Author: editor

Vetëm pak ditë më parë shfaqja e Luizit në “Times Square” në NewYork bëri xhiron e rrjetit, si çdo veprimtari tjetër e këngëtarit.

Nga data 9 Qershor, deri me 19 Qershor, ai do të jetë në Shtetet e Bashkuara të Amerikës, pasi është ftuar në disa koncerte në shtete të ndryshme.

Bashkë me të u tha se do të ishte edhe partnerja e tij Kiara Tito dhe këngëtari Mozzik. Por mesa duket Luizit do t’i duhet të udhëtojë i vetëm përtej oqeanit pasi përmes një postimi në rrjetet sociale Mozzik ka bërë me dije se nuk do të jetë e mundur të marrë pjesë në koncertet e lajmëruara më herët.

Shkak për këtë vendim është bërë fakti se nuk ka mundur të pajiset me vizë për të udhëtuar drejt SHBA-ve.

Ndërkohë, më herët faqja e cila ka organizuar turin e artistëve në SHBA, hoqi edhe emrin e Kiarës nga lista e të ftuarëve speciale, dhe kjo lëvizje ka bërë fansat të mendojnë se mos ndoshta edhe moderatores i është refuzuar viza.

Por Kiara ka publikuar pak orë më parë një foto ku tregon se ndodhet në Stamboll, ku mësohet se ka udhëtuar drejt Turqisë me ekipin e “Kepi i Tundimeve”, program që pritet të moderohet nga Kiara.

Një 34-vjeçar është proceduar penalisht në Portin e Vlorës, pasi iu gjetën në valixhen që mbante në automjet një shumë prej 17 mijë euro, të cilat nuk i kishte deklaruar.

Shuma e parave u sekuestrua në cilësinë e provës materiale, ndërkohë që materialet në ngarkim të tij i kaluan prokurorisë për veprime të mëtejshme.

“Shërbimet e Policisë Kufitare në port Vlorë, në bashkëpunim me Frontex-in, përfaqësuesit e Guardia di Finanza-s në Vlorë dhe autoritetet doganore në këtë port, bazuar në analizën e riskut, kanë intensifikuar kontrollet me qëllim parandalimin, evidentimin dhe goditjen e trafikimit të shumave monetare, lëndëve narkotike, armëve të zjarrit dhe goditjen e çdo paligjshmërie tjetër kufitare. Në këtë kuadër, në hyrje të RSH-së, kanë kaluar në vijën e dytë, për kontroll më të imtësishëm, autobusin me drejtues shtetasin R. M.

Gjatë kontrollit të ushtruar në këtë automjet, në valixhen me sendet personale të drejtuesit, shërbimet e Policisë gjetën 17 000 euro, të padeklaruara nga shtetasi R. M., konform ligjeve në fuqi.

Në përfundim të veprimeve procedurale për këtë rast, strukturat hetimore të DVP Vlorë referuan materialet në Prokurori ku nisi procedimi në gjendje të lirë për shtetasin R. M., 34 vjeç, banues në Fier, për veprën penale “Mosdeklarimi në kufi i të hollave dhe i sendeve me vlerë”, njofton policia.

Godina e Kuvendit të Malit të Zi është evakuuar për shkak të raportimit se në atë institucion ishte vendosur një bombë.

Sipas medias malazeze, “Vijesta” alarmi ka mbërritur në polici pak para orës 08:00.

“Anëtarët e Administratës së Policisë janë duke ndërmarrë masa dhe veprime në kompetencë të tyre, ndërsa informacioni është duke u verifikuar”, tha policia.

Edhe shkollat ??në disa qytete të Malit të Zip o ashtu ka patur alarme për bomba.

Drejtimi i automjetit nga të miturit dhe rastet në rritje të fëmijëve qe shkaktojnë aksidente teksa ngasin automjete pa leje drejtimi duhet të hetohen nga Policia e cila në bashkëpunim me prindërit duhet të ndalojë këtë fenomen.

Një video qarkullon në rrjet ku duket një djalë i mitur që drejton mjetin në prezencë të nënës së tij.

Çuditërisht nëna ndjehet krenare me djalin e saj që tashmë është ‘burrëruar’ dhe drejton edhe mjetin.

Madje në një moment ajo thotë: “Kush me ben xhiro mua. Te vdes une sa mire e nget”.

Një nga shenjat e para që bëri publikun të besojë ndarjen e Olsi Bylykut dhe Egli Takos ishte mungesa e një urimi nga Egli për nënë e Olsit në ditëlindjen e saj, ndryshe nga ç’jemi mësuar të shohim vitet e kaluara.

Pasi lajmi mori dhenë, duket se njëra nga palët (ish) nuse-vjehrrë nuk e ka marrë aspak me sportivitet. Deri dje pavarësisht ndarjes së çiftit, nëna e Olsit dhe Egli vazhdonin të ndiqeshin në Instagram, por jo më, shkruan AlbEu.com.

Tashmë Egli nga familja e ish partnerit ndjek vetëm kunatën dhe vetë Olsin. Nisur nga kjo, nuk mungojnë aludimet se nëna e Olsit mund të jetë bërë shkak për ndajren e çiftit edhe pse arsyeja mbetet ende mister.

Kujtojmë se dyshja nuk ka konfirmuar ende ndarjen personalisht, por nuk kanë munguar dedikimet për njëri-tjetrin në këto ditë të vështira për to.

Egli mungoi edhe në dasmën e Klea Hutës dhe Elgit Dodës, me të cilët më parë kishte një miqësi mjaft të ngushtë, por duket se nuk preferon të ndaj më të njëjtat ambiente me ish partnerin./albeu.com/

Një foshnjë 1-vjeçare u gjet e vdekur në një makinë në zonën Cecchignola, në jug të Romës. Sipas mediave italiane, babai, i cili është punonjës policie, ka dalë nga shtëpia në mëngjes për të shkuar në punë dhe ka marrë me vete fëmijën për ta çuar në çerdhe. Gruaja e tij duhej ta merrte në mesditë.

Megjithatë, kur gruaja mbërriti, edukatorët i thanë se vajza e saj nuk ishte në çerdhe. Me sa duket, kur babai ka parkuar jashtë çerdhes, ka harruar të marrë fëmijën me vete, duke bërë që ajo të qëndrojë brenda për orë të tëra në makinë.

Nëna më pas ka pikasur makinën e parkuar të të shoqit me foshnjën në të. E frikësuar vrapoi drejt saj dhe me ndihmën e një kalimtari thyen xhamin dhe nxjerr fëmijën.

Megjithatë, ishte tepër vonë sepse vajza e vogël tashmë kishte vdekur. Ekipet e shpëtimit kanë shkuar në vendngjarje dhe kanë konstatuar vdekjen e fëmijës së vogël. Në gjendje shoku, prindërit nuk mund ta besojnë atë që ka ndodhur me vajzën e tyre të vogël. Autoritetet po kryejnë një hetim për tragjedinë.

Ngjarja tragjike në Itali ka sjellë në mendje tragjedinë e ndodhur rreth një muaj më parë, me babain që la vajzën e tij të vogël në makinë për orë të tëra dhe vazhdoi rutinën e përditshme të punës, si pasojë e së cilës e gjeti vdekjen e tmerrshme.

Referuar nenit 5 të ligjit për kujdesin social, individët ose familjet që nuk kanë mjetet minimale të jetesës, për shkak të kushteve personale dhe sociale duhet të përfitojnë nga skemat mbështetëse të shërbimeve sociale. Por kjo familje siç shihet nuk ka përfituar asgjë, madje është nëpërkëmbur.

Siç e shikoni kjo është leja e ndërtimit të shtëpisë, e cila u shpall e pabaueshme nga tërmeti i 26 nëntorit. Nga 26 mln lekë që iu caktuan për ndërtimin e shtëpisë, kjo familje ka marrë vetëm 80 mijë lekë. Një shumë e papërfillshme që familja e mjerë i shfrytëzoi për të bërë një pus.

Fondi që familja duhet të merrte për rindërtim, iu dogj pasi nuk kishin mundësi për të nxjerrë lejen e ndërtimit. Kjo, ngre pikëpyetje të forta se si një familjë në kushte të tilla ekstreme varfërie dhe me të sëmurë të shëndetit mendor nuk është ndihmuar.

Njëjtë si familja Vidhani në Elbasan, mijëra familje në mbarë vendin janë lënë vetëm në betejën me sëmundjen më të egër të shekullit: atë të shëndetit mendor.

Pas viteve 2000 shëndeti mendor iu nënshtrua një procesi de-institucionalizimi, që kishte si qëllim reduktimin e spitaleve psikiatrike me shtretër. Procesi kishte qëllim ngritjen e një sistemi kapilar duke filluar nga mjeku i familjes, qendrat komunitare të shëndetit mendor dhe shtëpitë pritëse. Në këtë mënyrë personat me probleme të shëndetit mendor të mos përfundonin në spital por të qëndronin pranë familjes.

“Avokati i popullit” i cili është i vetmi institucion që nëpërmjet mekanizmit të parandalimit të torturës monitoron institucionet e mbyllura ku trajtohen personat me probleme të shëndetit mendor, pra spitalet psikiatrike dhe burgjet, thotë se reforma ka ecur vetëm në letër. Sipas këtij institucioni, realiteti është krejt tjetër.

“Deinsticionalizim pa buxhet dhe pa kapacitete nuk mund të kryhet. Nuk mundet që ky proces të mbetet vetëm në letër. Krijimi i qendrave komunitare nuk ka ecur as sipas planeve dhe as sipas asaj që ishte në letër. Pra përmirësimi i shërbimeve ka qenë aq i vogël saqë qartësisht nuk përballon nevojat e popullatës në lidhje me këtë çështje”, u shpreh avokatja e popullit Erinda Ballanca.

Hallkat nuk kanë funksionuar si duhet edhe në analizën që bën psikiatri Neli Demi, një nga njohësit më të mirë të politikave të shëndetit mendor. Sipas tij diku-diku reforma ka shënuar përparime, por jo me ritmin që ka ecur kjo sëmundje.

“Janë bërë hapa shumë të mirë në këtë drejtim, por ndonjëherë e ngadalësojmë hapin ose ndalojmë fare dhe pastaj e marrim atë, mund të vrapojmë për 100 metra sprint dhe pastaj e rimarrim përsëri. Nuk ka konsistencë në bërjen e gjërave”, tha Neli Demi.

Shëndeti mendor konsiderohet pandemia e re në të gjithë botën. Sipas Organizatës Botërore të shëndetit 10-20% e fëmijëve dhe adoleshentëve përjetojnë probleme të shëndetit mendor. Gjysma e problemeve të shëndetit mendor fillojnë në moshën 14-vjeçare, por shumica e rasteve mbeten të padiagnostikuara dhe të patrajtuara.

Avdi dhe Vere Metalla nga fshati Fullqet në Klos, prej thuajse tre dekadash janë të ngujuar me dy fëmijët e tyre me probleme të shëndetit mendor, në këtë dhomë të mbushur me mjerim dhe shpërfillje.

Për ta nuk ka asnjë ditë normale. Nuk shkojnë në asnjë dasëm apo festë familjare, madje edhe në raste vdekjeje shkojnë shumë rrallë. Iu duhet të kujdesen për fëmijët e tyre.

Djali 27 vjeç, pësoi një temperaturë të lartë pak pasi mbushi 1 vjeç, duke mbetur përjetësisht i paaftë dhe ngujuar pas këtij krevati. Vajza këtë vit mbush të 18-at, ka lindur me paaftësi intelektuale.

Ata nuk janë të aftë të kujdesen për veten e tyre, madje as të kryejnë nevojat personale bazike. Si pasojë ato kanë nevoja të jashtëzakonshme për rroba, dyshekë apo krevatë që i nxjerrin jashtë përdorimi brenda disa muajve. Vetëm për pampers kjo familje harxhon 30 mijë lekë të reja në muaj, nga 47 mijë lekë që merr në total për paaftësinë e dy fëmijëve dhe kujdestarinë.

“Të na kishin hequr të paktën lekët e pampersit…”, u shpreh Avdi Metalla.

Prindër të katër fëmijëve, nga të cilët dy me probleme të rënda të shëndetit mendor, ata edhe gjumin e bëjnë me turne, pasi njëri duhet të qëndrojë patjetër zgjuar dhe të ruajë fëmijët. Djali, shpesh herë çohet nga krevati dhe tenton të mbysë të motrën. Në disa raste ka nxjerrë drutë nga soba dhe u ka vënë flakën batanijeve, duke rrezikuar të djegë gjithë shtëpinë.

“Njëherë kishim lënë sobën ndezur, ai i merr drutë dhe kishin marrë flakë batanijet”, tha Avdi Metalla.

Në këtë shtëpi nuk ka as sobë elektrike, as lavatriçe, por çdo gjë e bëjnë me dru zjarri, pasi familja e ka të pamundur të përballojë kostot. Pavarësisht varfërisë së skajshme, kjo familje nuk është e përjashtuar nga pagesa e energjisë elektrike. Madje kur nisi reforma e energjisë elektrike në 2014-ën, familja u detyrua të marrë 3 mln lekë borxh për të shlyer pagesat e prapambetura.

Kreyfamiljari rrëfen se pushteti lokal i është gjendur pranë me çfarë ka mundur, por pagesa që ato marrin është e pamjaftueshme për të mbajtur frymën gjallë e jo më për tu ofruar një shërbim të mirë dy fëmijëve të sëmurë.

Minimalistë në kërkesat e tyre ato apelojnë që së paku tu rregollojnë banjon, pasi është krejtësisht e rrënuar, ndërsa fëmijët kanë nevojë të lahen disa herë në ditë dhe në të shumtën e rasteve i lajnë me ujë të ftohtë.

Për ta zgjidhja ideale do të ishte që pushteti lokal tu siguronte një shtëpi me qira.

“Për ne një shtëpi me qira do të ishte mirë afër spitalit, sepse i çoj shpesh në spital. Më duhet të marr taksi, ajo kushton”, u shpeh Avdiu.

Pavarësisht kësaj gjendje të rënduar Avdi dhe Vere Metalla, nuk pranojnë të heqin dorë nga përkujdesi ndaj fëmijëve të tyre. Së paku deri sa ato të jenë gjallë.

“Sa të jem unë gjallë nuk i lë kalamjtë, kur të vdes unë ndoshta…më kanë thënë ato të spitalit që ti mbajnë ato, por unë si lë dot”, tha Avdi Metalla.

Policia spanjolle ka publikuar videon nga momenti i nxjerrjes nga miru i trupit të shqiptares Sibora Gagani, e cila ishte vrarë nga ish-prattneri i saj Gaio Romeos, i cili pasi e kishte djegur trupin me acid e kishte murosur në një apartamenti në Torremolinos, pranë Malaga-s, në vitin 2014.

Gruaja, ishte shpërngulur në Spanjë së bashku me të fejuarin e saj të atëhershëm Romeo, por papritur i kishin humbur gjurmët.

Sipas mediave spanjolle, Romeo i futur në qoshe, pasi ka parë foton e ish-të dashurës së tij në komisariatin ku ishte marrë në pyetje, ka rrëfyer se e kishte vrarë.

Romeo u arrestua nga Policia Kombëtare pasditen e së mërkurës së kaluar në Torremolinos, disa orë pasi trupi i pajetë i Paulës u gjet me disa plagë me thikë. Fqinjët sigurojnë se më parë ka pasur një diskutim të fortë mes të dyve. Sibora Gagani u zhduk në Torremolinos 9 vjet më parë, gjatë verës së vitit 2014. Në atë kohë, Gagani ishte 22 vjeç dhe punonte si kamariere në qytetin Costa del Sol. Vajza ishte me origjinë shqiptare dhe, pavarësisht se jetonte në Itali me pjesën tjetër të familjes, katër vite para se të “zhdukej”, ajo vendosi të ndërmerrte hapin për t’u shpërngulur në Torremolinos me të dashurin e saj, Marco, me të cilin kisha vetëm një vit lidhje. Ai ishte Marco Gaio, i njëjti njeri që u arrestua këtë të mërkurë nga Policia pasi dyshohet se vrau partneren e tij aktuale, Paula, 28 vjeç, në shtëpinë që ata të dy ndanin në La Carihuela. Ai e goditi 14 herë me thikë teksa po bëhej gati të shkonte në punë. Menjëherë pas arrestimit të tij, familja e Gaganit akuzon Marco edhe për zhdukjen e vajzës së tyre.

Así descubrían nuestros agentes, tras una pared, en una vivienda de #Torremolinos restos humanos que podrían corresponder con los de una mujer desaparecida en 2014

⤵⤵https://t.co/viMfZ8ugYz pic.twitter.com/grtgh9tj4z

— Policía Nacional (@policia) June 7, 2023