Shqiperia Ime

Author: editor

  • Çfarë do të ndodhë me temperaturat? Zbuloni parashikimin e motit për stinën e verës 2023

    Çfarë do të ndodhë me temperaturat? Zbuloni parashikimin e motit për stinën e verës 2023

    Instituti Hidrometeorologjik ka përgatitur se çfarë do të ndodhë mbi “Situata aktuale hidrometeorologjike dhe trendet për muajt e verës 2023”. Informacion të detajuar mbi gjendjen e treguesve kryesor klimatik për periudhën verore (qershor-gusht 2023).

    Gjendja aktuale është prezantuar bazuar në matjet e realizuara në 11 Stacione Automatike Meteorologjike, ndërsa për realizimin e prognozës janë përdorur të dhenat nga produktet e ofruara nga European Centre for Medium-Range Weather Forecasts (ECMWF. Met Office, MétéoFrance, DWD), dhe Modeli SPI.

    Parashikimet e realizuara s ai përket temperaturave flasin se gjatë verës temperaturat maksimale do të arrijnë deri në 30 gradë Celsius.

    Zonat barike që e kontrollojnë motin mbi vendin tone dhe gjithë Evropën janë: Anticikloni i Azoreve, Anticikloni i Siberisë, Cikloni i Islandës dhe masat e nxehta të ajrit që vijnë verës nga Afrika Veriore. Stinët ndahen në dy mënyra, në stinë Meteorologjike dhe në stinë Astronomike. Sipas stinëve meteorologjike vera 2023 me 1 qershor dhe përfundon me 1 shtator.

    Stina e verës 2023 parashihet me temperature mesatare minimale dhe maksimale mbi mesataret shumëvjeçare, kjo si pasojë e efekteve më të shpeshta të El Nino (faza e ngrohtë e lëkundjeve). Parashihen edhe ditë më të shpeshta me breshër, si pasojë e temperaturave të larta. Gjithashtu edhe shkalla e avullimeve do të jetë e lartë për shkak të temperaturave dhe erërave të cilat do të jenë të shpeshta dhe masat e ajrit do të jenë në të shumtën e kohës dinamike.

    Qershori

    Muaji qershor parashihet të ketë insolacion më të theksuar pavarësisht se edhe reshjet e shiut nuk do të mungojnë, ku vërehet edhe nga SPI6. Mesatarja e insolacionit (ditë me diell), parashihet të jetë rreth 7h. Temperatura mesatare minimale për muajin qershor parashihet të jetë mbi vlerat e mesatareve shumëvjeçare. Vlera mesatare e saj parashihet të jetë rreth 0.5 ºC më e lartë në krahasim me mesataren shumëvjeçare.

    Temperature mesatare për muajin qershor parashihet të jetë rreth 19-21 ºC, ndërsa në rrafshin e Dukagjinit temperature mesatare mujore parashihet të jetë 20-22 ºC (duke i përfshirë edhe mesataret e stacioneve në viset e larta malore).

    Sasitë e reshjeve në rrafshin e Kosovës parashihen të lëvizin ndërmjet 25-35mm përfshirë zonat e lindjes, juglindjes dhe verilindjes, ndërsa në Jug, jugperëndim, perëndim, veri dhe veriperëndim, sasitë e reshjeve parashihen të lëvizin ndërmjet 40-75mm. Sasitë e avullimeve parashihen të jenë rreth trefish në raport me sasinë e reshjeve.

    Korriku

    Muaji korrik si zakonisht do të ketë më shumë orë me diell, parashihen që mesataret ditore të jenë mbi 9h dhe më pak vranësira të stadit të ulët të Troposferës. Temperatura minimale e ajrit në ketë muaj do të ketë vlera mbi mesataren shumëvjeçare, ku vlera mesatare mujore e saj do të jetë rreth 0.6 gradë më e lartë në krahasim me mesataren shumëvjeçare.

    Temperatura mesatare minimale parashihet të jetë rreth 15 gradë Celsius, ndërsa në rrafshin e Dukagjinit rreth 15.5 gradë Celsius. Temperatura mesatare maksimale do të jetë rreth 29.5 ºC, ndërsa në Dukagjin rreth 30-30.5 ºC. Këto vlera të parashikuara në raport me vitet e fundit janë për afro 1 gradë më të larta. Kurse temperatura mesatare mujore për muajin korrik parashihet të jetë rreth 22 gradë në rrafshin e Kosovës, ndërsa rreth 23 gradë në rrafshin e Dukagjinit.

    Sasitë e reshjeve parashihen të jenë më të ulëta në krahasim me mesataren e viteve tjera , ku sasitë totale parashihen të jenë 20- 30mm në rrafshin e Kosovës, ndërsa në Dukagjin rreth 30-40mm. Shkalla e avullimeve gjithashtu parashihet të jetë e lartë rreth 4-5 herë më e lartë se sasitë e reshjeve.

    Gushti

    Muaji gusht parashihet me temperature më të larta për 0.5-1 ºC në krahasim me mesataret shumëvjeçare. Në rrafshin e Kosovës temperaturat minimale mesatare parashihen të jenë rreth 15 gradë Celsius, ndërsa në Dukagjin rreth 16 ºC. Temperatura maksimale mesatare e ajrit parashihet të jetë mbi mesataren afatgjate për 0.8-1.1 gradë Celsius, në krahasim me mesataren afatgjate. Parashihen rreth 9h me diell të jetë mesatarja ditore dhe në total rreth 290h. Në rrafshin e Kosovës temperatura mesatare maksimale parashihet të jetë ndërmjet 29-30 ºC, ndërsa e njëjta në rrafshin e Dukagjinit parashihet të jetë ndërmjet 30-31 ºC. Sa i përket sasisë totale të reshjeve gjatë muajit gusht parashihet të ketë më pak reshje se mesataret shumëvjeçare.

    Sasitë e reshjeve parashihen të jenë rreth 30-35mm. Gjatë stinës së verës 2023 pos këtyre ngjarjeve të reflektuara, parashihen edhe ditë me breshër dhe erëra të furishme (stuhi).

    Këto ngjarje zakonisht ndodhin në pjesën e dytë të ditës, nga ora 14-17, si pasojë e amplitudave të mëdha në fushat barike por edhe ato termike. Parashikimi sezonal C3S3 i inicializuar afër 1 majit tregon probabilitet të shtuara për reshje mbi mesataren mbi Evropën Jugore për verën në tërësi (qershor-gusht). Ky sinjal vjen nga fillimi i sezonit dhe është i pranishëm në disa (jo të gjithë) komponentët e multi-sistemit C3S.

    Anomalitë e parashikuara në pamjen e grafikeve janë të vogla; në realitet, sasi të tilla të shiut nuk do të bënin një ndryshim domethënës në kushtet e thatësirës e cila mund të paraqitet në disa rajone të Evropës. Për temperaturën, sinjali është për vlerat sezonale mbi mesataren pothuajse në të gjitha zonat tokësore, më e shprehur në Evropën Jugore dhe Perëndimore.

    Parashikimet për temperaturën e sipërfaqes së detit në Paqësorin ekuatorial vazhdojnë të tregojnë pothuajse të sigurt zhvillimin e një ngjarjeje El Niño gjatë pjesës së dytë të këtij viti. Në kohën e formimit, kushtet rreth Tropikëve nuk tregojnë një përgjigje atmosferike ndaj këtyre kushteve të oqeanit, që do të thotë se ngjarja në të gjithë Paqësorin, nuk ka filluar ende, dhe kështu ndikimet në zonat e largëta nga qendra e veprimit, nuk ka gjasa të hyjë në fuqi para fundit të verës. Kjo do të thotë që efekti i një El Nina, do të vazhdoj edhe me tutje gjatë stinës së vjeshtës.

    Reshjet përkufizohen si shuma e reshjeve të lëngshme dhe të ngurta dhe shprehen si ekuivalente vëllimore të reshjeve të lëngshme. Të dhënat janë përpunuar duke përdorur korrigjimin e lartësisë së modelit hidrologjik dhe interpolimin hapësinor. Për çdo periudhë mujore, treguesi i disponueshëm për reshjet bazuar në të dhënat ditore është: Mesatarja mujore: mesatarja e periudhës së plotë mujore e të gjitha vlerave ditore Të dhënat bazohen në parashikimet e reshjeve sezonale të rregulluara sipas modelit HYPE.

    Duke u bazuar në model, vërehet që sipas dyja skenarëve (a dhe b), gjatë muajve korrik dhe gusht, sidomos pjesa perëndimore e Kosovës, do të ketë “më pak se i ulët”, ndërsa pjesa qendrore “mesatare”, kurse në Anamoravë “e ulët”. Ndërsa për muajt gusht – shator vetëm pjesa jugore e Dukagjinit, probabiliteti do të jetë me i ultë se mesatarja, ndërsa për pjesën më të madhe të vendit ajo do të jetë “mesatare” të reshjeve për këta muaj/ Institutit Hidrometeorologjik

  • Kishte frikë se mos i merrte Luizin? Kiara merr vendimin për Jorin

    Kishte frikë se mos i merrte Luizin? Kiara merr vendimin për Jorin

    Pas përfundimit të “Big Brother VIP”, Jori Delli la të nënkuptohet për një ftohje të marrëdhënieve mes saj dhe Kiara Titos.

    Ajo deklaroi se nuk kanë pasur komunikime dhe u shpreh se i ka shkruar moderatores, por nuk ka marrë përgjigjen që donte.

    “Me Kiarën le të themi që është një marrëdhënie neutrale. Nuk ka ndodhur asnjë gjë, jashtë ajo ka shumë presion nga publiku dhe besoj se nuk ka shumë kohë të ketë marrëdhënie me mua. I kemi dhënë nja dy-tre mesazhe në Instagram njëra-tjetrës. Mu përgjigj një çikë vonë, por mu përgjigj.”-deklaroi ajo në një intervistë.

    Kjo u interpretua në publik si një xhelozi nga ana e Kiarës, pasi gjatë qëndrimit në Big Brother Vip, Jori u pa shumë e afërt me Luizin edhe pse ka deklaruar se e ka parë vetëm si shok dhe asgjë më shumë.

    Gjithsesi, vajzat duket se kanë rregulluar marrëdhëniet dhe kanë sqaruar çdo gjë. Kjo pasi tani po kalojnë edhe një tjetër eksperiencë së bashku, në “Kepin e Vip-ave”, ku Kiara është moderatore dhe modelja pjesëmarrëse.

    Jori ka publikuar së fundmi një foto me Kiarën në Instagram ku shfaqen së bashku duke vendosur pikat mbi “i” sa i përket raportit të tyre. Edhe Kiara e ka ripostuar në Instagramin e saj, duke shuar çdo lloj dyshimesh.

  • Parashikimi javor i horoskopit nga Paolo Fox, ja shenjat që s’do ta kenë në terezi gjatë datave 12-18 qershor

    Parashikimi javor i horoskopit nga Paolo Fox, ja shenjat që s’do ta kenë në terezi gjatë datave 12-18 qershor

    DASHI: Nuk ka më shpërqendrime për ata që kanë lindur në shenjën e Dashit. Do të jetë një javë vendimtare për sezonin e verës, si në dashuri ashtu dhe në punë, por gjithçka varet nga aftësia juaj organizative. Mbajini sytë hapur dhe lexoni sinjalet që do t’ju vijnë, ose rrezikoni të lini një mundësi të mirë t’ju ikë nga duart. Qershori do të jetë muaji i mundësive të arta, por lëvizja e duhur në kohën e duhur do të jetë shpëtim për ju.

    DEMI: Yjet u buzëqeshin të lindurve në shenjën e Demit. Drita e Hënës do ta ndriçojë shenjën tuaj, por do të jeni të mbrojtur edhe nga ndikimi i Uranit dhe Saturnit. Këto do të jenë ditë qetësie dhe stabiliteti, por që do të shkunden nga ardhja e një sërë lajmesh intriguese që parashikojnë shumë zhvillime pozitive brenda një kohe të shkurtër. Mundohuni të përfshini edhe njerëzit e afërt në jetën tuaj.

    BINJAKËT: Ju që i përkisni shenjës së Binjakëve , ndiheni të rraskapitur pas një periudhe përpjekjesh pa fund. Mos e detyroni veten të vazhdoni, merrni pak kohë për veten tuaj ose rrezikoni ta përkeqësoni situatën. Jeni të paduruar për të përfunduar atë që keni filluar. Nëse do të gjeni pak kohë për t’u çlodhur, do të mund të mendoni për lëvizjen e radhës për t’i vënë punët në vijë pa u sforcuar më tej.

    GAFORRJA: Kjo do të jetë një javë e mbarë për të lindurit në shenjën e Gaforres. Pas një pranvere me ulje-ngritje, më në fund duket se jeta juaj po merr drejtimin e duhur. Yjet ju falin siguri, prandaj përfitoni nga kjo periudhë pozitive për të bërë realitet dëshirat tuaja, edhe ato më të parëndësishmet. Të gjithë meritojnë t’i plotësojnë vetes ndonjë tekë herë pas here. Në fund të javës do të përballeni me një zgjedhje të vështirë, ndiqni zemrën tuaj.

    LUANI: Këto ditë do të jenë të mbushura me ankth dhe lodhje për të lindurit në shenjën e Luanit. Keni një mijë gjëra për të bërë dhe pak kohë për të menduar këto ditë. Nëse do t’i bëni gjërat sipas ritmit të të tjerëve dhe do të bini në kurthin e paranojave të tyre, fundi i javës do t’ju gjejë të rraskapitur. Veproni me zgjuarsi, kërkoni zgjidhjen më të zgjuar, jo më të lodhshmen. Shtrëngoni dhëmbët edhe për pak kohë, se shumë shpejt do të shihni dritë në fund të tunelit.

    VIRGJËRESHA: Kjo do të jetë një javë pozitive për të lindurit në shenjën e Virgjëreshës. Së fundmi keni bërë një zgjedhje të rëndësishme, e cila ka filluar të japë fryte. Ndiqni me vendosmëri rrugën që keni zgjedhur, përfitoni nga ky moment i favorshëm për të krijuar më shumë stabilitet për veten dhe për ata që doni. Mos u trembni nga e panjohura, mirëpriteni atë dhe përdoreni në avantazhin tuaj.

    PESHORJA: Java do të jetë e ndarë më dysh për të lindurit në shenjën e Peshores. Nga njëra anë, jeta juaj profesionale po lulëzon, asgjë nuk duket se mund të bllokojë suksesin tuaj. Nga ana tjetër, në dashuri situata është kritike, si për ata që janë vetëm, ashtu edhe për ata që janë në çift. Të dyja palët rrezikojnë të krijojnë keqkuptime. Beqarët përpiqen të përfshihen në lidhje të reja, ndërsa ata që kanë një partner rrezikojnë ta largojnë atë në mënyrë të pavullnetshme. Peshojini më mirë fjalët tuaja.

    AKREPI: Akrepat kanë parë ditë më të mira, por nuk ankohen. Nuk do të bëni shumë hapa përpara në këtë javë që premton të jetë statike dhe e mërzitshme. Ndieni se ju kanë shteruar energjitë, por as nuk e keni të qartë se çfarë doni të arrini. Kini parasysh se sa herë që mbyllet një derë hapet një dritare. Tani keni më shumë kohë për t’u marrë me veten dhe për të kuptuar se çfarë doni me të vërtetë. Me t’ia rinisur nga e para, gjithçka do të jetë më e lehtë.

    SHIGJETARI: Të lindurit në shenjën e Shigjetarit do të jenë këtë javë më të paduruar se kurrë. Dëshira e madhe për të shkuar me pushime ju bën të nxituar, duke rrezikuar të bëni nervozë shumë njerëz dhe duke anashkaluar shumë çështje të rëndësishme. Përpiquni t’i merrni seriozisht përgjegjësitë tuaja, do të ketë kohë për të shijuar diellin dhe plazhin. Tregohuni vigjilentë në dashuri, një person i ri mund t’jua ëmbëlsojë jetën.

    BRICJAPI: Kjo javë do t’i gjejë optimistë për të ardhmen të lindurit në shenjën e Bricjapit. Yjet drejtojnë veprimet tuaja, ju ndiheni më të guximshëm dhe më me fat se zakonisht. Çdo rrezik që do të merrni përsipër është një mundësi për të bërë përpara, çdo bast është një siguri. Kini gjithmonë besim se do t’i arrini objektivat tuaja. Jini më të kujdesshëm në çështjet e zemrës: rrezikoni të dështoni nëse nuk merrni parasysh ndjenjat e të tjerëve.

    UJORI: Duket se nuk ka pasur asgjë të re këto ditë në jetën e të lindurve në shenjën e Ujorit. Shumë projekte janë prishur në këto ditë vere. Shpeshherë keni pasur ndjesinë se keni bërë një hap para e dy hapa pas. Një re zhgënjimi dhe pesimizmi do t’ju ndjekë gjatë gjithë javës. Kini parasysh se asgjë nuk është e prerë si me thikë. Është më e udhës të prisni për mundësi më të mira.

    PESHQIT: Të lindurit në shenjën e Peshqve janë në qendër të gjithçkaje këto ditë. Ju keni treguar se keni shumë cilësi dhe jeni të domosdoshëm për disa gjëra. Nga njëra anë ndiheni të kënaqur dhe të lumtur që keni marrë vlerësimin që meritoni, nga ana tjetër nuk keni më një moment të lirë për veten. Ju keni shumë përgjegjësi mbi vete tani, të cilat nuk mund t’i merrni lehtë. Përvishni mëngët dhe tregoni sa vleni.

  • “Do të jetë mëkatare”, Meri Shehu parashikim aspak pozitiv për horoskopin këtë javë

    “Do të jetë mëkatare”, Meri Shehu parashikim aspak pozitiv për horoskopin këtë javë

    Në parashikimin javor nga Meri Shehu, asnjëra prej shenjave nuk ka marrë 5 yjet ndërsa duket se Shigjetarët do vazhdojë t’i ndjekë fati i mirë pas kryesimit të renditjes mujore.

    Meri Shehu: Mund të na vihen përballë tundime, joshje, provokime dhe në fund fare do të shihet se sa ne apo të dashurit tanë i kemi rezistuar këtyre gjërave dhe të arrijmë pastaj të shohim çift ose tek dashurinë ose Afërditën në Luan. Këtë javë futet edhe Mërkuri në Binjak që do të thotë se komunikimi do të jetë shumë i mirë, i këndshëm dhe do të na japë një ajër të freskët në marrëdhëniet tona në përgjithësi.

    Këshilla e fundit e astrologes është të keni kujdes sepse do të jetë një “javë mëkatare”

    Dashi – 3 yje

    Afërdita në Luan i jep një sharm, një gëzim, dëshirë për të shijuar jetën, për të dalë, për t’u argëtuar, është në shenjën e dashurisë për Dashët. Këto tre ditët e para do të vihen direkt në sprova të mëdha, personale, sociale, mund të kemi thashetheme, gjëra që i prekin në identitetin e tyre. Do kalojnë një krizë personale pastaj do qetësohen në fund të javës.

    Demi – 2 yje

    Janë në katërkëndësh direkt me Luanin, Afërdita do bëjë një lidhje të vështirë me Jupiterin në Dem dhe do sprovohen në çështje familjare, në investime biznesesh familjare ose në marrëdhënie me njerëzit e afërt. Duhet të marrin parasysh se çfarë kanë e çfarë mungon.

    Binjakët – 3 yje

    Mërkuri në shenjën e tyre do bëjë të fillojnë komunikimin, jetën personale, bashkëpunimin, udhëtime dhe Afërdita në Luan nuk është e keqe, marrin një energji të mirë, promovime e propozime. Tre ditët e para mund të kenë një tradhti në lidhje me biznesin ose çështjet ligjore.

    Gaforrja – 1 yll

    Është një nga shenjat që do të shpenzojnë më shumë ose do vihet përballë një tundimi për të dhënë para. Do përdoren ose do përdorin të tjerët por futen në një tunel të errët sa i përket shpenzimeve ekonomike. Një pasion i madh i fshehur diku iu del papritur në zemrën e tyre ose që mendonin se i kishin vënë kapakun, por s’është mbyllur mirë e i vë përballë një sprove shpirtërore.

    Luani – 3 yje

    Kurorëzohen Luanët me Afërditën, mbretëreshën e bukurisë dhe dashurisë në shenjën e tyre dhe të ekonomisë, por tre ditët e para do kenë partneritete të vështira, sprova të vështira para se të arrijnë ta shijojnë. Mund të kenë ndarje në çift, keqkuptime, xhelozira dhe kujdes në partneritete e bashkëpunime.

    Virgjëresha – 2 yje

    Kanë prapaskena në lidhje me punën dhe jetën personale me Afërditën në Luan. Afërditën, në tre ditët e përparme ose të mbrapme e kanë më shpirtërore, më të fshehtë dhe të paqartë për ta deklaruar ndjenjën e tyre. Kujdes në ekonomi. Në jetën që ka të bëjë me punën, shtetin, ligjin do ecin shumë mirë dhe aty duhet të fokusojnë energjinë, tek puna dhe udhëtimet.

    Peshorja – 3 yje

    Janë një nga shenjat që favorizohen shumë nga Afërdita në Luan, marrin drejt për së drejti këtë energji, do ndihen mirë. Të kenë kujdes në çështjet ekonomike, ligjore ose në dashuri mund të përjetojnë ca dramaticitete 3 ditët e para ose keqkutpime dhe t’i çojnë gjërat në ekstrem, erotikë ose xhelozi ekstreme.

    Akrepi – 3 yje

    Do merren shumë me kontaktet me jashtë, dashuritë që i kanë lënë përgjysmë jashtë, njohjet por që fillimisht do ndiejnë sikur është e paarritshme, e pakontrollueshme por iu hapet një rrugë shumë e madhe, udhëtime dhe kontakte e njohje,fejesa e martesa për ata që nuk janë martuar, me dikë të huaj ose diku jashtë që iu ndrin ylli edhe njëherë sa i përket jetës erotike dhe ekonomike.

    Shigjetari – 4 yje

    Afërdita në Luan është një faktor shumë frymëzues, shumë pozitiv në dashuri, në ekonomi, në gëzim, dalje, udhëtime, relacione, partneritete. Sado këto 3-4 ditët e para do jenë nervozë, të paqartë, duket sikur duan të tradhtojnë gjithë botën për dëshirat që nuk u janë plotësuar, do e marrin veten. Do dalin me anën e tyre më të mirë pas të mërkurës dhe do e shijojnë si ata, ashtu dhe njerëzit rreth tyre.

    Bricjapi – 3 yje

    Do shikojnë një mundësi të mirë ekonomike që iu mohohet 3 ditët e para nga një bashkëpunim, ndarje në martesë nuk marrin dot atë që pretendohet nga të tjerët. Nga mesi i javës e tutje iu hapen punët, iu çlirohen çeqet ose llogaritë dhe investojnë shpirtërisht dhe i bëjnë gjërat me dashuri.

    Ujori – 3 yje

    Janë katalizatori që do vërë në sprovë të gjithë shenjat e tyre. Demët, Luanët, Afërdita në Luan përballë Ujorit direkt. Do jetë kriteri i vërtetësisë apo arti i të qenit mirë me veten. Po nuk aprovoi Ujori një marrëdhënie ose çek, është e pamundur të ecë përpara bashkëpunimi dhe marrëdhënia.

    Peshqit – 3 yje

    Do finalizojnë një punë shumë të këndshme që ka të bëjë me artin, me të bukurën, femrën, dashurinë, me teatrin. Do shpenzojnë shumë për ta arritur sepse shijet janë shumë të forta dhe të shtrenjta. Këtu ndoshta do çalojnë tre ditët e para por do i gjejnë burimet financiare për ta realizuar.

  • Mijëra peshq të ngordhur dalin në breg duke tronditur banorët në katastrofën e Texas

    Mijëra peshq të ngordhur dalin në breg duke tronditur banorët në katastrofën e Texas

    Mijëra peshq të ngordhur kanë dalë në brigjet e një plazhi në Texas, SHBA në një fenomen të pazakontë, teksa raportohet se mund të jetë shkaktuar nga mungesa e oksigjenit në ujë.

    Një operacion i gjerë pastrimi ka nisur për largimin e peshqve nga brigjet e detit, teksa pamjet nga vendngjarja tregonin masën gjigante të katastrofës.

    Ngjarja në plazhin Bryan Beach ka nisur prej të premtes kur peshqit kryesisht të species Menhaden, mes të cilëve dhe disa peshkaqenë të vegjël, nisën të dilnin të ngordhur në breg në numra të mëdhenj.

    Zyrtarët thanë se ngjarja është shkaktuar nga një “event i oksigjenit të ulët në ujë”, sipas departamentit të botës së egër në Texas sipas të cilëve ka ardhur nga ngrohja e ujit.

    Kur peshqit kanë oksigjen të ulët ata nisin të panikosen dhe kjo redukton edhe më shumë rezervat e tyre të oksigjenit.

    Dalja e peshqve të ngordhur në breg kishte vijuar deri të dielën teksa zyrtarët thonin se shumë prej peshqve kishin masë të reduktuar trupore, thuajse të kthyer në skelete.

  • “S’ka arsye për të pranuar kërkesat për azil të shqiptarëve”/ Deputetët britanikë publikojnë raportin, ja çfarë kanë vendosur

    “S’ka arsye për të pranuar kërkesat për azil të shqiptarëve”/ Deputetët britanikë publikojnë raportin, ja çfarë kanë vendosur

    Një grup deputetësh britanikë të Komisionit të Punëve të Brendshme kanë hartuar një raport në lidhje me emigrantët shqiptarë në Mbretërinë e Bashkuar.Sipas këtij raporti, emigrantët shqiptarë në Britani nuk kishin gjasa të kishin nevojë për azil dhe ka pak prova qe ata te jene ne rrezik në vendin e tyre.

    Shtetasve shqiptarë nuk duhet t’u jepet azil në mënyrë rutinore, tha komisioni përzgjedhës i Punëve të Brendshme. Një total prej 51% të kërkesave për azil nga shqiptarët u pranuan fillimisht në 6 mujorin e parë të vitit të kaluar. Disa që bënin kërkesa për azil, veçanërisht gratë, pasi pretendonin se ishin trafikuar dhe kanë nevojë për mbrojtje, thanë deputetët, raporton BBC.

    Komiteti vendosi të shqyrtojë fluksin e shqiptarëve në Mbretërinë e Bashkuar për shkak të rritjes së madhe të shifrave vitin e kaluar. Në vitin 2022, më shumë se një e katërta e 45,755 njerëzve që kaluan Kanalin me varka të vogla shkuan nga Shqipëria dhe shumica kërkuan azil.

    Në harkun kohor të një viti numri i shqiptarëve që mbërrinin në Britaninë e Madhe me këtë rrugë ishte rritur nga 800 në 12 301 kërkesa. Arsyet për rritjen e madhe janë të paqarta dhe numrat kanë rënë ndjeshëm në muajt e fundit.

    Kritikët e mbërritjeve me varka të vogla këmbëngulin se Shqipëria është një vend i sigurt. Komiteti ra dakord dhe raporti i tyre thekson se vendi nuk është në luftë dhe është kandidat për t’u anëtarësuar në BE. Nuk ka asnjë bazë të qartë që Mbretëria e Bashkuar të pranojë në mënyrë rutinore mijëra kërkesa për azil nga qytetarët shqiptarë, thuhet në raport.

  • Data juaj e lindjes zbulon sekrete mbi personalitetin tuaj

    Data juaj e lindjes zbulon sekrete mbi personalitetin tuaj

    Një alternativë interesante ndaj shenjave të zodiakut dhe domethënies së tyre, është data juaj e lindjes. Pikërisht, numerologjia e datës suaj të lindjes, pavarësisht muajit kur keni lindur, mund të zbulojë llojin e personalitetit që keni. Eshtë vërtetë e habitshme saktësia e saj.

    3, 9, 12, 15, 21, 29, 30: Tejet krijues!

    Nëse keni lindur në një prej këtyre datave, atëherë keni prirjen të jeni ndër njerëzit më krijues të kohës suaj. Ju doni shumë botën e artit dhe kulturës, jeni person që i shihni gjërat nga të gjithë këndet, me qëllim që të krijoni një imazh sa më të mirë në kokën tuaj. Nëse ndieni që doni të përfshiheni në ndonjë lloj aktiviteti krijues, atëherë duhet t’ia nisni menjëherë. Do të befasoheni vërtetë se sa të mirë jeni.

    1, 10, 18, 19, 27, 28: Liderë nga natyra

    Ju jeni një person pasionant, kur vjen puna tek njerëzit e dashur. Nuk ndaleni para asgjëje, për të siguruar që të gjithë arrijnë objektivat e tyre të suksesit, edhe nëse kjo kërkon që të largoheni që ata njerëz të arrijnë objektivat e tyre. Shumë modestë dhe tejet të guximshëm në mënyrën si paraqiteni, ju jeni shumë të sigurtë dhe mirëkuptues për botën që ju rrethon. Jeni ndër liderët më të natyrshëm në botë dhe asgjë nuk ju ndal!

    2, 6, 7, 11, 20: Shumë të dhembshur

    Nëse keni lindur në këto data, jeni ndër njerëzit më të dhembshur në botë. Ju kuptoni të bëni dallimin mes të drejtës dhe të gabuarës, nuk i lini kurrë njerëzit në dyshim apo frikë, dhe mund të përballoni pothuaj gjithcka. Keni një mendje me aftësi të lartë vetëshëruese kur vjen puna tek stresi dhe trysnia, por gjithashtu i përballoni problemet me logjikë dhe arsye, duke u siguruar që e kuptoni cdo gjë në tërësinë e vet, para se të merrni një vendim se si të zgjidhni konfliktet tuaja.

    4, 25, 16, 5, 14, 23: Shpirt aventure

    Nëse keni lindur në këto data, atëherë jeni ndoshta ndër njerëzit më aventurierë. Gjithmonë kërceni sapo ju shfaqet mundësia për të eksploruar një gjë të re, cfarëdo qoftë ajo, hobi, vend, person, nuk ka rëndësi! Ju keni shpirt aventure dhe inkurajoni këdo përreth jush që të jetë po kaq i dhënë pas aventurës,sa edhe ju. Jeta është e bukur kur dilni dhe kërkoni gjëra të reja e të mrekullueshme, që nuk e keni menduar se kanë ekzistuar më parë.

    8, 17, 22, 26, 13, 24, 31: Familja është vendi ku është zemra

    Jeni ndër njerëzit më të orientuar nga familja. Ju kujdeseni shumë për familjen tuaj dhe në shumicën e rasteve jeni me ta duke u argëtuar. Kujdeseni shumë për të dashurit tuaj, pavarësisht se cfarë po ndodh në jetët e tyre, ju jeni gjithmonë aty për ta. E njëjta gjë vlen për miqtë. Miqtë tuaj janë në thelb një familje e dytë në jetën tuaj.

  • Mposhtet Luizi në Instagram, ja kush ia zë vendin në “fron”, do habiteni!

    Mposhtet Luizi në Instagram, ja kush ia zë vendin në “fron”, do habiteni!

    Eksperti i IT, Tomi Kallanxhi, i ftuar në “Shqipëria Live” ka shpjeguar se si kanë lëvizur ndjekësit e personazheve të BBV2m gjatë kësaj jave.

    “Në vendin e parë për këtë javë ka qenë Ronaldo Sharka. Ronaldo ka qenë shumë aktiv në prodhimin e reels, dhe ka qenë një nga ata përdorues që ka postuar një herë në 2 javë ose dhe më pak. Ronaldo ka qenë çdo ditë.

    I dyti është Luiz Ejlli, ai e ka lënë pak pas dore, sepse i pëlqen të bëjë këto live-stream, nuk i ka mbajtur fansat të angazhuar.

    E treta është Kiara Tito, është një ndër personazhet me ndjekësit më të lartë në postime”, tha eksperti i IT.

  • Batutat ikonike të Silvio Berlusconit, si e shtangu Berishën (VIDEO)

    Batutat ikonike të Silvio Berlusconit, si e shtangu Berishën (VIDEO)

    Silvio Berlusconi, miliarderi me stilin pompoz dhe ish-kryeministri italian që dikur e kishte përshkruar vetën si Jezu Krishti i politikës, u nda nga jeta në moshën 86-vjeçare, në spitalin e San Raffaele në Milano.

    Silvio Berlusconi ishte presidenti i veprave, por edhe i fjalës së mprehtë. Janë të famshme shprehjet e tij, për situata dhe emra të veçantë të futbollit. Më poshtë janë listuar disa nga thëniet ikonike të Kavalierit:

    Çështje zemre – “Milani? Është një çështje zemre. E shtrenjtë, por edhe femrat e bukura janë të shtrenjta!” (1986).

    I shenjtë dhe profan – “Të gjitha gjërat që bëj janë profane, por Milani është i shenjtë” (1988).

    “Jo” Maradonës – “Maradona? Lojtar i madh, por nuk mund të përshtatej te Milani im. Ishte karakter i vështirë” (1988).

    Miliardat e Baresit – “Unë e meritova suksesin, si Franco Baresi që bëri miliardat e tij duke luajtur si mbrojtës i madh” (1994).

    Pizza, mafia dhe Milani – “Shpresojmë të kemi krijuar një ekip të aftë për të prodhuar shfaqje, sepse kemi detyra të sakta ndaj tifozëve tanë dhe ndaj pjesës tjetër të botës, ku jemi realiteti italian më i njohur, pas mafies dhe pizzas” (1995).

    Papa, si Milani – “Shenjtëria juaj, më lejoni t’ju them se ngjani pak me Milanin tim. Ne të dy shpesh shkojmë për të sjellë një ide fituese në botë. Kjo është ideja e Zotit” (1998).

    Pëlhura dhe rrobaqepësi Zaccheroni – “Zoti Lizzola ishte një rrobaqepës shumë i mirë dhe kishte një moto për pëlhurën e mirë: kujdes se cilit rrobaqepës ia jepni…” (2000).

    Helveg luan si i shurdhër – “Helveg më kujtoi fabulën e luanit të shurdhër: një burrë i bie violinës së tij në xhungël, duke tërhequr vëmendjen e një luani, pastaj një tjetri, deri në 100 luanë të magjepsur. Pas pak vjen një luan tjetër, i afrohet njeriut dhe e gllabëron atë” (2001).

    Një ndër momentet që do të mbahet mend nga ish-kryeministri Berluskoni në raport me Shqipërinë është edhe ajo që bëri në një takim që zhvilloi me Sali Berishën. Në një konferencë për shtyp, pas takimit me Berishën në vitin 2010, Silvio Berlusconi nuk ngurroi të ngacmonte disi pa takt kryeministrin shqiptar.

  • Humbje e madhe për kinematografinë botërore, ndërron jetë aktori i njohur

    Humbje e madhe për kinematografinë botërore, ndërron jetë aktori i njohur

    Ndërron jetë në moshën 68-vjeçare aktori i njohur Francesco Nuti.

    Lajmi u bë i ditur nga vajza e tij Ginevra, e cila tha se babai i saj ndërroi jetë në Villa Verde, Romë.

    Ajo dhe familjarët e tij falënderuan personelin shëndetësor dhe të gjithë ata që u kujdesën për aktorin gjatë kohës kur ai ishte i sëmurë.

    Data dhe vendi i varrimit nuk janë bërë ende të ditura.