Author: editor

Një krim i rëndë ka ndodhur mbrëmjen e sotme në Gjakovë. Dy vëllezër janë vrarë me armë zjarri.

Krimi i rëndë ka ndodhur në fshatin Madanaj.

Rasti është konfirmuar edhe nga drejtori rajonal i policisë në Gjakovë, Lumni Graishta.

“Ashtu e kemi informatën. Janë dy vëllezër. Njëri ka vdekur në vendin e ngjarjes, ndërsa tjetri rrugës për në spital. Vdekjen e kanë konstatuar mjekët e emergjencës në Gjakovë”, u shpreh ai.

Burime të “Indeksonline” bëjnë me dije se motivi i vrasjes dyshohet të jetë për shkak të pronës. Viktimat janë vëllezërit Islami.

Video-skandali seksual i ish-kryebashkiakut Safet Gjici shokoi opinionin publik, teksa ende mbetet mister se kush e organizoi.

Gazetari Bledi Mane ngriti akuza të forta, teksa ishte i ftuar në “Rrethi katror”, ku tha se Alma, vajza që shfaqet në video duke kryer marrëdhënie me Gjicin, është takuar më 3 qershor me Sali Berishën.

Ndërkohë vetëm 3 ditë më vonë, më 6 qershor, ajo shkoi në Kukës, ku me ndihmën e një agjenti të Shërbimit Informativ të Shtetit futën në kurth Gjicin.

“SPAK ka tashmë një dosje me filmime dhe dokumente. Në datën 3 qershor zonja Alma Kaçi është pritur në zyrën e Sali Berishës. Janë sekuestruar kamerat e selisë dhe zyrës. Sali Berisha e ka çuar Almën tek Sazan Guri, ku ajo ka marrë një kopje të projektit për qentë e rrugës. Alma Kaçi ka qenë një person i përdorur nga SHIK-u dhe gjatë kohës që ka qëndruar në Durrës, ka qenë nën monitorimin e një inspektori. Ky inspektor ka qenë personi ndërmjetës, që e ka pritur Almën në Kukës, e ka çuar te bashkia dhe ka pritur pasi ka mbaruar gjithçka. Ai nuk dinte t shkarkonte usb-në që i dha Alma, por e ka filmuar nga kompjuteri. Pra, duke ditur një pikë të dobët të Safetit, e sulmuan aty.”- tha Bledi Mane.

I riu që shihni në foto është 22-vjeçari, i icli humbi jetën aksidentalisht në Konispol teksa ishte duke punuar me babain e tij.

Kristi Doda 22 vjeç ka qenë duke ngarkuar bashkë me të atin e tij, mjetin e tyre me stiva bari.

Aksidentalisht, i riu ka rënë nga lartësia e stivës së barit ku ai ndodhej dhe për rrjedhojë është dëmtuar rëndë.

Menjëherë është transportuar në Spitalin e Sarandës, por nuk ka mundur t’i mbijetojë plagëve të marra dhe për rrjedhojë ka ndërruar jetë.

Kristi Doda ishte njeri prej katër fëmijëve të Gjon Dodës, njëherësh edhe ndihma me e madhe e babait të vet.

Zbardhen 4 emrat e socialistëve që do të garojnë për bashkinë e Kukësit. Në garë do të jenë Granit Gjana, Ali Hallaçi, Astrit Dobrushi dhe Albert Halilaj.

Mësohet se zgjedhjet për kreun e ri të Bashkisë së Kukësit do të mbahen në fillim të muajit gusht.

Kryebashkiaku i dorëhequr i Kukësit Safet Gjici u vu nën hetim nga SPAK në 16 qershor, pas publikimit të video-skandalit ku ai shfaqej duke kryer marrëdhënie seksuale në zyrën e tij në Bashki.

Në videon e publikuar të skandalit seksual, Gjici u dëgjua teksa i premtoi një tender për vaksinimin e qenëve në Kukës, Alma K. vajzës me të cilën po kryebte marrëdhënie seksuale.

Edhe dita e diel do të jetë nën ndikimin e masave jo-stabile ajrore, ngase përpos intervaleve kohore me diell, parashihen vranësira të shpeshta dhe po ashtu edhe zhvillime të rrebesheve lokale të shiut me vetëtima dhe bubullimë.

Fronti i ftohtë arriti duke ulur temperaturat dhe duke larguar ajrin afrikan dhe kjo ishte vala e parë e nxehtësisë afrikane për këtë verë. Me ardhjen e frontit në disa vise u krijuan kushte ideale për krijimin e stuhive mjaft të fuqishme që kushtëzuan reshje shumë intensive shiu siç ndodhi në rajonin e Pejës sonte.

Moti jo-stabil dhe me reshje të herëpashershme lokale do të vazhdojë edhe të dielën ku vende-vende përsëri mund të ketë kushte për reshje intensive dhe ndonjë stuhie e fortë e izoluar.

Atmosfera do të stabilizohet nga e hëna dhe reshjet do të pakësohen dukshëm. Po ashtu priten intervale kohore me diell dhe rritje graduale e temperaturave.

Reshje nuk pritet të ketë as ditën e martë,

ndërsa të mërkurën pritet një front i ri i ftohtë ajror, por sipas parashikimeve të sontme reshjet të mërkurën pasdite nuk pritet të jenë problematike dhe do të jenë të karakterit lokal.

Vdes në aksident npunonjësi i policisë.

Ngjarja e rëndë ka ndodhur në aksin rrugor Korçë – Bilisht në afërsi të fshatit Nevicisht.

Nga informacionet paraprake bëhet me dije se një mjet tip trajler është përplasur me një veturë drejtuar nga Ilir Duni, punonjës policie.

Përplasja ka qenë mjaft e fortë pasi makina është bërë copë-copë e mandej ka shpërthyer edhe në flakë. Për pasojë ka humbur jetën në vend punonjësi i policisë.

Në vendin e ngjarjes shkuan men jëherë punonjësit e shërbimit zjarrfikës dhe të policisë rrugore. Mjeti u fik pikërisht nga shërbimi zjarrfikës.

Një grup hetimor po punon për zbardhjen e rrethanave të aksidentit.

Një aksident me pasojë vdekjen e një personi është shënuar të dielën në aksin rrugor Korçë – Bilisht në afërsi të fshatit Nevicisht.

Nga informacionet paraprake bëhet me dije se një mjet tip trajler është përplasur me një veturë, duke shkaktuar vdekjen e një personi brenda kësaj makine.

Ende nuk dihet identiteti i viktimës ndërkohë që policia ndodhet në vendngjarje për zbardhjen e rrethanave të aksidentit.