtij konflikti që përfundoi tragjikisht me një vrarë e dy të plagosur. Ata janë marrë në pyetje në prani të psikologut.

Ngjarja tragjike e ndodhur pranë shkollës “Fan Noli” në Tiranë, ku një 14-vjeçar humbi jetën pas një konfikti me bashkëmoshatarë, ka tronditur shumëkënd.

14-vjeçari që u plagos me thikë në zemër dhe ndërroi jetë në spital, u mor nga vendi i ngjarjes nga një grua me makinë pasi ambulanca u vonua për shkak të trafikut.

Agetina tregon për Report Tv të gjithë dinamikën e ngjarjes. Për shkak të vonesës së ambulancës, ajo e ka marrë djalin në makinë dhe është nisur drejt QSUT.

Më pas, dëshmitarja tregon se ka ndaluar ambulancën në mes të rrugës dhe i ka dhënë djalin me shenja jete, i cili më pas ndërroi jetë në spitalin e Traumës.

Ajo tregon edhe momentin kur e pa djalin të shtrirë në tokë pasi e kishin plagosur me thikë. Disa njerëz e kishin rrethuar dhe i mbanin plagën, ndërsa i hidhnin edhe raki. Gruaja bashkë me një person tjetër kanë marrë djalin e kanë futur në makinë dhe janë nisur për në spital.

“Unë isha duke blerë mish për biznesin tim dhe dëgjoj ulërima. Kur shoh djali ishte përtokë, i hidhnin raki dhe i mbanin plagën. Askush nuk po vinte ta merrte, as mësues nuk pashë, asnjë. Ishte moment sekondi. Për 3 minuta shpërndava të gjithë turmën, mora djalin kam hipur mbi trotuar kam ecur me shpejtësi për në spital, pashë ambulancën e ndalova. Rrugës djali u përmend. E mora në makinën time dhe nuk po më ndihmonte asnjë, nuk erdhi njeri që të më vinte në makinë shoqërues. Aty më erdhi një djalë që punonte në laborator, i vuri dorën te plaga dhe djalin e përmendëm gjatë rrugës. I thosha shpirti nënës, shpirti mamit ti u bëre mirë, ia hodhe, kaloi çdo gjë. Ai bërtiti.

Rri i qetë i thash se shpëtove, kaloi çdo gjë, erdhëm në spital. Ia dhashë ambulancës dhe këtu erdha të interesohem nëse shpëtoi apo jo se nuk ja di as emrin. Kjo ka ndodhur rreth orës 13:00-13:30. Nxënës kishte plot, qanin ulërinin, njerëz pa fund që nuk dinin çtë bënin. Shpërndava turmën, rrëmbeva djalin, mora dhe një ndihmës dhe vrapova drejt ambulancës. Unë shpejtova më shpejt se ambulanca, kalova mbi trotuare, pengesa dhe arrita deri te ambulanca. E çova djalin gjallë dhe pa pikë gjaku. Kam makinën dhe s’ka asnjë njollë gjaku. Atletet e çunit ndodhen në makinë time”, tregon ajo për Report Tv.

Gazetari Adriatik Doçi ishte sot në një emision televiziv ka folur për ecurinë e hetimeve dhe gjyqit nga Metës dhe Berishës. Doçi thekson se në dosja Meta dhe Kryemadhi janë vizatuar ashtu siç janë denoncuar prej tij dhe të tjerëve më parë në media.

Për shkak të sfidimit të gjykatës u mor vendimi për arrest shtëpiak. Për Metën ka patur një skenar për ta zhvendosur tek mënyra demonstrative e arrestimit, duke lënë në hije faktet penale. Të cilët përligjin arrestimin e Ilir Metës pavarësisht mënyrës së arrestimit.

Është vizatuar Meta me Kryemadhin ashtu siç ne e kemi përshkruar në disa dalje mediatike. Në disa investigime të thelluara për aferat korruptive. E qartë dhe tentativa pasi mësuan se SPAK ra në gjurmë të aferave demonstruan një skenar për t’ia veshur përgjegjësinë penale Monika Kryemadhit. Sipas dosjes Meta është koka e operacione korruptive të finalizuara prej tij.
Logo

Ai shton se Meta është koka e korrupsioni, ndërsa Kryemadhit merimanga. Të dy kanë përfituar nga shtojcat e pushtetit që morën prej Berishës dhe Ramës.

Kryemadhi merimanga e akteve korruptive që ekzekuton në praktikë, kur kanë qenë shtojcë e pushtetit të Berishës dhe Ramës. Kanë përdorur pushtetin për tu pasuruar. Kanë përdorur pjesë nga pushteti i marrë nga Rama dhe Berisha, AKEP, ministrinë e Transporteve. Si formë e skemave korruptive u përdorën biznesmenë, si Kastriot Ismailaj që i shpërndante tek Ilir Meta. Në një segment tjetër përdoret biznesmeni Adrian Shatku, që merr koncesione linja për shtrimin e kabujve të internetit. Shërben si bankomat ku mblidhen paratë publike që shpërndahen tek Meta dhe Kryemadhi, për lobime, shërbime estetike. Dosja e tretë serioze që kulmon veprimtarinë e SPAK për të shembur murin e korrupsionit në Shqipërisë, dosja Ahmetaj, dosja e familjes Berisha dhe dosja e Metës. Ka dhe të tjerë të implikuar, miq të Metës, oligarkë, deputetë.

Doçi vuri në dukje se si Meta dhe Kryemadhi përdorën biznesmenë dhe nënën e Monika Kryemadhit si bankomat.

Janë 200 mijë euro për shërbime estetike që i ka marrë Meta dhe Kryemadhi. Nuk janë deklaruar në ILDKPI. Një pjesë ka ardhur nga nëna e Kryemadhit. Që përpos financimit të shërbimeve estetike ka financuar blerjen e pasurive të patundshme për Metën dhe Kryemadhin. Nuk ka të ardhura nga biznesi. Ka bërë punë të zakonshme. Ka shitur qepë dhe perime tek Qyteti Studenti. Punë e nderuar, por e pamjaftueshme për të blerë apartamente në bllok. Janë qindra mijëra euro. Këto para nuk justifikohen me burime të ligjshme. Nga burojnë para, ku i ka marrë Fatime Kryemadhi? Burojnë nga shfrytëzimi i pushtetit të Metës me biznesmenë të caktuar. Këto biznesmenë të kthen reston duke të kthyer një pjesë të parave, një pjesë i ka kaluar Fatime Kryemadhit dhe më pas tek Meta dhe Kryemadhi. U zbërthyen telefonat.

Sa i përket dosjes së Berishës, kemi rastin e vetëm kur e gjithë qeveria vihet në dispozicion dhëndrit të ish kryeministrit.

Në rastin e Berishës korrupsioni më i sofistikuar dhe Berisha qëndroi në prapaskenë dhe përdori aktorë të tjerë si kryeministër për të plaçkitur pasuri publike. I njëjti rezultat, tjetërsohen pasuritë publike dhe kalojnë në emër të familjarëve. Por mënyra si ka operuar është e ndryshme. Berisha vuri në dispozicion qeverinë për të ndryshuar ligjin e sportit për dhëndrin. Përfitoi mbi 6 mln euro dhe ngrin 19 kulla në pronë të tjetërsuar publike. Miraton gjoja në parim në mënyrë kolektive për të miratuar një ligj që përfiton dhëndri. E njëjta gjë me Argitën, kur i hap rrugë Damir Fazllic, që shërben si bankomat me Argita Berishën. Janë afera flagrante të konstatuara, dokumentuara nga SPAK dhe me dosjet që priten të finalizohet, Berisha dhe Meta do e kalojnë pjesën tjetër të jetës prapa hekurave.

Sakaq, Doçi thotë se SPAK vijon hetimet për Flamur Nokën.

Në proces hetimi është ish ministri i brendshëm Flamur Noka, disa episode të dyshuara korruptive kur ka qenë pjesë e Entit Kombëtar të Banesave, e përdori këtë post për ti dhënë banesa familjarëve. Episod tjetër që nga një i pastrehë Noka sot ka tek pallati i kuq tek Liqeni një pasuri 1 mln euro. Ka dhe një akuzë nga Bardhi që fsheh një vilë tek Gjiri i Lalëzit. Ka firmosur dhe rinovimin e koncesionit të pasaportave, duke i shkaktuar dëm buxhetit të shtetit. Janë 4 elementë të natyrës korruptive që rrezikojnë pozitat e Flamur Nokës.

Jemi në prag të muajit të Shigjetarit dhe ndodh një lëvizje shumë e rëndësishme planetësh pasi Plutoni kalon në Ujor ku do të qëndrojë për 20 vite. Planeti i metamorfozës tregon që mund të arrihet shumë në këto 20 vjet nëse keni përkushtim dhe vendosmëri.

Por sa i përket nuancave të kësaj jave, ka surpriza të mëdha. Astrologia Meri Shehu shprehet në parashikimin javor në “Rudina” në Tv Klan se “çfarë nuk na pret”. Ajo thekson se duhet të tregohemi të kujdesshëm me premtimet dhe do të përjetojmë ndryshime rrënjësore.

Meri Shehu: Çfarë nuk e pret secilën shenjë sepse është një javë e surprizave të mëdha, premtimeve të mëdha. Surprizat do të ndodhin, për premtimet nuk dihet akoma sepse kanë më shumë eufori sesa duhet. Sot ka qenë kundërshtimi i Mërkuri në Shigjetar me Jupiterin në Binjak dhe jepen premtime nga më të mëdhatë, por do të shohim a do të mbahen. Kujdes nga premtimet Binjakët, Shigjetarët,Ppeshqit dhe Virgjëresha. Kjo është java e çudirave të mëdha sepse kemi pasur kundërshtimin e diellit në Akrep me Uranin në Dem dhe është një surprizë shumë e madhe që i pret shenjat Dem, Akrep, Luan e Ujor, por larophet përfundimisht Plutoni nga Bricjapi në datën 19 dhe futet në Ujor. Të gjithë Ujroët, Luanët, Akrepët dhe Demët do të kenë një ndryshim shumë të madh në jetën e tyre, por është në thellësi të kohës, nuk ndodhin përnjëherë këto ndryshime. Ata që do të ndikohen drejtpërdrejt nga këto do të jenë Shigjetar, Virgjëreshë, Peshk dhe Binjak të lindur në 10-ditëshin e parë sepse futet dielli në Shigjetar në datën 21 dhe prek direkt Plutonin në Ujor. Këto 4 shenja do të ndiejnë direkt një ndryshim të madh në jetën e tyre.

Dashi – 3 yje

Dielli u kundërshtua shumë bindshëm me Uranin në Dem, solli një rrëmujë të madhe në çështjet ekonomike dhe sentimetale por mea duket do ta mbledhin veten gjatë ditëve, sidomos rreth datës 19 mund të kenë një ndryshim të madh në jetën e tyre dhe Dashët e lindur në 10-ditëshin e parë do të kenë një kthesë të madhe ose ndryshim bombastik sa i përket ekonomisë, familjes dhe çështjeve të karrierës.

Demi – 1 yll

Dielli në Akrep është kundërshtuar me Uranin në Dem dhe një surprizë e papritur, mund të jetë bërë një kthesë e çuditshme në jetën e tyre, ndoshta s’e kanë marrë lajmin akoma, por gjatë javës po. Javën tjetër kthehet Mërkuri i kundërt në Shigjetar, do të shohin mirë çështjet ligjore, ekonomike, të dhënat që kanë të bëjnë me paratë e të tjerëve, projekte të ndryshme.

Binjakët – 2 yje

Sot kundërshtohet Mërkuri në Shigjetar me Jupiterin në shenjën e tyre. Do të ketë shumë premtime, punë, eufori që s’dihet a do të mbahen. Të dëgjosh një premtim dhe t’i kesh pritshëmritë të larta e mos të dalin, natyrisht që ngelesh. Binjakët e lindur në 1-2 ditët epara të shenjës mund të kenë një lajm shumë të mirë, një kthesë të madhe në jetën e tyre dhe do ta shohin me kujdes çfarë është ajo gjë që do të ndodhë.

Gaforrja – 3 yje

Janë shenjë që marrin energji pozitive deri diku, por kundërshtimi i djeshëm bën që surprizat të vijnë te Gaforret në mënyrë pozitive. Sado që dielli në Akrep me Uranin në Dem janë kundërshtuar bashkë, në mënyrë anësore takohen mirë për Gaforren kështu që një surprizë e këndshme ndodh në jetën e tyre. Duhet të kenë kujdes prapaskenat e punës dhe premtimet e mëdha që u janë bërë në veçanti.

Luani – 2 yje

Do të futen në një epokë shumë të fuqishme në jetën e tyre, përballen direkt me Plutonin, 10-ditëshi i parë i Luanëve, sidomos të lindurit në ditët e para do të kenë një kthesë të madhe në jetën e tyre, do të shohin një ndryshim të papritur që janë shumë thelbësore, mund të jenë personale, pune apo familjare, por duhet të jenë të përgatitur Luanët për këto ndryshime që sjell Plutoni. Data 19 nuk është kaq e keqe. Marrin dy yje sepse ka një kthesë të mirë, nëse marrin energjinë e datës 19 për mirë do të arrijnë ta zbusin.

Virgjëresha – 1 yll

Kemi kundërshtimin me Mërkurin dhe Jupiterin, disa premtime, disa gjëra janë fryrë më shumë dhe pritshmëritë janë të larta, por gjërat mund të mos jenë siç u janë premtuar. Këtë vështirësi e kanë të lindurit në 10-ditëshin e dytë. Të tjerët i kanë situatat më të zbutura dhe do të kenë një kthesë të madhe ekonomike pas datës 19 e tutje.

Peshorja – 4 yje

Peshoret e lindura në 10-ditëshin e parë të shenjës së tyre, në datën 19 kanë një kthesë shumë të rëndësishme, një ndryshim thelbësor ndryshojnë vend, shtet, shkollë, familje në kuptimin e mirë të fjalës dhe ndryshon ADN-në e gjërave dhe të punëve. Do të presin një të ardhme më të ndritur këtë periudhë. Ndikimet e planetëve janë të vështira në anën ekonomike, nga dje ka ndodhur një ndikim i keq ekonomik. Të kenë kujdes ata që kanë pasur probleme në martesë.

Akrepi – 3 yje

Dje e kishin pak të vështirë, u përball dielli me Uranin dhe duhet të bëheshin më modernë, më të riparueshëm, më të hapur ose të ndryshonin në shumë gjëra. Nëse s’e kanë bërë, marrëdhëniet që nuk janë modernizuar shkojnë drejt humbjes ose një fataliteti, sidomos në çështje karriere apo bashkëpunimesh. Edhe në çift duhet të kenë shumë kujdes. Ekonomia pëson një kthesë shumë të madhe në datën 19, për mirë.

Shigjetari – 4 yje

Shigjetarët e lindur në 10-ditëshin e parë takohen bukur me Plutonin në Ujor, marrin një kthesë të mirë në datën 19, kurse të tjerët duhet të kenë kujdes nga premtimet që japin ose surprizat sepse i gjejnë papërgatitur. Nëse Shigjetarët kanë premtuar shumë dhe nuk i mbajnë dot premtimet, kthehen në bumerang në jetën e tyre dhe i kundërshtojnë bindshëm në dëshira.

Bricjapi – 4 yje

Kanë Afërditën në shenjën e tyre kështu që jeta personale dhe ekonomia do të shkojnë mirë. Kishin një kundërshtim dje, por në datën 19 Plutoni ikën nga shenja e tyre dhe do të çlirohen nga një perde e errët që kanë 20 vjet që e kanë pasur aty dhe janë ndier më të strukur, mistikë e të këqinj. Tani kthejnë një hap tjetër, e kanë mposhtur të keqen dhe besojnë më shumë tek e mira.

Ujori – 3 yje

Mirëpresin Plutonin në shenjën e tyre. Plutoni qëndron për 20 vite në shenjën e tyre, do të ndryshojë në thellësi jetën e shumë Ujorëve, kryesisht të lindurit në 10-ditëshin e parë që do të kenë ndryshime të mëdha në dëshira, planifikime, punë, shtëpi. Janë edhe shenjë e së ardhmes kështu që janë të parapërgatitur. I pret një transformim i madh.

Peshqit – 2 yje

Kanë një premtim që nuk mbahet, do të zhgënjehen nga një mik, shok kështu që kujdes sepse kthehet edhe Mërkuri i kundërt javën tjetër kështu që do të duhet më shumë punë që të rregullojnë gjërat. Kujdes çfarë premtimesh japin e marrin sepse është një kështjellë rëre në mes.

Një ish-zëdhënës i presidentit rus Vladimir Putin ka paralajmëruar britanikët për ‘luftë bërthamore deri në Krishtlindje’ pasi Ukrainës iu dha leja për të lëshuar raketa perëndimore me rreze të gjatë veprimi në territorin e Kremlinit.

Sergej Markov, një ish-zëdhënës i Putin tha sot se aleatët perëndimorë, duke përfshirë Britaninë, Francën dhe SHBA-në, kishin bërë një “hap të madh” drejt konfliktit bërthamor duke i dhënë Ukrainës një miratim të tillë.

Markov tha se lëvizja e presidentit amerikan Joe Biden mund të nënkuptojë se britanikët “nuk do të jenë në gjendje t’i urojnë njëri-tjetrit ‘Gëzuar Krishtlindjet’ pasi mund të ishin në strehimoret nukleare”.

Masa tronditëse e Presidentit Biden u mirëprit nga Ukraina, nga burime të larta të mbrojtjes në Mbretërinë e Bashkuar dhe nga shumë liderë evropianë.

Ata vunë në dukje se Kremlini dhe zëdhënësit e tij në median dhe akademinë e kontrolluar nga shteti kishin kërcënuar me luftë bërthamore sa herë që Perëndimi kishte rritur mbështetjen e tij për Ukrainën – si kur ofronte tanke, avionë luftarakë dhe sisteme të tjera të sofistikuara të armëve.

Megjithatë Markov u shpreh i bindur se kjo lëvizje ishte e ndryshme sepse ushtritë perëndimore do të përfshiheshin drejtpërdrejt në konflikt për herë të parë, pasi Ukraina do të kërkonte ndihmën e tyre për të përdorur sistemet e raketave të drejtuara me saktësi.

“Ky vendim i Shteteve të Bashkuara, Britanisë së Madhe dhe Francës nuk është një hap drejt luftës bërthamore, është një kërcim i madh drejt luftës bërthamore, katastrofës bërthamore. Është një vendim shumë i rrezikshëm. Çështja është se këto raketa nuk mund të lëshohen nga ushtria ukrainase, teknikisht”, u shpreh ai.

Një nxënës i shkollës 9-vjeçare “Fan Nolin” në kryeqytet ka treguar për Top Channel momentin kur ai pa ngjarjen e rëndë, një sherr mes adoleshentëve, ku për pasojë humbi jetën një 14-vjeçar, i cili u qëllua me thikë.

Nxënës i klasës së shtatë, ai tregon se nuk i njeh të miturit që u përfshinë në sherr, por kur rastisi aty pa disa nga të mbuluar me gjak.

Ti kishe dalë nga mësimi?

-Mbarova shkollën, dola për qejfin tim, po ikja për shtëpi dhe mora një byrek. I pash me gjak dhe ika direkt me vrap.

I njihje personat e përfshirë?

-Jo, nuk i njihja fare.

Ça klase je?

-Në klasë të shtatë

Ata ishin në klasë të tetë dhe të nëntë?

-Nuk i njoh, nuk i pashë as me fytyra kush ishin. Edhe po t’i njihja nuk i pashë në fytyrë. Thjesht ika direkt.

Njëjtë edhe shteti fqinj, Finlanda, ka lansuar një faqe të internetit me thirrje të ngjashme, raporton agjencia e lajmeve AFP.

Si Suedia, ashtu edhe Finlanda, kanë hequr dorë nga neutraliteti që kanë ruajtur për dekada, dhe i janë bashkuar aleancës ushtarake të NATO-s, pasi Rusia ka nisur luftën në Ukrainë, në shkurt të vitit 2022.

Prej nisjes së luftës, Stokholmi u ka bërë thirrje vazhdimisht suedezëve që të përgatiten si mendërisht, ashtu edhe në aspektin logjistik për mundësinë e luftës, duke përmendur situatën serioze të sigurisë në afërsi.

Udhëzuesi “Nëse përballemi me krizë apo luftë”, i nisur prej Agjencisë Suedeze të Kontigjencave Civile, përmban informacion se si duhet të përgatiten banorët për emergjenca sikurse lufta, katastrofat natyrore dhe sulmet kibernetike.

Udhëzuesi është një version i përditësuar i pamfletit që Suedia e ka lëshuar pesë herë prej Luftës së Dytë Botërore.

Versioni paraprak, i nisur më 2018, ka qenë i pari që u është dërguar suedezëve prej vitit 1961, periudhë e Luftës së Ftohtë.

“Situata e sigurisë është serioze dhe duhet të forcojmë qëndrueshmërinë për t’u përballur me kriza apo edhe ndonjë luftë”, ka thënë Mikael Frisell nga Agjencia Suedeze e Kontigjencave Civile.

Në udhëzues përmendet edhe se si duhet siguruar edhe ruajtur ushqimi dhe uji.

Agjencia ka thënë se udhëzuesi i përditësuar i vitit 2024 ka në fokus përgatitjen për luftë.

Në dy javët e ardhshme, udhëzuesin pritet ta pranojnë 5.2 milionë shtëpi në Suedi.

Udhëzuesi është përgatitur në gjuhën suedeze dhe në disa gjuhë tjera.

Po të hënën, Qeveria në Finlandë, e cila ndan një kufi prej 1.340 kilometrash me Rusinë, e ka lansuar një uebfaqe me informacione për përgatitje të banorëve për kriza të ndryshme.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./rel