Një aksident ka ndodhur përgjatë superstradës Milot- Lezhë.
Mësohet se një atoveturë tip Opel ka humbur drejtimin dhe si pasojë ka përplasur dy këmbësorë, edhe më tej Opeli ka marrë para një stendë, që përdoret për te shitur fruta perime.
Këmbësorët të cilët po prisnin për të marrë automjet publik që të udhëtonin, janë dërguar në Spitalin Rajonal të Lezhës.
Ndërkohë, policia ka mbërritur në vendngjarje, ku po punon për zbardhjen e plotë të shkaqeve të aksidentit./abcnews.al
Pak ditë më parë, pas një aksidenti tragjik në Itali, humbi jetën 22-vjeçari shqiptar, Arnold Selishta.
Nga ky aksident mbetën të plagosur 2 pasagjerët e tjerë në mjet, të moshës 18 dhe 23 vjeç. Grupi i të rinjve, hipën në dy makina, një ‘Range Rover’ dhe një ‘BMW M8’.
Pas hetimeve, mediat italiane shkruajnë se shkak i aksidentit tragjik është bërë një farë me makinë mes të rinjve.
Në media shkruhet se në një moment, Range Rover-i dhe BMW-ja arritën një shpejtësi deri në 200 km/h dhe kjo i kushtoi jetën shqiptarit e plagosi të rinjtë e tjerë.
Lidhur me ngjarjen, nën hetim është kushëriri i Selishtës i cili ka qenë me të në momentin e ngjarjes, teksa në dëshmi, ai mohon se kanë bërë garë me makinë me djemtë e tjerë, natën kur ndodhi tragjedia.
“Nuk po lëviznim me shpejtësi, hymë në rrethrrotullim, po kthehesha majtas siç bëjnë në Angli pastaj kushëriri im më tha të futesha djathtas, devijova, kushëriri nuk e kishte vënë rripin e sigurimit, ndërsa unë po, kjo më shpëtoi jetën,”- mësohet të ketë thënë 23-vjeçari në dëshminë e tij.
Një sherr masiv në Itali i ka marrë jetën 1 shqiptari, ndërsa 2 të tjerë janë të plagosur.
Ngjarja ka ndodhur në Padova në një lagje në periferi të qytetit pasditen e sotme. Sipas mediave italiane, tre shqiptarët u përfshinë në një sherr me njëri-tjetrin duke u goditur me thika.
Si pasojë e plagëve, njëri prej tyre vdiq dhe u gjet i pajetë në korridorin e pallatit ku banonte.
Ndërsa 2 shqiptarët e tjerë kanë mbetur të plagosur dhe janë dërguar në spital. Njëri prej të dyve është në gjendje të rëndë me plagë të shumta nga goditjet me thikë.
Sherri nisi pas një mosmarrëveshjeje mes tyre. Identiteti i asnjë prej të treve nuk është bërë i ditur.
Policia italiane shkoi në vendngjarje për të mbledhur prova dhe po heton këtë krim./tvklan.al
Sipas raportit vjetor të Organizatës Botërore Meteorologjike dhe rrjetit Europian Copernicus, temperatura mesatare në kontinentin e vjetër është 2.3 gradë më e ngrohtë se sa ishte në fund të shekullit të 19-të.
Ngrohja është rritur që nga vitet 1990, duke thyer rekorde të temperaturës në disa raste. Ngrohja ka qenë e pabarabartë gjeografikisht, duke arritur rreth 2 gradë mbi mesataren në pjesën më të madhe të Europës Perëndimore dhe madje tejkalon 3.5 gradë në rajonet afër Arktikut.
Vera e vitit 2022 ishte më e nxehta e regjistruar në shumë vende evropiane. Sipas raportit, ngjarjet ekstreme të lidhura me motin (stuhitë, përmbytjet, zjarret, rrëshqitjet e dheut dhe valët e të nxehtit) morën më shumë se 16,000 jetë dhe prekën drejtpërdrejt 156,000 njerëz.
Temperaturat e sipërfaqes së detit rreth Evropës gjithashtu arritën nivele të larta, të shoqëruara nga valë të nxehta detare. Shkrirja e akullnajave ishte e paprecedentë.
Megjithatë, raporti thotë se energjia e rinovueshme gjeneroi më shumë energji elektrike sesa ndotësit e karburanteve fosile për herë të parë vitin e kaluar një shenjë shprese për të ardhmen.
Europa pa temperaturat më të larta në rekord. Shumë vende, duke përfshirë Belgjikën, Francën, Gjermaninë, Irlandën, Italinë, Luksemburgun, Portugalinë, Spanjën, Zvicrën dhe Britaninë e Madhe kishin vitin e tyre më të ngrohtë në rekord.
Vala e të nxehtit esktrem do të jetë prezente në Shqiëpri edhe gjat fillimit të javës së ardhshme.
Gjatë ditës së hënë dhe të martë, mbi vendin tonë pritet që të bizotërojë mot i nxehtë në të gjithë territorin, ku temperaturat pritet të arrijnë sërish në 42-43 gradë cëlcius.
Ndërkohë që ditën e mërkurë do të kemi një ulje temperaturash me 8 gradë sa ju përket vlerave maksima,e të cilat ppritet të arrijnë deri në 31-32 gradë celcius.
Ndërsa dita e enjte në një pjesë të teritorit pritet të sjellë edhe rrebeshe shiu.
Ministri i Brendshëm Taulant Balla gjatë takimit që zhvilloi me strukturat drejtuese të Policisë Vendore të Korçës deklaroi se është shumë i rëndësishëm përmirësimi i kushteve të shërbimit të çdo punonjësi policie.
Ministri Balla në fjalën e tij u shpreh se shumë shpejt do të trajtohet problemi i banimit për uniformat blu, për ata që shërbejnë në qytete të ndryshme nga qyteti ku kanë familjen, duke nënvizuar se do t’i hapet rrugë aplikimeve për vitin 2023, duke e nisur me 100 banesat e para.
“Do të kujdesem posaçërisht për rritjen e standartit të jetesës të punonjësve të Policisë dhe përmirësimin e kushteve të shërbimit të çdo punonjësi policie, që nga kushtet financiare deri tek kushtet e strehimit kur shërbejnë jashtë vendbanimit apo krijojnë familje të reja. Pa e harruar që nga sot sistemimin përfundimtar të të gjitha familjeve të policëve të vrarë në krye të detyrës, fëmijët e të cilëve janë fëmijët tanë. Ndaj do të trajtojmë problemin e banimit për ata që shërbejnë në qytete të ndryshme nga qyteti ku kanë familjen dhe gjithashtu do të hapim rrugën e aplikimeve për vitin 2023, duke e nisur me 100 banesat e para, të cilat do t’u jepen familjeve të reja të punonjësve të policisë. Kriteret do të bëhen publike në ditët në vijim në bashkëpunim me Ministrinë e Financave dhe Ekonomisë”, theksoi ministri Balla.
Gjithashtu ministri Balla kërkoi luftë intensive, me fokus krimin e organizuar si u kërkoi forcave të rendit një kujdes të shtuar në komunikimin me qytetarët, duke i konsideruar si partnerin më të fortë të policisë në betejën me paligjshmërinë.
Ministri i Brendshëm Balla përfundim të fjalës së tij, duke folur për rëndësinë e Kodit Etik, u shpreh se ai duhet të jetë udhërrëfyes për çdo punonjës policie
Një aksident ka ndodhur në Tiranë.
Në rrugën “Teki Selenica”, një mjet që drejtohej nga një 20-vjeçare ka përplasur një të mitur.
14-vjeçari pas aksidentit, u transportua në spital dhe fatmirësisht ndodhet jashtë rrezikut për jetën.
Grupi hetimor ka nisur verifikimet dhe ka shoqëruar drejtuesen e automjetit.
Një aksident i rëndë është shënuar këtë të dielë në aksin rrugor Rrile-Tale, ku një motor ka përplasur dy këmbësorë. Burime bëjnë me dije se nga përplasja e motorit dy persona kane marre lëndime dhe janë dërguar në spitalin e Lezhës.
Kanë mbetur të lënduar Llesh Përgjoka dhe Mrika Përgjoka. Policia ndodhet ne vendngjarje dhe po punon për sqarimin e rrethanave te këtij aksidenti.
Denis Çali ishte vetëm 33 vjeç. Një djalë gjithmonë i qeshur, siç pohojnë miqtë e tij, e siç dallohet edhe nga postimet në rrjetet sociale. I riu u shua tragjikisht në aksidentin e ndodhur pak para mesnatës së shkuar, në fshatin Fortuzaj të Tiranës. Ai udhëtonte me makinë së bashku me 26-vjeçarin Brusild Gjyla, kur në rrethana të paqarta përfunduan jashtë rruge duke rënë në humnerë.
Gjyla gjeti vdekjen në vendin e ngjarjes, ndërsa Çali u dërgua në spital ku dhe ndërroi jetë gjatë orëve të natës .Një ngjarje tragjike që ka tronditur të gjithë ata që i njihnin dy të rinjtë. Një mik i 33-vjeçarit shprehet se nuk mund ta besojë ende largimin e tij nga kjo jetë, në moshë kaq të re, ndërsa tregon se kishte biseduar me të mbrëmjen e shkuar.
“E mër vëllai si ike tamam pabesisht, s’ia merrte mendja kujt se një rob si ti do ikte në moshë kaq të re. Nuk mbaj mend të të kem pa një herë të mërzitur, në kaq kohë sa të njoha. Jo më gjatë se mbrëmë folëm e ishe duke qeshur, siç ke qenë përherë, po të paska pas dashur Zoti afër vetes. Akoma se besoj këtë gjë… Të qoftë dheu i lehtë, inshallah, e qofsh i Xhenetit! Ngushëllime familjes, zor se do ketë DY si ti o Denis Çali”, shkruan miku i tij në një postim në rrjetet sociale./tvklan.al
Ndërsa balenat vrasëse kanë përplasur vazhdimisht varkat në ujërat e Gadishullit Iberik, ekspertët që studiojnë sjelljen e tyre, shkencëtarët, kapitenët e anijeve dhe aventurierët e jetës së egër në rrjete sociale me humor tregojnë se balenat vrasëse po sulmojnë pronarët e pasur të jahteve.
Salish Sea dhe Puget Sound në Uashington janë shtëpia e të dy grupeve të balenave vrasëse bardh e zi, që është një rajon i famshëm për këto popullata. Jahti i ekipit JAJO të Ocean Race u sulmua muajin e kaluar në ngushticën e Gjibraltarit.
Videoja nënujore e xhiruar nga një anëtar i ekuipazhit shfaq balenat vrasëse duke notuar nën jahtin holandez, me shpejtësi drejt anijes duke u përplasur në to. Në një moment, njëra balenë ia mësyn e kafshon timonin.
Sipas ekspertëve, përplasja nëpër varka ndodh sepse gjitarët ka të ngjarë të tërhiqen nga dridhjet e anijve ose rrymat. Truri i balenave është i aftë për emocione shumë të komplikuara. Kurioziteti, kënaqësia, dëshira për të luajtur, bëjnë pjesë në spektrin e ndjenjave që ato kanë po ashtu si frustrimi, frika ose inati. Kjo e fundit shihet sidomos tek balenat e kapura që mbahen të izoluara. Megjithëse deri tani nuk janë dokumentuar sulme vdekjeprurëse të balenave vrasëse që jetojnë të lira.
“Unë mendoj se balenat vrasëse janë interesante për njerëzit. Ato janë kafshë të orientuara nga familja, të lidhura me shoqërinë. Ka diçka intriguese në mënyrën se si duken, e dini, ato janë kafshë shumë të habitshme. Por unë besoj se është sjellja e tyre që ne shohim që na tërheq vëmendjen. Ju e dini se janë kafshë tepër sociale, janë kafshë kurioze, janë lozonjare. Dhe unë mendoj se kjo është ajo që ata po bëjnë. Për çfarëdo arsye, ndoshta për shkak të rrymave ndodh edhe përplasja. Fatkeqësisht, ka të ngjarë të shkaktojnë pasoja edhe të rënda. Truri i njerëzve çmendet dhe me të drejtë por nuk mendoj se balenat po sulmojnë qëllimisht barkat pasi ato sigurisht nuk janë shumë të interesuara për të sulmuar njerëzit.”
Lozonjare apo jo, dëmtimi i varkave është real. Në disa raste këto balena kryesisht në brigjet spanjolle dhe portugeze, këtë vit shkaktuan dëme të konsiderueshme pasi një varke me një grup turistësh i theu timonin duke bërë që ekuipazhi të kërkonte ndihmë.
“Mendoj se është vërtet argëtuese, e gjithë kultura e internetit rreth këtyre ndërveprimeve të balenave vrasëse në Gadishullin Iberik. Është me të vërtetë argëtuese të flasësh dhe memet janë qesharake, shakatë rreth balenave që fundosin varkat e të pasurve, më duket qesharake dhe jam e gjitha për këtë. Por mendoj se është e rëndësishme që ne të mendojmë për ato.”
Natyralistja Olivia Hafey i edukon turistët që nisin udhëtimin nga ishulli San Juan i Uashingtonit sesi të sillen me balenat.
“Mendoj se shpesh keqinterpretohet si një sjellje agresive, sepse ne kemi parë lajme në media që vijnë nga këto kontradikta, por nuk është domosdoshmërisht një sjellje agresive. Kur varkat ndalojnë ato e humbasin interesin që të dëmtojnë njerëzit.”
Për Deborah Giles, ka një tjetër teori për sjelljen e balenave vrasëse që sipa tij është modë e tyre. Sipas tij, sjelljet e tyre ndryshojnë në varësi të asaj me të cilën përballen në oqeane.
“Mendoj se kjo histori ka tërhequr vërtet vëmendjen e botës. Ka studiues në atë zonë që kanë studiuar sjelljet e tyre, vërtet unike. Kështu që unë mendoj se ka pak kuriozitet edhe nga ana jonë. Më pëlqen që balenat të mbajnë sekretet e tyre, sa i përket ndërveprimit me njerëzit në ujë.”
Tufat e balenave vrasëse kanë sulmuar varkat në ngushticën e Gjibraltarit për muaj të tërë, me më shumë se 20 incidente vetëm në maj. Muajin e kaluar, jahti Alboran Champagne u sulmua nga trebalena vrasëse të cilat çanë anijen. Varka u përmbyt dhe ekuipazhi u detyrua të braktisë anijen. Balenat vrasëse mund të notojnë deri në 56 kilometra në orë, sipas Administratës Kombëtare të Oqeanit dhe Atmosferës, dhe mund të peshojnë deri në 11 tonë.
