Author: editor

Një tërmet me magnitudë 6.2 Rihter goditi sot provincën Papua të Indonezisë, njofton instituti kombëtar gjeofizik, i cili theksoi se nuk ka rrezik që tërmeti të shkaktojë cunami.

Thellësia e tërmetit vlerësohet të ketë qenë 33 kilometra.

Lëkundjet u ndjenë veçanërisht në Jayapura, tha një zëdhënës i policisë. Ai shtoi se deri më tani nuk raportohet për viktima apo dëme materiale.

Arkipelagu indonezian ndodhet në të ashtuquajturën “unazë zjarri” të Paqësorit, ku përplasen pllakat tektonike, duke shkaktuar aktivitet të lartë sizmik dhe vullkanik.

Ministria e Drejtësisë ka dhënë këtë të diel njoftim mbi çështjen e Saimir Sulës, të riut që erdhi pa zemër nga Spanja në Shqipëri e më pas ndërroi jetë.

Zemra e tij do të kthehet në Shqipëri ndërsa dorëzimi do bëhet me praninë e përfaqesuesit të familjes dhe përfaqesuesve të Gjykatës së 16 të Barcelonës, përfaqësuesin e Institutit Kombëtar të Toksikologjisë së Barcelonës.

“Çështja mbi shtetasin e ndjerë Saimir Sula është konsideruar me prioritet dhe vëmendje të veçantë nga Ministria e Drejtësisë, në cilesinë e autoritetit qendror në bashkëpunimin me autoritetet e huaja në fushën penale, duke transmetuar kërkesat e Prokurorisë së Rrethit Gjyqesor Tiranë drejtuar autoriteteve spanjolle.

Kjo prokurori ka trajtuar menjeherë kërkesën për fillimin e procedimit penal në Shqipëri, dhe paraqitjen e letërporosisë tek autoritetet spanjolle te drejtësisë duke u kërkuar këtyre autoriteteve në menyrë të vazhdueshme nëpërmjet Ministrisë së Drejtësisë, informacion për ecurine e ekzekutimit të letërporosisë si dhe përshpëjtimin e procedurës së ekzekutimit. Prokuroria paraqiti kërkesën e dytë për ndihmë juridike ku specifikisht kërkoi kthimin e zemrës së të ndjerit në Shqipëri. Për një kohë të konsiderueshme autoritetet spanjolle nuk u përgjigjen.

Ministri i Drejtësisë kërkoi dhe realizoi takimin me Ministrin e Drejtësisë së Mbreterisë së Spanjës, Në këtë takim i kërkoi me insistim angazhimin për të kërkuar nga autoritetet gjyqësore spanjolle ekzekutimin e letërporosisë së autoriteteve gjyqësore shqiptare. Për këtë qëllim, autorizoi përfaqësuesin e Ministrisë së Drejtësisë në bashkëpunim me prokurorin e çështjes për të zhvilluar takim në Barcelonë me Prokurorë pranë Departamentit të Marrëdhënieve Ndërkombëtare, dhe Prokurorë e çështjes.

Në lidhje me rastin konkret, prokurori shqiptar kërkoj garanci për ruajtjen e organit dhe prokurori spanjoll i vuri në dispozicion kopje të vendimit të gjykatës se Barcelonës ku ishte disponuar mosasgjesimi i organit (zemrës) së të ndjerit Saimir Sula nga Instituti i Mjekësisë Ligjore. Më pas pritej vendimi për lejimin e riatdhesimit të zemrës.

Gjykata e Hetimit nr.16 në Barcelonë, mori vendimin dhe e përcolli pranë Ministrisë së Drejtësisë në datën 25 Maj 2023. Ministria e Drejtësisë, në bashkëpunim me Prokurorinë e Përgjithshme, Prokurorinë e Tiranës, Institutin e Mjekësisë Ligjore, me mbështetjen e Ambasadës Shqiptare në Madrid, kanë zhvilluar komunikime të vazhdueshme për detajet logjistike të kësaj procedure, rruga e transportit ajror, detar apo tokësor, mënyra e transportimit. Autoritet spanjolle në pergjigje të kërkesave të Ministrisë së Drejtësisë në cilësinë e pikës së kontaktit dhe koordinatorit të këtij procesi, kanë dhënë informacion mbi këto detaje logjistike.

Për sa më lart Ministria e Drejtësisë i paraqiti sugjerimin për kryerjen e procedurave në Barcelone në datën 12 korrik 2023. Nëse autoritete spanjolle do jenë dakort mbetet vetëm marrja e lejeve tranziti nga të gjitha shtetet ku do kalojë automjeti

Ministria e Drejtësisë ka autorizuar përfaqesuesin e saj nga Drejtoria e Marredhënieve Juridiksionale dhe Bashkëpunimi Ndërgjygjësor, përfaqesuesin e Insitutit të Mjekësisë Ligjore, Prokuroria ka autorizuar Prokurorin e çështjes, 2 oficerë të policis gjyqësore nga Drejtoria e Marrëdhenieve Juridiksionale me Autoritetet e Huaja dhe përfaqesuesi i Ambasadës Shqiptare në Madrit.

Të gjithë përfaqësuesit e lartpërmendur me praninë e përfaqesuesit të familjes dhe përfaqesuesve të Gjykatës së 16 të Barcelonës, përfaqësuesin e Institutit Kombëtar të Toksikologjisë së Barcelonës do të kryejnë procedurën e dorëzimit dhe marrjes në dorëzim të organit.”-thuhet në njoftimin e Ministrisë së Drejtësisë.

Një nga gjërat më të zakonshme që shohim si reagim i një foshnjeje është shtrëngimi i grushteve të tyre.

Foshnjat shtrëngojnë grushtat sepse ky është një reagim normal i sistemit të tyre nervor në zhvillim. Gjatë shtatzënisë, fetusi në zhvillim fillon të lëvizë krahët dhe këmbët, dhe më pas kjo lëvizje vazhdon të zhvillohet pas lindjes.

Në fillim, foshnjat nuk kanë kontroll të plotë të lëvizjeve të tyre dhe shtrëngimi i grushteve është një nga lëvizjet e para që mësojnë të bëjnë. Ndërsa zhvillohen, foshnjat fitojnë më shumë kontroll dhe mund të hapin dhe mbyllin grushtat sipas dëshirës.

Përveç kësaj, shtrëngimi i grushteve mund t’i ndihmojë foshnjat të zhvillojnë lëvizshmërinë dhe forcën në duart e tyre, si dhe të përmirësojnë perceptimin e tyre për botën përreth tyre. Gjithashtu, shtrëngimi i grushteve mund të forcojë lidhjen midis trurit të foshnjës dhe muskujve të duarve.

Përveç ndihmës në zhvillimin e lëvizshmërisë dhe forcës në duart e foshnjës, shtrëngimi i grushteve mund të ketë qëllime ose funksione të tjera:

Sigurimi i një ndjenje sigurie: Shtrëngimi i grushteve mund ta ndihmojë fëmijën të ndihet më i sigurt dhe i mbrojtur, pasi mund të jetë një reagim normal ndaj situatave ankthi ose frike.

Zhvillon koordinimin: Shtrëngimi i grushteve mund të ndihmojë në zhvillimin e koordinimit midis muskujve dhe lëvizjeve të ndryshme të foshnjës.

Praktikon prekjen: Shtrëngimi i grushteve mund ta ndihmojë fëmijën të praktikojë prekjen, pasi grushtat e tyre mund të kapin dhe prekin objektet dhe sipërfaqet.

Në përgjithësi, shtrëngimi i grushteve është një reagim normal i sistemit nervor të foshnjës dhe nuk duhet të shqetësojë prindërit.

SARANDË- Aksident në seri në Sarandë Policia në Sarandë arrestoi në flagrancë 28-vjeçarin A. G., 28 vjeç, pasi duke drejtuar makinën, në gjendje të dehur, ka përplasur disa automjete të parkuara dhe ka shkaktuar dëme materiale. Po ashtu, specialistët për Hetimin e Krimeve të Komisariatit të Policisë Sarandë arrestuan shtetasin Sh. C., 61 vjeç, banues në Kot, pasi ka tentuar të vjedhë në banesën e një gruaje.

“Specialistët për Hetimin e Krimeve të Komisariatit të Policisë Sarandë referuan materiale në Prokurori ku nisi procedimi në gjëndje të lirë për shtetaset A. A., 39 vjeçe, banuese në Gjirokastër dhe E. L., 33 vjeçe, banuese në Sarandë, pasi janë konstatuar duke shfrytëzuar për të lypur, 4 fëmijët e tyre të mitur 4-9 vjeç. Specialistët për Hetimin e Trafiqeve dhe Narkotikëve referuan materialet në Prokurori ku nisi procedimi në gjëndje të lirë për shtetasin E. H., 31 vjeç, banues në Vlorë, pasi dyshohet se ka trafikuar një automjet tip “Audi” që rezulton i vjedhur në Belgjikë. Materialet procedurale i kaluan Prokurorisë, për veprime të mëtejshme,”-bën me dije Policia në njoftimin zyrtar.