Author: editor

Shqipëria

Kthjellimet do të karakterizojnë kushtet e motit në të gjithë territorin e vendit, por herë pas here do të shfaqen kalime vranësirash, më të dukshme në zonat Veriore dhe Qëndrore. Orët e paasdites dhe mbrëmjes do të këtë përmirësim të dukshëm të kushteve atmosferike duke larguar vranësirat nga i gjithë territori i vendit për të ri-kthyer motin e kthjellët dhe temperaturat e larta në te gjithë vendin.

Temperaturat e ajrit mbeten kostante në orët e mëngjesit, por mesdita sjell një rritje të lehtë të tyre duke luhatur vlerat ditore nga 16°C deri në 36°C. Era do të fryjë e lehtë në tokë dhe mesatare në det me shpejtësi 30 km/h nga drejtimi kryesisht Veriperëndimor duke krijuar në brigjet e Adriatikut dhe Jonit dallgëzim deri në 2 ballë.

Kosova

Deri në mesditë, Kosova dominohet nga mot i kthjellët dhe i ngrohtë por pas-mesdite pritet grumbullim i vranësirave në zonat veriore dhe Veriperëndimore duke rrezikuar, rrebeshe afat-shkurtra shiu në ekstremin Veri-veriperëndimor. Orët e pasdites përmirësojnë dukshëm kushtet e motit në të gjithë republikën e Kosovës. Po ashtu, Temperaturat e ajrit do të pësojnë rritje deri në 30 gradë C.

Maqedonia e Veriut

Kthjellimet dhe temperaturat e larta do të jenë dominuese gjatë orëvë të para të ditës por pasditja do të sjellë vranësira të lehta e kalimtare në pjesën më të madhe të Maqedonise, më të dukshme në zonat Perëndimore dhe Jugperëndimore por mundësia për reshje është thuasje zero. Mbrëmja dhe nata do të ri-sjellin sërisht kthjellimet pothuasje në të gjithë Maqedonine. Temperaturat e ajrit do të ngjiten deri në 33 gradë C.

Europa

Zhvillimi i një qëndre të presionit të ulët atmosferik përkatësisht në Atlantikun Verior me ndikim deri në verilindje të kontinentit do të sjellë reshje të dendura shiu dhe stuhi të forta ere në Europën Veriore dhe rajonin e Balltikut. Po ashtu, Europa Qëndrore do të përfshihet nga rrebeshe shiu si edhe mini- stuhi breshëri; pas temperaturave të larta që u regjistruan prej shumë ditësh ndërsa moti i kthjellët do të mbizotërojë në pjesën më të madhe të kontinentit Europian si pasoje e zgjerimit të Anticiklonit të Azoreve ku temperatura të larta do të përjetojë gadishulli Iberik, gadishulli i Ballkanit si edhe brigjet e detit Egje.

Mes lotësh dhe e tronditur nëna e 46-vjeçares që u vra nga bashkëshorti në fshatin Zëmblak të Maliqit akuzon se vrasjen e ka urdhëruar motra e autorit e cila jeton në Amerikë.

Ajo tregon se çifti kishte probleme, jetonin në shtëpi të ndara dhe autori nuk donte as fëmijët e tij.

“Çupa ishte në punë në Korçë, mua nuk më mori fare në telefon që kur ka ardhur nga puna sepse më merrte sa herë sepse vinte në orën 12 në shtëpi. Nuk më mori. Pasdite më morën çupat nga Greqia. Kishte folur me to çfarë kishte folur dhe më lajmëruan ikë se nuk dihet se çfarë bëhet me mamin se ai i ka hyrë në shtëpi. Çupa kishte urdhër mbrojtje dhe nuk vinte. Ky jetonte nga e ëma, ka një shtëpi tjetër andej.

Vajzën aty tek korridori lart, ishte një çarçaf dhe unë i thosha këtu e ka hequr çupën se po të kishte dalë këtej nga rruga e kishim parë. E kishte hequr zvarrë me çarçaf, ka qenë me shokë. Është kriminele e motra e Amerikës, ajo e ka paguar dhe ma ka vrarë çupën. Kishin probleme, edhe fëmijët e tij nuk i donte. Njëra është e martuar, tjetra është 20 vjet e pamartuar.

Trupin e gjetën policët. Unë e kërkova nëpër parcela. Këtë më bëri, më vrau e kunata që ka ardhur nga Amerika. Ajo ka paguar kriminelin që më vrau çupën”, shprehet nëna e viktimës.

Trupi i pajetë i 46-vjeçares e identifikuar si Luiza Mullalli është gjetur mbrëmjen e sotme në një gropë septike pranë banesës së saj. Nga hetimet paraprake të kryera dyshohet se autori i dyshuar i kësaj ngjarjeje është bashkëshorti i saj, Gjergj Mullalli.

Një ngjarje e rëndë është regjistruar në fshatin Zëmblak, në Maliq. Luiza Mullalli, 46-vjeç, nënë e tre fëmijëve u vra nga bashkëshorti i saj Gjergji Mullalli. Trupi i së ndjerës u konstatua i pajetë nga forcat e policisë në një gropë septike pranë banesës së saj. Pas ngjarjes, e ëma e 46-vjeçares së vrarë në Maliq ka shpërthyer në lot, teksa ka bërë me dije se vajza e saj ka qenë me urdhër mbrojtje

Mamaja e 46-vjeçares: Krimineli që erdhi prej Amerikës… Vajza ishte në punë, në Korçë, më merrte gjithmonë në telefon, sot nuk mori. Më morën vajzat e tjera nga Greqia, na lajmëruan ato. Vajza ishte me urdhër mbrojtje. Ai nuk vinte jetonte te e ëma. Në ballkonin lart, ishte një çarçaf dhe i thoja këtyre, këtu e ka hequr çupën. Ka qenë me shokë. Kishin probleme me njëri-tjetrin. Njëra është te vajza tjetër në Greqi, një e martuar. As fëmijët e vetë nuk donte ai. Kërkova nuk e gjeta çupën, e gjetën policët. Kunata që ka ardhur nga Amerika, ka paguar kriminelë dhe më vrau çupën.

Një aksident i rëndë raportohet të ketë ndodhur në Kukës.

Bëhet me dije se një automjet ka përplasur një motor.

Për pasojë ka ndërruar jetë shoferi i motorit.

Ndërkohë po punohet për zbardhjen e plotë të ngjarjes.

Një vrasje raportohet të ketë ndodhur në fshatin Zëmblak në Maliq.

Burri në proces divorci ka vrarë gruan e tij 46-vjeçare, Luiza Mullalli dhe e ka hedhur në gropën e ujërave të zeza. Sipas policisë, autori Gjergji Mullalli është në arrati ndërsa janë ngritur grupe kontrolli me qëllim kapjen e tij.

Trupi është çuar në morg për t’u ekzaminuar dhe kuptuar se çfarë mjeti është përdorur për vrasjen.

Njoftimi i Policisë:

Maliq/Informacion paraprak

Më datë 29.07.2023, rreth orës 20:40, në fshatin Zëmblak, Maliq, në një gropë septike pranë banesës së saj, është gjetur e pajetë, shtetasja L. M., 46 vjeçe.

Nga hetimet paraprake të kryera dyshohet se autori i dyshuar i kësaj ngjarjeje është bashkëshorti i saj shtetasi Gj. M. Nga ana e Policisë janë ngritur grupe kontrolli me qëllim kapjen e tij.

Në lidhje me mjetet që janë përdorur në krim dhe rrethanat e mëtejshme, do ju informojmë pas këqyrjes së trupit të viktimës.

Grupi hetimor po punon për zbardhjen e rrethanave të ngjarjes./tvklan.al

Një ngjarje e rëndë është raportuar në Maliq.

Mësohet se burri ka vrarë bashkëshorten.

Lajmi është konfirmuar nga gazetarja Klodiana Lala.

Ndërkohë ende nuk dihen rrethanat e kësaj ngjarjeje të rëndë.

Një tjetër gjest fisnik i efektivëve shqiptarë të policisë. Dy policë patrulle në Velipojë kanë gjetur një portofol me një shumë të konsiderueshme lekësh dhe eurosh dhe ia kanë dorëzuar të zotit.

Drejtori i Drejtorisë Vendore të Policisë Shkodër Ervin Hodaj ka falënderuar në emër dhe të Drejtorit të Përgjithshëm të Policisë së Shtetit, punonjësit e Policisë, për gjestin e bërë ditën djeshme, të cilët treguan integritet dhe i bënë një shërbim të mirë Policisë së Shtetit në drejtim të imazhit dhe rritjes së besimit edhe më shumë të qytetarëve te Policia e Shtetit.

Mëngjesin e djeshëm, në plazhin e Velipojës, 2 punonjës policie që patrullojnë me biçikleta, Kristian Koçeku dhe Samet Qotaj, gjatë patrullimit, në rrugën nr. 10, kanë gjetur në tokë një portofol me një shumë të konsiderueshme lekësh dhe euro.

Menjëherë ata kanë njoftuar sallën operative, e cila bëri me dije punonjësit e Policisë që në Sallën Operative kishte mbërritur një telefonatë për një portofol të humbur disa minuta më parë.

Punonjësit kanë takuar personin që kishte humbur portofolin, në adresën e dhënë nga Salla Operative, dhe i kanë dorëzuar atij portofolin me shumën e parave.

I zoti i portofolit ka falënderuar punonjësit e Policisë, për gjestin e tyre, që tregon vërtet misionin që ka Policia, shërbimin ndaj qytetarëve.