Author: editor

Një ngjarje e rëndë ka ndodhur ditën e sotme në plazhin Vilë-Boshtovë, në Kavajë, ku humbën jetën babai (50 vjeç) dhe dy djemtë e tij të mitur (13 dhe 15 vjeç) si pasojë e rrymave detare.

Sipas deklaratave të dëshmitarëve okularë, ambulanca ka mbërritur ne vendngjarje rreth një orë e gjysmë me vonesë, sakaq nuk dihet nëse tre viktimat kanë dalë nga deti me shenja jete apo jo.

Një ngjarje e rëndë ka ndodhur para pak minutash në Kavajë. Duke notuar në det janë mbytur babai dhe dy fëmijët e mitur nga Tirana. Të tre kanë ndërruar jetë si pasojë e rrymave detare. Ambulanca ka mbërritur rreth 1 orë e gjysmë me vonesë në vendngjarje.

Sipas informacioneve policore, dyshohet se të tre kanë qenë duke notuar në thellësi në det dhe ka pasur shumë dallgë. Ndërsa nga informacionet paraprake dyshohet se ka qenë duke u mbytur një nga djemtë dhe më pas ka shkuar për ta shpëtuar babai dhe djali tjetër.

Nuk qartësohet nëse viktimat kanë dalë me shenja jeta nga deti apo jo, por nga informacionet e marra nga dëshmitarët okularë, ambulanca ka mbërritur me vonesë,- thuhet në media.

Një automjet ka marrë flakë në lëvizje e sipër në zonën e Saukut në Tiranë.

Policia bën me dije se si pasojë e zjarrit ka vetëm dëme materiale. Tani po punohet për të hetuar rrethanat e plota të ngjarjes.

Njoftimi i policisë

Me datë 09.07.2023, në afërsi të rrethrrotullimit të Saukut, ka marrë flakë në lëvizje e sipër dhe është djegur automjeti tip “Ford” me drejtues shtetasin U. S., dhe si pasojë e zjarrit ka vetëm dëme materiale.

Nga veprimet paraprake dyshohet se zjarri ka rënë si pasojë e një defekti në mjet. Grupi hetimor po punon për përcaktimin e shkaqeve të rënies së zjarrit.

Tre djem kanë dhunuar një polic në Tiranë. Mësohet se efektivi 31-vjeçar, është qëlluar me grushte nga tre të rinjtë. Njëri nga këto tre të fundit kishte shkelur masën e sigurisë “Arrest në shtëpi”. Djemtë janë të moshës 23, 25, 26 vjeç.

Njoftimi i policise:

Specialistët për Hetimin e Krimeve të Komisariatit të Policisë Nr. 1 arrestuan 26-vjeçarin, si dhe referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin, 23 vjeç, dhe po punojnë për kapjen e shtetasit, 25 vjeç, të tre banues në Tiranë. Këta shtetas, në rrugën “Shyqyri Ishmi”, gjatë një konflikti kanë goditur me grushte shtetasin, 31 vjeç, banues në Tiranë (punonjës policie). Pas verifikimeve të kryera ka rezultuar se shtetasi 26-vjeçar., ka shkelur masën e sigurisë “Arrest në shtëpi”.

Vijon të jetë i rënduar që prej orëve të mëngjesit trafiku në kryqëzimin e Shëngjinit, që lidh Lezhën me bregdetin apo edhe me Velipojën.

Pushues nga vendi, Kosova dhe emigrantët që i janë drejtuar bregdetit në këtë të diel të nxehtë korriku kanë qenë të shumtë.

Një aks problematik mbetet Tale-Kryqëzim i Shënkollit, piku i trafikut pritet edhe gjatë orëve të pasdites në krahun e kundërt.Gjatë raportimit live nën pikun e temperaturave të larta, gazetarja Brixhilda Deda i ofroi ujë një efektivi rrugor, i cili duhet të përballojë të nxehtin përvëlues duke orientuar mjetet.

Gazetari Artan Hoxha me anë të një postimi në rrjetin e tij social ‘Facebook’ ka reaguar ndaj dorëheqjes së deputetit të mazhorancës në zonën e Fushë Krujës.
Hoxha komenton tekstin e dorëheqjes së deputetit Rraja, ku sipas tij i tërhoqi vëmendje fjalia e fundit.
“Nuk e di sa do jetë përlotur udhëheqësi, kur e ka shkruar këtë fjali”- shkruan Hoxha në ‘Facebook’.Artan Hoxha vijon duke ironizuar kryeministrin Rama: Ty se si ta bëjnë kaq “borxh dhe të shkaktojnë shqetësim kaq të madh publik”
Postimi i plotë

Fjalia qe me terhoqi me shume vemendjen ne tekstin e doreheqjes se deputetit te mazhorances ne zonen e Fushe Krujes, ishte pikerisht fjalia e fundit.“Në fund mirënjohje dhe ndjesë edhe kryetarit të partisë dhe kryeministrit, i cili nuk më kishte asnjë borxh për këtë shqetësim kaq të madh publik që i shkaktova”, njoftoi deputeti i PS.
Nuk e di sa do jete perlotur udheheqesi, kur e ka shkruar kete fjali?!?!Por duket qarte, se i ka munguar frymezimi per te formuluar nje fjali me “dritheruese”…
Eh mor padishah, ke te drejte.Ty se si ta bejne kaq “borxh dhe te shkaktojne shqetesim kaq te madh publik”, kot per se koti….???!!

https://www.facebook.com/artan.hoxha.900/posts/6273342889369993?ref=embed_post

Zbardhen detaje të reja nga tragjedia në bregdetin shqiptar, ku u mbytën tre persona.

Policia njofton se të tre viktimat janë nga Tirana. Babai me dy djemtë e mitur kanë ndërruar jetë mesditën e sotme në plazhin e Vilë-Boshtovës në Kavajë.

Babai rreth 55 vjeç dhe dy djemtë e tij të mitur rreth 13 dhe 15 vjeç u mbytën duke notuar.

Shërbimet e njësisë policore detare kanë ndërhyrë për ti shpëtuar por të tre kishin ndërruar jetë si pasojë e rrymave detare.

E sotmja është një nga tragjeditë më të mëdha gjatë sezoneve turistike në Shqipëri.