Gazetari i njohur, Bled Mane, ka qenë një ditë më parë i ftuar në emisionin “S’e luan Topi” në Top Channel, ku ka folur për jetën e tij private dhe jo vetëm.
Gjatë kësaj interviste, Mane është pyetur edhe në lidhje me disa prej ish-banorëve të “Big Brother VIP 2”, me të cilët pati një rrugëtim në shtëpinë më të famshme në Shqipëri.
Gazetari i njohur u shpreh se Luizi Ejlli e meritonte fitoren. Sipas tij, ai ishte një dallaverexhi me 5 yje dhe ishte i programuar për t’a fituar atë.
Këngëtari i njohur, Ervin Bushati, ishte një ditë më parë i ftuar në emisionin “S’e luan Topi”, ku ka dhënë një intervistë shumë emocionuese.
Si rrallëherë, ai ka folur për babain e tij të ndjerë, për të cilin tha se e i mungon shumë. Artisti u shpreh se i ati thoshte për të se “ti je djali i pleqërisë”.
“Për babain kam një… Është një mungesë që nuk e flas kurrë. Ai më thoshte gjithmonë ‘ti je djali i pleqërisë’. Flas shumë pak për të dhe më vjen shumë inat për këtë pjesë. Ngaqë u bënë shumë vite.
Kishte shumë humor dhe mua më thonë se ka trashëguar humorin nga babi, edhe këngën.
Qeshte ndonjëherë edhe thoshte ‘ky është i vogli, e kam bërë për t’i dorëzuar pensionin. Kam 8 vjet me vëllain dhe 6 me motrën. Jam i vogli i familjeEdhe më shikonte gjithmonë që sakrifikoja dhe doja të bëhesha dikushi në jetë vetëm. Ai atë mundësi kishte, ishte në pension në kohën kur po shpërtheja. Sepse unë vetë menaxhoja vetën. Që 17 vjeç nuk kam marrë asnjë lek nga familja. Jam munduar që ashtu me grupin të sajoja vetë, të krijoja jetën vetë.
Edhe ai e ndiente këtë pjesë. Jo se ndihej në faj, po thoshte ‘më dhimbset Vini se ikën vetëm, me çantën në shpinë’. Se atëherë nuk kishte transport, Shkodër-Tiranë ishte gati 3 orë e 30 minuta”, tha Ervin Bushati.
Këngëtarja e shqiptare me famë ndërkombëtare Dua Lipa po pushon në Jug të Shqipërisë në Ksamil.
Sot ajo ka publikuar disa foto nga jugu i vendit ku shfaqet nën shoqërinë e familjarëve dhe miqve të saj duke kënduar dhe festuar.
Por në media greke shkruan se këngëtarja Dua Lipa po pushon në vendlindjen e saj në Kosovë, megjithëse ka publikuar foton nga jugu i Shqipërisë.
Në artikullin e medias greke ‘Protothema‘, nuk përmendet në asnjë moment që këngëtarja ndodhet në Ksamil, por shkruan se ndodhet në Kosovë.
Dea Mishel ishte ditën e sotme e ftuar në rubrikën “Trotuar” në “E Diell”, ku Edi Manushi e pyeti ‘se më kë do të bëjë sherr Ronaldo Sharka”.
“Me mua nuk zihet se nuk kam nerva. A është zënë ndonjëherë me Erjolën? Unë them të zihet me Erjolën, të bëjnë ndonjë skandal”, tha ish-banorja e “Big Brother VIP 2”.
Kjo pyetje erdhi si pasojë e zënkave të shumta që Ronaldo ka pasur herë pas here me të ftuarit në “E Diell”. Moderatori i njohur njihet për tipin e tij ngacmues dhe të drejtpërdrejtë.
E duke qenë se Sharka nuk i ‘lë rehat dhe i ngacmon’ të ftuarit, pritet që në çdo puntatë të “E Diell”, ai të ketë ndonjë debat që menjëherë merr vëmendjen e të gjithëve.
Efi Dhedhes po qëndron në heshtje këtë verë, por nga shtatori do e shohim sërish në ekran.
“Kryefjala” bën të ditur se këtë shtator, Efin do ta shohim si konkurrente të “Dancing With The Stars”. Ky është një format që do t’i japë Efit vëmendje dhe do t’i shërbejë si trampolinë për më tej.
Kujtojmë që edhe këtë sezon përflitet se “Dancing with the stars” do e prezantojë Bora Zemani.
Nëna e 55-vjeçarit Gjergj Mullalli, që vrau të shtunën gruan dhe e hodhi në një gropë septike ndërsa ditën e sotme vrau veten, ka deklaruar për mediat që prej disa ditësh nuk ishte takuar me të birin. E moshuara ka thënë se e ka marrë vesh krimin që ka kryer i biri në orët e vona të natës së mbrëmshme, teksa shton se çifti kishin jetuar prej 20 vitesh në Greqi.
“E dëgjova mbrëmë nga mezi i natës flisnin njerëzia. Kush fjeti mbrëmë, këtu kam qenë prapa derës e tha një burrë, që ai ka vrarë. Kanë një 20 e ca vjet që rrinin në Greqi. Kanë tre fëmijë, njëra është e martuar dhe ka fëmijë, tjetra pritet të martohet, ndërsa djalin e ka 21 vjeç. Ka dy-tre ditë ose më shumë që nuk e kam takuar. Ikte shpejt ai në punët e qeverisë, ne flinim se jemi pleq”, ka thënë ajo.
Nuk janë të pakta rastet ku yjet e muzikës sulmohen nga të pranishëm gjatë koncerteve të tyre dhe Cardi B duket se u bë një prej tyre.
Reperja e njohur është përballur me një incident të papritur gjatë koncertit të saj të fundit, ku teksa po performonte hitin e saj “Bodak Yellow”, një vajzë ka hedhur pijen drejt saj duke e lagur reperen në fytyrë.
Mirëpo, i menjëhershëm ishte dhe reagimi i Cardit e cila shumë e acaruar hodhi mikrofonin drejt saj, duke u shkaktuar një situatë aspak e këndshme.
Policia e Shtetit ka reaguar pas gjetjes së vetëvarur të Gjergj Mullallit, i cili vrau me armë zjarri bashkëshorten e tij ditën e djeshme dhe më pas e hodhi në kanalin e ujërave të zeza.
Sipas policisë, ai është gjetur në një banesë të braktisur, ku pasi ka pikasur forcat blu, autori ka hapur zjarr ndaj tyre, por kur e ka parë që është rrethuar, ai ka vrarë veten.
Maliq/Informacion shtesë: Pas kërkimeve të pandërprera dhe kontrollit të territorit me qëllim kapjen e shtetasit Gj. M., i cili një ditë më parë vrau me armë zjarri bashkëshorten e tij, shërbimet e Policisë të DVP Korçë dhe Komisariatit të Policisë Maliq bënë të mundur lokalizimin në një banesë të braktisur, në fshatin Zëmblak, të këtij shtetasi. Sapo ka konstatuar se ka qenë i rrethuar nga forcat e Policisë 55-vjeçari, ka hapur disa herë zjarr ndaj punonjësve të Policisë. Pas thirrjeve të njëpasnjëshme të Policisë për t’u dorëzuar, ky shtetas është vetëvrarë. Grupi hetimor ndodhet në vendngjarje për të kryer veprime të mëtejshme në lidhje me këtë ngjarje.”, thuhet në reagimin e policisë.
Vijon monitorimi nga Policia Kufitare, bashkëpunim me patrullat tokësore, përgjatë vijës bregdetare, me qëllim rritjen e parametrave të sigurisë në plazhe.
Në Ksamil, një skaf shkeli perimetrin e sigurisë duke rrezikuar jetën e plazhistëve. Policia bllokoi mjetin lundrues pa dokumentacion dhe ndëshkoi drejtuesin me 2 masa administrative, 100 000 dhe 10 000 lekë të rinj.
“Ksamil/Rrezikoi jetën e plazhistëve pasi shkeli perimetrin e sigurisë, Policia Kufitare bllokon mjetin lundrues skaf pa dokumentacion dhe ndëshkon drejtuesin e tij me 2 masa administrative. Vijon monitorimi nga Policia Kufitare, në bashkëpunim dhe me patrullat tokësore, përgjatë gjithë vijës bregdetare, me qëllim rritjen e parametrave të sigurisë në plazhe.
Ndëshkohet nga Policia Kufitare e Sarandës, me masat administrative 100 000 dhe 10 000 lekë të rinj, drejtuesi i një mjeti lundrues skaf, pasi nuk respektoi zonën e kufizuar për lëvizjen e mjeteve lundruese dhe nuk kishte dokumentacionin e nevojshëm në bord.
Shërbimet e Policisë Kufitare Sarandë, në vijim të kontrolleve përgjatë vijës bregdetare të Sarandës, në kuadër të masave të marra për mbarëvajtjen e sezonit turistik, kanë konstatuar në plazhin e Ksamilit, një mjet lundrues tip skaf, duke lundruar brenda zonës së kufizuar për mjetet lundruese. Për këtë shkelje, drejtuesi i mjetit lundrues u ndëshkua me masën administrative 100 000 lekë të rinj. Gjithashtu, ky drejtues është ndëshkuar edhe me masën administrative 10 000 lekë të rinj, pasi ka patur mungesë në dokumentacionin në bordin e mjetit.
Në përfundim, mjeti lundrues u bllokua në PKK Port Sarandë. Policia Kufitare do të vijojë kontrollet dhe fton qytetarët që të denoncojnë çdo rast paligjshmërie, në aplikacionin Komisariati Dixhital ose të telefonojnë në numrin pa pagesë 112, duke iu garantuar anonimatin, reagim të shpejtë dhe profesional.”, njofton Policia.
Martin Nikolla, gardisti që u përfshi në sherrin në Fushë Krujë është përjashtuar nga Grada e Republikës
“Garda e Republikës është informuar nga Drejtoria Vendore e Policisë Durrës mbi përfshirjen e një efektivi të Gardës në një incident të dhunshëm, në Hamallaj, ku dyshohet se inspektori M.N., ka përdorur edhe armën e shërbimit. Me urdhër të Ministrit të Brendshëm është bërë përjashtimi i menjëhershëm i këtij punonjësi, nga radhët e Gardës së Republikës. Ndërkohë Policia e Shtetit ka bërë ndalimin e tij”, njofton ministria e Brendshme.