Author: editor

Detaje të reja janë zbardhur nga vrasja e 33-vjeçarit Ramazan Mataj në fshatin Dragoç në Shkodër. Policia ka zbuluar se ka qenë një sms në Facebook nga një vajzë që e ka nxjerrë në pritë.

Por dyshohet se ka qenë një profil fallco me emër vajze, pas të cilit fshihej autori i vrasjes.

Autori dyshohet se i ka zënë pritë të riut rreth 1.2 km larg banesës së tij. Burime pranë grupit hetimor bëjnë me dije se nga hetimet paraprake rezulton se autori ka qenë një person i vetëm.

Autori ka qenë i fshehur, duke pritur Ramazan Matajn dhe sapo ka ardhur makina e viktimës, ka hapur zjarr duke e qëlluar me 29 plumba. Ka qenë një banor i zonës që në mëngjesin e ditës tjetër ka gjetur viktimën brenda në makinë dhe më pas ka lajmëruar Policinë.

Mësohet se gjurmët e autorit janë ndjekur nga grupi hetimor përmes një qeni të Policisë, i cili i ka çuar deri në një farë distance.

Për shkak se zona ku ka ndodhur atentati nuk është e mbuluar me kamera sigurie, identifikimi i autorit është edhe më i vështirë.

Familjarët e viktimës kanë treguar në polici që nuk kanë asnjë konflikt me askënd. Babai 33 vjeçarit Ramazan Mataj ka thyer heshtjen pas atentatit tragjik që i mori jetën djalit të tij një ditë më parë.

Ai ka kërkuar drejtësi dhe që autorët të vihen pas hekurave. Ai pretendon se djali i tij nuk ka pasur probleme me askënd dhe se shumë shpejt pritej që të fejohej me një vajzë.

Hetuesit bëjnë me dije se pista kryesore është ajo e një konflikti personal, e lidhur me një marrëdhënie dashurie që mund të ketë pasur 33-vjeçari, por nuk përjashtohet edhe aktiviteti i viktimës jashtë vendit.

Metapneumo virusi që është përhapur në Kinë nuk është një virus i ri, pasi ka qarkulluar edhe më parë madje edhe në vendin tonë.

Shefja e departamentit të sëmundjeve infektive, Silva Bino sqaron se simptomat e këtij virusi janë të ngjashme me virusin respirator sisnicil dhe gripin.

Bino tha: “Është e vështirë ta dallosh dhe kryesisht prekja është kulmonare dhe preken bronket dhe shfaqet ajo që quhet bronkolit. Bronkoliti është një simptomë që shfaqet me fishkëllima. Nënat e dinë për fëmijët e vegjël, por kjo shfaqet dhe te të rriturit. Pra mezi marrin frymë, vështirësi në frymëmarrje. Këto simptoma duhet t’i bëjë njerëzit që të shqetësohen”.

Por ka disa grupmosha që mund ta kalojnë më rendë.
“Simptomat më të rënda shfaqen kryesisht tek personat e moshuar mbi 65 vjeç. Persona të cilët kanë dëmtime imunitare. Gjithashtu dhe te fëmijët më të vegjël se 5 vjeç”, shtoi ajo.

Infektimi me metapneumovirus paralelisht në grip apo me ndonjë virus tjetër komplikon gjendjen shëndetësore tek pacientët. Por si mund të ruhemi ndaj tij?

“Infeksionet respiratorë kërkojnë që personi të vetizolohet. Pra një person i cili është i sëmurë me kollë, me temperaturë, me rrufë nuk mund të shkojë në punë, në kafene. Mund të mbajë maskë”, tha Bino.

Një vit më parë, Bino ishte prekur nga ky virus.

“Unë vetë kam qenë me metapneumo virus e infektuar. Natyrisht është bërë në kuadrin e një pneumonie që u identifikua çfarë ishte. Kjo është arsyeja pse të gjitha pneumonitë që kanë një shkallë rëndese, ne përpiqemi që të kryejmë një panel të gjerë të viruseve respiratorë. Në atë kohë isha goxha e lodhur. Unë e kalova me një pneumoni. Nuk isha shumë rëndë, por isha për t’u shtruar në spital”, përfundoi ajo.

Edhe pse është identifikuar në vitet 2000, ky virus nuk ka pësuar mutacion dhe nuk shkakton pandemi. Në Kinë shpjegon Bino janë alert ndaj çdo virusi respiratorë dhe kjo ka bërë që të identifikohen shumë raste.

Një tërmet është ndjerë në Kosovë para pak minutash.

Ky tërmet është ndjerë në afërsi të kufirit mes Kosovës dhe Maqedonisë së Veriut.

Epiqendra e tërmetit ishte 9 kilometra në juglindje të Kaçanikut, me një thellësi prej 8 kilometrash.

Lëkundjet kanë qenë të lehta, andaj nuk është raportuar për dëme nga ky tërmet.

Kapiteneria e Portit Durrës bën me dijeni se mbas njoftimit të marrë në orën 15:50 nga Af Marina e cila ishte nisur nga Porti Durrësit në orën 13:00 në drejtim te Barit, për një emergjence mjekësore (abort spontan) te një shtetase shqiptare.

Sapo ka marrë njoftimin u urdhërua kthimi i tragetit në radë dhe u vendos ne gatishmëri rimorkiatori Joni për te shkuar ne rade për te marr shtetasen e sëmurë.

Gjithashtu në bashkëpunim me autoritet portuale u vendos ne gatishmëri ambulanca e APD për të transportuar të sëmurën në spital, e cila u transportua në spital.

Unaza e Madhe e Tiranës duket se nuk po ndihmon në çlirimin e trafikut në kryeqytet.

Vetëm pak ditë pas hapjes së plotë të saj për qarkullim, disa akse të saj janë paralizuar nga trafiku i rënduar.

Aktualisht, më e rëndë situata paraqitet pranë Liqenit Artificial, në zonën e Astirit si dhe në aksin nga Vora deri te mbikalimi i Kasharit.

Radha kilometrike është formuar nga dalja e Unazës së Madhe te sheshi “Shqiponja” deri në drejtim të aeroportit të Rinasit.

Gazetari Poli Hoxha ishte këtë të hënë në një intervistë për një emision televiziv ku ka komentuar ndër të tjerat ngjarjen e rëndë që tronditi Shkodrën ditën e djeshme, vrasjen e 33-vjeçarit Ramazan Mataj.

Ai tha se motivi për këtë ngjarje të rëndë është ende i paqartë, ndërsa po hetohet lidhur me veprimtarinë e viktimës në Belgjikë.

Sipas gazetarit dyshohet se vrasja ka ardhur si pasojë e konflikteve që Mataj mund të ketë pasur për shkak të këtyre veprimtarive.

“Motivi këtu është ende i paqartë, sepse kemi të bëjmë me një kurth. Festat e fundvitit historikisht kanë mbledhur dhe lëkurë hakmarrjeje, sidomos për emigrantët, të cilët kthehen zakonisht në fundvit.

Viktima kishte një vit që ishte kthyer nga Belgjika. Në dijeninë time, policia e Shkodrës dhe prokuroria janë duke pritur të dhëna nga autoritetet belge për veprimtarinë, a ka patur precedent më herët apo jo, pasi pista kryesore është pikërisht një hakmarrje për veprimtarinë e tij jashtë vendit.

Por për këtë nuk ka ende të dhëna. Nga mënyrë se si është kryer duket se ka qenë një atentat i mirë organizuar. Ky ka rënë në këtë kurth që për mendimin tim është i lehtë. Kjo tregon edhe se nuk është ruajtur shumë. Ai ka pranuar takimin me një vajzë që nuk e njeh e ka dalë në vendin që i ka kërkuar ajo. Përdorja e femrave, ka shumë vrasje në Shqipëri që është përdorur kjo mënyrë”,-tha gazetari.

Dyshohet se Ramazan Mataj u vra mbrëmjen e të shtunës ndërsa trupi i tij u gjet të dielën më 5 janar 2025. Autori dyshohet se i ka zënë pritë të riut, rreth 1.2 km larg banesës së tij. Burime pranë grupit hetimor bëjnë me dije se nga hetimet paraprake rezulton se autori ka qenë një person i vetëm.

Ai dyshohet se e ka nxjerrë Ramazanin nga shtëpia përmes një mesazhi në rrjetet sociale me një profil fals. Autori ka qenë i fshehur, duke pritur Ramazan Matajn dhe, sapo ka ardhur makina e viktimës, autori ka hapur zjarr duke e qëlluar me 29 plumba drejt automjetit të viktimës. Ka qenë një banor i zonës që në mëngjesin e ditës tjetër ka gjetur viktimën brenda në makinë dhe më pas ka lajmëruar Policinë.