Shqiperia Ime

Author: editor

  • Sipas Einxhel Shkirës, këto 3 figura ekrani meritojnë më shumë hapësirë televizive

    Sipas Einxhel Shkirës, këto 3 figura ekrani meritojnë më shumë hapësirë televizive

    Jo çdo figurë e ekranit lavdëron pa hezitim kolegët e tij. E këtë e bëri pa asnjë ndroje Einxhel Shkira, e cila në një intervistë për “Prive”, u pyet se cilët figura të ekranit duhet të rikthehen, e t’u jepet më shumë hapësirë televizive.

    Ajo përmendi 3, mes tyre edhe mikun e saj të ngushtë, Flori Gjinin. Krah emrave të tyre, Einxhel listoi edhe të mirat që këto personazhe i sjellin ekranit.

    ”Flor Gjini, mendoj se është një nga moderatorët meshkuj më të mirë, të trojeve shqipfolëse. Është shumë i përgatitur për spektakle dhe “one man show” e çdo gjë tjetër.

    Dojna Mema, patjetër duhet të ketë hapësirë televizive, vajzë shumë elekuente. Shumë e përgatitur. “Live” e qan e jo kushdo mund ta qaj live-in.

    Jona Spahiu, e cila është tërhequr totalisht nga ekrani. Është një vajzë shumë e përgatitur, ka mjaftueshëm bagazh kur flet ose prezanton”

  • Digjen 609 bimë narkotike kanabis të kultivuara në malësinë e Krujës

    Digjen 609 bimë narkotike kanabis të kultivuara në malësinë e Krujës

    Krujë/Vijojnë kontrollet intensive për parandalimin dhe goditjen e kultivimit të bimëve narkotike.

    Finalizohet faza e 31-të e megaoperacionit policor antikanabis të koduar “Territor i pastër”.

    Si rezultat i kësaj faze u asgjësuan 09 bimë narkotike kanabis, që u gjetën të kultivuara në malësinë e Krujës.

    Më parë, në kuadër të këtij operacioni, janë gjetur dhe asgjësuar 17 955 bimë narkotike kanabis.

    Shërbimet e Komisariatit të Policisë Krujë kanë vijuar intensivisht kontrollet në malësinë e Krujës dhe në fshatra të ndryshme të rrethit, duke përdorur dhe dronë, me qëllim parandalimin, evidentimin dhe goditjen e veprimtarisë kriminale të kultivimit të bimëve narkotike.

    Si rezultat i kontrolleve të ushtruara në kuadër të fazës së 31-të të megaoperacionit policor antikanabis të koduar “Territor i pastër”, në malësinë e Krujës, u gjetën të kultivuara 609 bimë të dyshuara narkotike cannabis sativa, të cilat u asgjësuan me anë të djegies.

    Megaoperacioni policor antikanabis i koduar “Territor i pastër”, vijon.

    Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

  • FOTO/ Makina u bën fije-fije, zetorin e hodhi në arë! Dy të vdekur

    FOTO/ Makina u bën fije-fije, zetorin e hodhi në arë! Dy të vdekur

    E hëna nis tragjike. Dy të vdekur dhe një i plagosur që në mëngjes. Aksidenti ndodhi në aksin Lezhë-Shkodër në vendin e quajtur “Kryqëzimi i Kallmetit”. Përplasja e një “Fiati” dhe një zetori rezultoi fatale për dy jetë.

    Paraprakisht dyshohet se makina tip “Fiat” ka qenë me shpejtësi të lartë dhe i ka rënë nga pas zetorit. Pas goditjes, shoferi i zetorit, Ardian Tomaj ka humbur kontrollin dhe mjeti i tij ka dalë nga rrugë.

    Për pasojë ai ka marrë disa lëndime dhe ndodhet jashtë rrezikut për jetën. Por fatkeqësisht drejtuesi i mjetit “Fiat”, Prend Marku dhe pasagjeri Martin Gjoka nuk kanë mundur të mbijetojnë.

    Shkak dyshohet se ka qenë humbja e kontrollit nga shpejtësia ose pagjumësia. Nuk përjashtohet defekti teknik. Hetimet vazhdojnë.

  • U fut por nuk doli më! Burri mbytet në sytë e gruas dhe fëmijëve

    U fut por nuk doli më! Burri mbytet në sytë e gruas dhe fëmijëve

    Dramë pasditen e së dielës për një familje shqiptare në Itali.

    Një shqiptar 52-vjeçar humbi jetën pasi u zhyt në sy të miqve dhe familjarëve, gruas dhe fëmijëve të tij, me të cilët kishte shkuar në breg të lumit për një piknik në zonën e Pedrerës.

    Mediat italiane shkruajnë se Argon Gjyla, banor i Comezzano Cizzago, pas drekës kishte vendosur të bënte një zhytje për t’u freskuar, duke kaluar urën e rrugës Provinciale dhe duke shkuar në bregun e Soncino. Megjithatë, sapo hyri në lumë, filloi të gulçonte dhe u zhduk nën ujë.

    Disa burra nxituan menjëherë në ndihmë të tij dhe arritën ta kthenin në breg, ku më pas filluan manovrat për ta mbajtur në jetë në pritje të ambulancave dhe shpëtimit me helikopter.

    Me të mbërritur në vendngjarje, helikopteri e dërgoi me urgjencë 52-vjeçarin në spital ku fatkeqësisht ndërroi jetë pak pas shtrimit.

  • I FUNDIT/ Aksident me vdekje në vend

    I FUNDIT/ Aksident me vdekje në vend

    Një aksident me pasojë vdekjen ka ndodhur në Përmet mbrëmjen e sotme.

    Një 45-vjeçar me iniciale G.H. banues në Tiranë, po udhëtonte me motor në fshatin Mbrezhdan të Përmetit kur humbi kontrollin mbi mjetin dhe doli nga rruga.

    Si pasojë e plagëve, 45-vjeçari ka humbur jetën në vendngjarje.

    Grupi hetimor po punon për sqarimin e plotë të rrethanave dhe shkakut të aksidentit. /tvklan.al

  • “Sa dal me dikë…”, Dafina tregon vështirësitë e të gjeturit të dashur

    “Sa dal me dikë…”, Dafina tregon vështirësitë e të gjeturit të dashur

    Dafina Zeqiri në një intervistë me gazetarin Berat Buzhalën, ka folur edhe për jetën e saj personale.

    Dafina tregoi se në ditët e sotme është bërë shumë e vështirë të njohësh dikë, pasi fjalët përhapen shpejt.

    Në industrinë e muzikës si grua nuk ke kohë të dalësh në takim me dikë apo të njohësh dikë.

    Jo se nuk ke dëshirë, por ose ai që po del shkon dhe iu thotë të gjithëve ose ta ngjisin njerëzit.

    Ndërkohë unë akoma nuk arrita ta njoh. Kjo e bën shumë të vështirë ta kuptoj nëse ai person po del sepse më pëlqen apo se jam Dafina,-tha artistja.

  • “Vendime të rëndësishme për karrierën …”, Horoskopi javor, 24-30 korrik 2023

    “Vendime të rëndësishme për karrierën …”, Horoskopi javor, 24-30 korrik 2023

    Dashi

    Përgjatë kësaj jave për Dashin nuk ka vend për shqetësime. Do të jetë një javë e qetë. Është e rëndësishme të dihet periudha kur ndodhin fenomenet dhe ndikimet planetare të cilat në këtë shenjë do të ndikojnë më së shumti në zhvillimet e punës dhe karrierës. Do të merrni vendime shumë të rëndësishme, edhe pse momenti mund të duket pak ‘delikat’ do të rezultojë në fakt perfekt. Është një periudhë ideale sa i takon vazhdimësisë së punës dhe ekonomisë. Kjo periudhë ndihmon në gjërat që do ndikojnë sidomos në fushën e ekonomisë ku vendimet do të merren në kohën dhe momentin e duhur. Edhe pse mund të përballeni me disa probleme nuk ka asgjë për t’u stepur sepse çdo gjë do marrë zgjidhje. Është një moment perfekt, shumë kreativ ku mund të zbuloni gjëra të reja, por të cilat duhet ti mbani sekret për veten tuaj. Në çështjet shpirtërore nuk ka asgjë për t’u shqetësuar, duket se do të jetë një javë e mbarë në këtë drejtim.

    Demi

    Shenja e mundësive të reja. Demi është me shumë fat sidomos 10-të ditëshi i parë. Prisni një çështje dokumentacioni për të cilën do merrni përgjigje pozitive. Gjithashtu është momenti më ideal për aplikime apo për nisma të reja në çdo drejtim. Përgjatë kësaj jave do t’ju jepet mundësia për të bërë disa takime për zgjidhjen e problemeve apo situatave të ndryshme. Jeni mjaft pozitiv në atë që bëni dhe është shumë e rëndësishme periudha kur ndodhin gjërat. Pikërisht kjo javë, është java e zhvillimeve të reja, do lodheni shumë, por do përfitoni akoma më shumë. Ndikimi më i madh në fushën e punës është për 10-të ditëshin e parë, ndërsa për 10-të ditëshin e tretë fokusi do të jetë i përqendruar tek ekonomia. Sa i takon 10-të ditëshit të dytë duket se çdo gjë është e stabilizuar.

    Binjakët

    Shenja e komunikimit, e mundësive dhe angazhimeve për stabilizimin ekonomik. Duket se kjo javë do të jetë pak e lodhshme për ju, është një javë provokimi, është javë stabilizimi. Mundësitë që ju keni qoftë nga gjërat më të thjeshta deri tek më të mëdhatë do të jenë të shumta. Me ndikimet favorite por dhe me punën dhe këmbënguljen tuaj do të arrini majat. Duhet të ktheni kokën pas të rishikoni gabimet e së kaluarës në mënyrë që të mos i përsërisni më, në këtë mënyrë suksesi do të jetë i garantuar. Është një moment ideal në çështjet ekonomike të cilat do të kenë ndikim për të ardhmen tuaj. Zgjuarësia, maturia, rëndësia që do i jepni zhvillimeve në këtë javë do të ketë ndikim të madh në ditët e muajt që do të vijnë. Në planet që ju keni patur, mund të kenë ndërhyrë shumë sabotues, ka ardhur mometi që të kuptoni shumë gjëra dhe të arrini në finish të planeve tuaja. Në çështjet shpirtërore është një periudhë pozitive për takime të reja dhe ndryshime të mëdha.

    Gaforrja

    Do të jetë një javë e përqendruar në punën tuaj, në vendime të rëndësishme që mund të merrni. Ka diçka shumë të madhe për ju në këtë periudhë që lidhet me karrierën. Do të keni mundësi të mëdha sidomos ata që inspirojnë apo janë në vende drejtuese. Është një cikël i ri që do ‘hapet’ para jush. Hëna e re në shenjën tuaj ju jep shumë mundësi, të cilat do të kenë ndikim të madh në të ardhmen tuaj. Çelësin e zgjidhjeve të problemeve, të suksesit dhe të lumturisë e gjeni tani! Andaj tregohuni të vëmendshëm, vigjelent, të matur e të përkushtuar në çdo vendim dhe hap që hidhni, i cili do të marrë një rëndësi të veçantë ‘nesër’. Në çështjet shpirtërore është momenti më ideal në zgjidhjen e problemeve. Nëse jeni në pritje të një udhëtimi, por ai nuk realizohet, nuk ka vend për t’u mërzitur pasi është në të mirën tuaj.

    Luani

    Shenja e vendimeve të mëdha dhe e zbatimeve të projekteve. Vendimet e mëdha kanë lidhje me ekonominë dhe dashurinë, ndërsa projektet me punën. Vetë koha dhe periudha ju ndihmon që t’ia dilni me sukses. Është një kohë ideale për të vepruar, ndikimi planetar dhe mundësitë që ju jepen janë të mëdha. Hëna në shenjën tuaj do të japë mundësinë për të qenë kreativ dhe kërkues në çdo fushë si në punë, karrierë, ekonomi e financa ashtu dhe në dashuri. Një mundësi e madhe do të ndikojë në rritjen e anës ekonomike, në ndryshime dhe vendime që do të merren. E gjithë java ka ndikime dhe aktivitete të rëndësishme. Në fundjavë futet dhe Dielli në shenjën tuaj duke ju dhënë një pozitivitet dhe përparësi. Në çështjet shpirtërore me Hënën dhe Diellin në shenjën tuaj gjithçka do arrihet të zgjidhet dhe bëhet ashtu siç ju dëshironi.

    Virgjëresha

    Shenja e stabilitetit dhe kuriozitetit sidomos në dashuri. Jeni kurioz të dini sesa i drejtë është ai që ju propozon dhe sa e sigurtë është e ardhmja. Pranoni çdo ofertë që ju bëhet në këtë periudhë, pasi do të rezultojë në të mirën tuaj. Virgjëreshat kanë instiktin dhe intuitën më të zhvilluar ndër 12 shenjat e zodiakut. Është një moment mjaft perfekt në ndryshime dhe vendime që merren në kohën e duhur dhe ju i keni të gjitha mundësitë. Gjithmonë Virgjëresha është një hap para. Në lidhje me punën dhe karrierën keni një çështje të pambyllur që i përket së shkuarës, është një kohë e përshtatshme që ju jep mundësinë e zgjidhjes së këtij ngërçi nga e kaluara që ju ka munduar deri në ditët e sotme. Anashkalojeni ditën e enjte nëse do t’ju duhet për të marrë një vendim apo për të kryer një punë apo takim të rëndësishëm, pasi mund të ndikoheni për një lëvizje të gabuar. Kujdes ditën e enjte!

    Peshorja

    Është një kohë ndryshimesh për Peshoren dhe për këtë duhet të jenë të përgatitur. Ndryshimet kanë të bëjnë kryesisht me punën tuaj, pritet që të merrni shumë vendime në lidhje me këtë. Shtatori është muaji i rinovimeve për ju dhe do të ishte e mira që marrjen e vendimeve ta shtyni dhe të mos i merrni tani, pasi mund të nxitoheni. Merrni të gjithë kohën që ju takon! Në fushën ekonomike ndikimi do të jetë pozitiv në këtë periudhë. Është koha dhe momenti më i mirë i zgjidhjes së problemeve, veproni tani! Keni një mundësi shumë të mirë në lidhje me biznesin, do të bëni një ndryshim. Gjithashtu favorit është momenti dhe në dokumentacion apo shitblerje të pasurive të paluajtshme. Është një javë e mbarë sa i takon fushës ekonomike financiare, gjithashtu është javë e mirë dhe për të bërë blerje të cilat nesër mund të kenë tjetër vlerë.

    Akrepi

    Për Akrepët është pikërisht kjo javë, javë e zhvillimeve të mëdha që mund të ndikohen, mund të realizohen. Është një periudhë, ku ju kërkoni të stabilizoni punën tuaj, financat dhe ekonominë. Disa situata të mëparshme pak të komplikuara duket se do të zgjidhen dhe do të ecin në rrugë të drejtë. Merrni në konsideratë çdo moment të kësaj jave, është një javë shumë e mirë për bashkëpunime, sidomos dita e mërkurë, është një ditë ideale për takime. Vetëm kujdes, mos jepni shumë informacione, disa gjëra duhen mbajtur sekret për veten tuaj. Duhet të keni pak kujdes në këtë drejtim, pasi ndonjëherë fjalët e tepërta keqkuptohen apo keqpërdoren. Në lidhje me çështjet shpirtërore do të keni shumë mundësi dhe arritje pozitive. Një njohje e re ka mundësi të kthehet në diçka serioze.

    Shigjetari

    Shenja e punës dhe e ndryshimeve të reja në vazhdim. Është një kohë që jeni në ruajtje të financave tuaja, nuk po shpenzoni shumë. Keni mjaft mundësi të reja në lidhje me ndryshime që doni të bëni në jetën tuaj, keni mundësinë për të lëvizur nga një vend pune në një tjetër. Do të hapet një dritare shumë e madhe për Shigjetarët sa i takon mundësive të mëdha që do të kenë përgjatë kësaj periudhe. Keni mundësinë të zgjidhni mes asaj që doni të bëni dhe asaj që mund të realizohet, të dyja në fakt do të bëhen. Është një mundësi shumë e mirë në stabilizimin ekonomik, në çështjet e punës dhe karrierës, në vendime që do të merrni. Gjithashtu një ndikim shumë të madh dhe pozitiv do të keni në çështjet shpirtërore, lidhjet me probleme mund të stabilizohen.

    Bricjapi

    Është një kohë në të cilën do të merren vendime të rëndësishme, të cilat duket se do të realizohen. Çdo punë që ju kërkohet që ju ta bëni e keni mundësinë dhe kapacitetin për ta kryer me sukses, qoftë dhe një punë në rol drejtues. Bricjapët janë financierë të shkëlqyer. Është një javë shumë pozitive për ju, do të jetë e qetë dhe pa shqetësime. Është koha juaj për të zgjidhur çdo lloj problemi, çdo çështje të lënë pezull, është momenti tani që ta zgjidhni! Kjo është diçka shumë e madhe, është shumë pozitive dhe e rëndësishme për juve të kësaj shenje sepse do zgjidhni gjëra të mëdha, do zgjidhni gjëra që përpara ishin pothuajse të pamundura për t’u zgjidhur. Gjithçka varet nga puna juaj dhe vendimet që do të merrni. Në çështjet shpirtërore do të kenë disa surpriza të këndshme.

    Ujori

    Keni hyrë në një periudhë ndryshimesh! Ujorët nuk janë mistikë, por janë sekret. Ata vendosin vetë pa pyetur dhe marrë mendimet e të tjerëve. Ndërsa në dashuri mund të themi se Ujori dashurinë e quan të përjetshme, kursesi nuk mund të jetë momentale. Shenja e Ujorit ka një mundësi tani për të stabilizuar anën ekonomike – financiare. Gjithashtu do të kenë mundësi për të stabilizuar disa probleme që kanë patur kohëve të fundit. Ndikimi planetar do të jetë favorit në fushën e punës dhe karrierës. Është një periudhë mjaft e mirë dhe vendimtare në çështjet ekonomike. Kurse në dashuri një problem të vogël do të kenë mundësi ta zgjidhin në lidhjen e tyre, dita e mërkurë mund të jetë perfekte në këtë drejtim. Hëna dhe Dielli në shenjën e Luanit do të kenë një ndikim pozitiv në shenjën tuaj.

    Peshqit

    Një shenjë që mund të quhet ‘çelës universal’, ata bëjnë gjithçka, janë të kuptueshëm dhe shumë të hapur. Çdo punë që ju jepet janë në gjendje ta bëjnë, përballen me vështirësitë, përballen me gjithçka. Për shumë shenja mund të duket se Peshku është frikacak, por në fakt e kanë gabim, pasi në një përballje me Peshk në pjesën më të madhe do të jetë një përballje e vështirë ku ai do të dalë fitimtar. Peshku ka dy armë shumë të forta, së pari dinjitetin dhe së dyti intuitën. Këtë të fundit e kanë shumë të zhvilluar. Në këtë periudhë Peshqit do të kenë mundësi të bëjnë realitet ëndrrat e tyre, kanë mundësi të stabilizojnë gjithçka sidomos në punën e tyre. Peshqit janë udhëheqës kryesorë në vende të rëndësishme. Ndërsa në anën shpirtërore mund të jenë pak fajtorë, por e kanë mundësinë përgjatë kësaj jave që të zgjidhin çdo ngërç në lidhjen e tyre.

  • Aksident tragjik në Itali/ Motori përplaset me makinën, humb jetën 50-vjeçari shqiptar (Detajet)

    Aksident tragjik në Itali/ Motori përplaset me makinën, humb jetën 50-vjeçari shqiptar (Detajet)

    Ka rezultuar fatale për 50-vjeçarin shqiptar përplasja me makinën, teksa po u udhëtonte me motor në periferi të Lugos në Itali.

    Në momentin kur ka marrë kthesën 50-vjeçari shqiptar që drejtonte motorin është përplasur me një makinë dhe për pasojë ka fluturuar disa metra, duke humbur jetën në vend.

    Makina drejtohej nga një grua, 53-vjeçarja nga Sant’Agata sul Santerno e cila raportohet nga mediat italiane se nuk kishte pësuar lëndime.

  • Shqipëria “digjet” nga temperaturat ekstreme, Kosova “kërcënohet” nga stuhitë e shiut dhe breshëri, ja çfarë pritet në orët në vijim

    Shqipëria “digjet” nga temperaturat ekstreme, Kosova “kërcënohet” nga stuhitë e shiut dhe breshëri, ja çfarë pritet në orët në vijim

    Temperaturat pritet të pësojnë ulje deri në 29 gradë gjatë javës së ardhshme, mirëpo në Kosovë, parashikohen edhe stuhi shiu e vetëtima.

    Instituti Hidrometeorologjik i Kosovës ka njoftuar se gjatë javës së ardhshme, temperaturat maksimale do të zbresin deri në 29 gradë celsius.

    Për të Dielën parashikohet të mbajë mot kryesisht me diell në pjesën e parë të ditës, ndërsa orët të pasdites pritet të depërtojë një front stacionar, i cili do të krijojë vranësira konvektive, duke gjeneruar rrebeshe lokale shiu, breshër dhe shkarkesa të forta elektrike.

    Moti i keq me rebesh shiu, breshër e vetëtima përfshiu ditët e fundit vendet si Kroacia, Sllovenia, Serbia dhe disa rajone të Italisë.

  • Ngjarje tragjike në vend/ Ranë në kontakt me rrymën elektrike, ndërrojnë jetë burrë e grua

    Ngjarje tragjike në vend/ Ranë në kontakt me rrymën elektrike, ndërrojnë jetë burrë e grua

    Dy anëtarë të familjes Zykaj në fshatin Resulaj në Vlorë, Q. Zykaj dhe gruaja e tij raportohet t’i ketë zënë korenti në shtëpi.

    Si pasojë, të dy kanë ndèrruar jetë.

    Ndërkohë policia dhe ambulanca janë nisur drejt banesës.

    Nuk dihen ende detaje më të hollësisht, por nga informacionet paraprake është mësuar se çifti kanë qenë duke punuar në banesë në momentin që kanë rënë në kontakt me energjinë elektrike.